លោកត្រាំ ងើយមើលសូរ្យគ្រាសដោយឥតពាក់វ៉ែនតាខ្មៅ
សហរដ្ឋអាមេរិក ៖ ពេលមានសូរ្យគ្រាសក្នុងផ្ទៃមេឃអាមេរិកកាលពីថ្ងៃទី២១ សីហា ប្រធានាធិបតីអាមេរិក លោកដូណាល់ ត្រាំ បានងើយមើលព្រះអាទិត្យដោយ
សហរដ្ឋអាមេរិក ៖ ពេលមានសូរ្យគ្រាសក្នុងផ្ទៃមេឃអាមេរិកកាលពីថ្ងៃទី២១ សីហា ប្រធានាធិបតីអាមេរិក លោកដូណាល់ ត្រាំ បានងើយមើលព្រះអាទិត្យដោយពុំមានពាក់វ៉ែនតាខ្មៅសម្រាប់ការពាររយៈពេលខ្លី ។
វ៉ែនតាខ្មៅ គឺចាំបាច់ដើម្បីពាក់ការពារភ្នែកឱ្យមានសន្តិសុខគ្រប់គ្រាន់ពេលក្រឡេកមើលព្រះអាទិត្យ ។ នៅក្បែរភរិយាលោកស្រីមីឡា នីញ៉ា និងកូនប្រុស BARRON នាយ៉សេតវិមានប្រធានាធិបតីអាមេរិក ត្រូវគេតាមថតនាពេលនោះ ។ លោកស្រីម៉ាឡានីញ៉ា ត្រាំ ក្នុងរយៈពេលខ្លីក៏ដោះវ៉ែនតាខ្មៅ ចេញដើម្បីសម្លឹងមើលសូរ្យគ្រាសដែរ ។
ផ្ទុយទៅវិញ ចំណែកខាងគ្រួសារលោកប៊ូស វិញ ហាក់ដូចធ្វើតាមការណែនាំសម្រាប់ការមើលបាតុភូតនេះ ដោយសុទ្ធតែពាក់វ៉ែនតាការពារមើលសូរ្យគ្រាស ។ ពលរដ្ឋអាមេរិកច្រើនលាននាក់នាថ្ងៃទី២១ សីហា បាននាំគ្នាមើលសូរ្យគ្រាសពេញនៅទូទាំងសហរដ្ឋអាមេរិកពុំធ្លាប់មានចាប់តាំងពីជិតមួយសតវត្សមកហើយ ។
ក្រោយការទន្ទឹងរង់ចាំជាច្រើនសប្តាហ៍ ពលរដ្ឋអាមេរិកចាប់ពីរដ្ឋអូរីហ្គោនជាប់ឆ្នេរសមុទ្រប៉ាស៊ីហ្វិករហូតដល់រដ្ឋការ៉ូលីនខាងត្បូងជាប់ឆ្នេរសមុទ្រអាត្លង់ទិកបាននាំគ្នាមើលបាតុភូតដ៏កម្រនេះដែលធ្វើឱ្យសហរដ្ឋអាមេរិកស្ថិតក្នុងភាពងងឹតស្ទើរទាំងស្រុងរយៈពេលប្រមាណជា២នាទី ។ ប្រធានាធិបតី លោកដូណាល់ ត្រាំ ក៏ចេញពីសេតវិមានមើលសូរ្យគ្រាសនេះដែរ ៕
ចែករំលែកព័តមាននេះ