រញ្ជួយដីស្លា.ប់នារី2នាក់ កុមារៗនៅក្រោមគំនរបាក់បែក
ការរញ្ជួយដីមួយមានកម្លាំង៤រីស្ទ័រកើតមានកាលពីយប់ថ្ងៃទី២១ សីហា នៅកោះ ISCHIA ជាកោះទេសចរណ៍ពេញនិយមមួយស្ថិតក្នុង
ការរញ្ជួយដីមួយមានកម្លាំង៤រីស្ទ័រកើតមានកាលពីយប់ថ្ងៃទី២១ សីហា នៅកោះ ISCHIA ជាកោះទេសចរណ៍ពេញនិយមមួយស្ថិតក្នុង
ប្រទេសអីុតាលី ៖ ការរញ្ជួយដីមួយមានកម្លាំង៤រីស្ទ័រកើតមានកាលពីយប់ថ្ងៃទី២១ សីហា នៅកោះ ISCHIA ជាកោះទេសចរណ៍ពេញនិយមមួយស្ថិតក្នុងដែនទឹកនៃទីក្រុង NAPLES ភាគខាងត្បូងអីុតាលី បណ្តាលឱ្យមនុស្សស្លាប់យ៉ាងតិច២នាក់ ចំណែកពួកអ្នកជួយសង្គ្រោះនៅប៉ុនប៉ងទាញយកកុមារ២នាក់ដែលនៅរស់រានមានជីវិតជាប់ក្រោមគំនរបាក់បែក ។
យោងតាមផ្នែកការពារស៊ីវិលថា នារីចំណាស់ម្នាក់បានស្លាប់នៅ CASAMICCIOLA ភាគខាងជើងកោះនេះ ដោយសារបំណែកនានាធ្លាក់លើព្រះវិហារគ្រឹស្តមួយ ចំណែកបណ្តាសារព័ត៌មានរៀបរាប់ពីការស្លាប់នារីម្នាក់ទៀតក្នុងគំនរបាក់បែកនៃផ្ទុះមួយដែលរលំបាក់ ។ នាវេលាម៉ោង៤ទៀបភ្លឺម៉ោងក្នុងស្រុក ពួកអ្នកជួយសង្គ្រោះបានទាញយកពីក្រោមគំនរបាក់បែកនូវកូនង៉ែតអាយុទើប៧ខែម្នាក់ឈ្មោះ PASQUALE ដែលកំពុងយំ ហើយគេនៅរស់ក្រោយការខិតខំប្រឹងប្រែងរយៈពេលច្រើនម៉ោងដើម្បីកាយយកគេ ។ ពួកអ្នកជួយសង្គ្រោះបន្តកាយរកក្មេងប្រុស២នាក់ទៀតជាបងរបស់កូនង៉ែតនេះដែលពួកគេនៅរស់ ។
យោងតាមបណ្តាសារព័ត៌មានថា កុមារទាំង២នាក់នេះ ម្នាក់អាយុ៤ឆ្នាំ ហើយម្នាក់ទៀតអាយុ៧ឆ្នាំបានរត់ទៅនៅក្រោមគ្រែ ហើយក្មេងជាបងបានទាក់ទងជាមួយបណ្តាអ្នកជួយសង្គ្រោះតាមទូរស័ព្ទ ។ គឺម្តាយរបស់ពួកគេដែលមានផ្ទៃពោះ ហើយនៅរស់រានមានជីវិតរាយការណ៍ប្រាប់ពីរឿងពួកកូនៗ រួចឪពុកពួកគេអាចជួយសង្គ្រោះនាវេលាម៉ោង២និង៣០នាទីរំលងអធ្រាត្រ ។
ការខូចខាតមានជាពិសេសក្នុងឃុំតូច២ភាគខាងជើងកោះ ។ អគារជាច្រើនត្រូវបាក់ រួចអគារច្រើនទៀតត្រូវប្រះ ។ មនុស្សប្រមាណ២៥នាក់រងរបួស ភាគច្រើនរបួសស្រាល៕
ចែករំលែកព័តមាននេះ