បើកស៊ើបអង្កេតលើការបុកគ្នាផ្ទួនៗរបស់នាវាចម្បាំង
ជាលើកទី៤ ចាប់តាំងពីខែកុម្ភៈមក នាវាចម្បាំងអាេមរិកបានបុកគ្នាក្នុងតំបន់មួយដែលមានភាពតឹងខ្លាំង ។ សរុបនាវិកអាមេរិក១៧នាក់ ស្លា.ប់ក្នុងឧប្បត្តិហេតុទាំងនេះ ។
សហរដ្ឋអាមេរិក ៖ ជាលើកទី៤ ចាប់តាំងពីខែកុម្ភៈមក នាវាចម្បាំងអាេមរិកបានបុកគ្នាក្នុងតំបន់មួយដែលមានភាពតឹងខ្លាំង ។ សរុបនាវិកអាមេរិក១៧នាក់ ស្លាប់ក្នុងឧប្បត្តិហេតុទាំងនេះ ។ រដ្ឋមន្ត្រីការពារប្រទេសអាមេរិក ទាមទារឱ្យមានការស៊ើបអង្កេតដោយស៊ីជម្រៅមួយ ។
កងម៉ារីនអាមេរិក ប្រកាសនាថ្ងៃទី២១ សីហា ថា ខ្លួនផ្អាករាល់ប្រតិបត្តិការលើពិភពលោក ក្រោយការបុកគ្នារបស់នាវាចម្បាំងមួយរបស់ខ្លួន ដែលជាការបុកគ្នាលើកទី២ រយៈពេលតែជាង២ខែបន្តិចជាមួយមនុស្សស្លាប់១៧នាក់ ហើយនេះជាការបុកគ្នាលើកទី៤របស់នាវាចម្បាំងអាេមរិកចាប់តាំងពីខែកុម្ភៈមក ។
រដ្ឋមន្ត្រីការពារប្រទេសអាមេរិក លោក JIM MATTIS បានសន្យាពីការស៊ើបអង្កេតដោយស៊ីជម្រៅមួយរបស់មន្ទីរប៉ង់តាហ្គោនលើរាល់ឧប្បត្តិហេតុទាំងនោះ ដើម្បីពិនិត្យរាល់កត្តាពុំត្រឹមតែបណ្តាកត្តាជាបន្ទាន់ឡើយ ។
ចំណែកប្រមុខប្រតិបត្តិការជើងទឹករបស់កងម៉ារីនអាមេរិក ឧត្តមនាវី JOHN RICHARDSON បញ្ជាក់ថា ក្នុងចំណោមកត្តាទាំងនេះ ក៏មានសន្តិសុខខាងព័ត៌មានវិទ្យាផងដែរ។
ទន្ទឹមនឹងនេះការតាមរុករកនាវិកអាមេរិក១០នាក់ ដែលបាត់ខ្លួនសន្មត់ថាស្លាប់ក្នុងដែនដីសិង្ហបុរីនៅបន្ត ។ ប្រតិបត្តិការតាមរុករកចូលរួមដោយបណ្តានាវា និងយន្តហោះរបស់ប្រទេស៣ គឺសិង្ហបុរី ម៉ាឡេស៊ី និងសហរដ្ឋអាមេរិក ។
នាវាពិឃាតបាញ់មីស៊ីល USS JOHN MCCAIN កាលពីថ្ងៃទី២១ សីហា បានបុកនាវេលាម៉ោង៥និង២៤នាទីព្រឹកម៉ោងក្នុងស្រុកជាមួយនាវាដឹកប្រេងមួយគ្រឿងដោតទង់ជាតិលីបេរីយ៉ានៅច្រកសមុទ្រសិង្ហបុរី ជិតច្រកសមុទ្រ MALACCA ។ ក្រៅពីនាវិក១០នាក់បាត់ខ្លួននាវិក៥នាក់ទៀតរងរបួស ។ នាវា USS JOHN MCCAIN រងការខូចខាតធ្ងន់ធ្ងរ ដោយបែកធ្លាយសម្បកនាវាមួយផ្នែកនាំឱ្យទឹកចូលដល់ផ្នែកនានារបស់នាវាមានទាំងបន្ទប់ម៉ាស៊ីន និងបន្ទប់វិទ្យុទាក់ទងផង ៕
ចែករំលែកព័តមាននេះ