យ៉ា… ឃើញហើយ ជនគំរាមទារប្រាក់ផ្ទះហ្គេមបា.ញ់ត្រី
គំរាមមេការផ្ទះហ្គេមបា.ញ់ត្រី តែប្លាតគ្រាប់ទៅត្រូវស្ត្រីរើសអេតចាយម្នាក់
គំរាមមេការផ្ទះហ្គេមបា.ញ់ត្រី តែប្លាតគ្រាប់ទៅត្រូវស្ត្រីរើសអេតចាយម្នាក់
រាជធានីភ្នំពេញ ៖ កម្លាំងសមត្ថកិច្ចកងរាជអាវុធហត្ថរាជធានី កាលពីថ្ងៃទី១៩ សីហា បានបំបែកសំណុំរឿងខ្មាន់កាំភ្លើងបាញ់កាំភ្លើងខ្លីម៉ាកកា៥៩មួយដើម ដែលមានគ្រាប់ចំនួន៧គ្រាប់ ត្រូវបានជនមិនស្គាល់មុខយកទៅប្លុងចោលនៅក្បែរគំរាមមេការផ្ទះហ្គេមបាញ់ត្រី តែប្លាតគ្រាប់ទៅត្រូវស្ត្រីរើសអេតចាយម្នាក់ បណ្តាលឲ្យធ្លាយពោះ ដោយបានឃាត់ខ្លួនជនសង្ស័យហើយ ដែលជាមនុស្សគ្មានមុខរបរពិតប្រាកដ ។ ជននោះឈ្មោះ ប៊ូ យូហេង ភេទប្រុស អាយុ២៨ឆ្នាំ ស្នាក់នៅភូមិផ្សារតូច សង្កាត់ទួលសង្កែ ខណ្ឌឫស្សីកែវ ។
គួររំលឹកថា កាលពីពាក់កណ្តាលអធ្រាត្រថ្ងៃទី១៤ សីហា បុរសម្នាក់បានទៅទារលុយនៅកន្លែងដាក់ហ្គេមបាញ់ត្រីមិនបានដូចបំណង ក៏បានដកកាំភ្លើងបាញ់មេការតែប្លាតគ្រាប់ទៅត្រូវស្ត្រីម្នាក់ ដែលកំពុងដើររើសអេតចាយតាមផ្លូវបណ្តាលឲ្យធ្លាយពោះត្រូវបានដឹកទៅមន្ទីរពេទ្យភ្លាមៗ ។
ក្រោយកើតមានអំពើបាញ់បោះ សមាសភាពខ្មាន់កាំភ្លើងនោះត្រូវគេសង្ស័យថា ជាប៉ូលិសតែក៏ត្រូវបានបដិសេធពីស្នងការដ្ឋាន ហើយក្រោយមកក៏បានសង្ស័យថា ជាមន្ត្រីយោធា ។ ដើម្បីស្វែងរកការពិត លោកនាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ដែលតែងតែមិននៅស្ងៀមរាល់បទល្មើសពាក់ពន្ធកម្លាំងប្រាប់អាវុធដូចជា លួច ឆក់ ប្លន់ ឃាតកម្ម បាញ់ប្រហារ កាន់កាប់អាវុធខុសច្បាប់ ក្លែងបន្លំប្រើឈ្មោះអង្គភាព ឬស្ថាប័នប្រដាប់អាវុធ បានដាក់បញ្ជាយ៉ាងម៉ឺងម៉ាត់ទៅកម្លាំងជំនាញថ្នាក់ក្រោមឲ្យចុះស្រាវជ្រាវ និងសើុបអង្កេតជាបន្ទាន់ដើម្បីវែកមុខជនខិលខួច ឬឧក្រិដ្ឋជនទាំងនោះ។
ជាក់ស្តែង ក្រោមការដឹកនាំផ្ទាល់ពីសំណាក់លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញបានប្រើប្រាស់កម្លាំងជំនាញ បើកប្រតិបត្តិការតាមបង្ក្រាប រហូតឈានដល់ឃាត់ខ្លួនជនសង្ស័យ ក្នុងករណីបាញ់បោះនោះ តើជាសមាសភាពបែបណា ? បន្ទាប់ពីឃាត់ខ្លួនជនសង្ស័យជាខ្មាន់កាំភ្លើង ជននេះបានសារភាពប្រាប់កម្លាំងកងរាជអាវុធហត្ថថា ក្រោយពេលបាញ់ត្រូវរបួសស្ត្រីម្នាក់ រូបគេបានរត់គេចខ្លួនទៅដល់ខេត្តបន្ទាយមានជ័យ ប៉ុន្តែមិនបានប៉ុន្មានថ្ងៃ ក៏វិលត្រឡប់ទៅស្រុកកំណើតនៅខេត្តកំពង់ចាមវិញ ។
លុះដល់ថ្ងៃទី១៩ សីហា ត្រូវបានកម្លាំងសមត្ថកិច្ចកងរាជអាវុធហត្ថរាជធានី សហការជាមួយកម្លាំងស្នងការដ្ឋានយុត្តិធម៌នៃកងរាជអាវុធហត្ថលើផ្ទៃប្រទេសទៅចាប់ខ្លួននៅចំណុចភូមិទី១ សង្កាត់វាលវង់ ក្រុងកំពង់ចាម ខេត្តកំពង់ចាម ដោយមានការចូលរួមពីកម្លាំងកងរាជអាវុធហត្ថមូលដ្ឋាននោះផង ខណៈជនសង្ស័យកំពុងជិះម៉ូតូតាមផ្លូវ ។
តាមចម្លើយជនសង្ស័យបានរៀបរាប់ប្រាប់សមត្ថកិច្ចថា នៅថ្ងៃកើតហេតុនោះខ្លួនបានទៅឃើញទីតាំងហ្គេមមួយកន្លែងទើបបើកថ្មី ក៏ដើរចូលទៅសម្លុតជំរិតទារប្រាក់ពីក្រុមអ្នកលេង និងអ្នកមើលការខុសត្រូវបានចំនួន៥ពាន់រៀល ដោយរូបគេបានក្រវាត់ID និងកាំភ្លើងខ្លីមួយដើម នៅនឹងចង្កេះ តែពេលនោះអ្នកមើលការខុសត្រូវមិនព្រមឲ្យប្រាក់គ្រប់ចំនួនតាមការទាមទាររបស់គេទេ គឺឱ្យតែ៣ពាន់រៀល ។ ពេលនោះក៏មានការឈ្លោះប្រកែកគ្នា រហូតដល់រូបគេ(ជនសង្ស័យ)បានដកកាំភ្លើងខ្លីពីចង្កេះបាញ់គំរាមអ្នកមើលការខុសត្រូវហ្គេមមួយគ្រាប់បណ្តាលឲ្យទៅត្រូវស្ត្រីម្នាក់ដែលកំពុងដើរតាមផ្លូវទៅវិញ។ ពេលនោះអ្នកមើលការខុសត្រូវហ្គេមបានស្ទុះទៅចាប់ និងប្រវាយប្រតប់គ្នារហូតធ្លាក់អាយឌី និងកាំភ្លើងខ្លី ទើបខ្លួនរត់ឡើងជិះម៉ូតូបើកគេចខ្លួនតែម្តងទៅ ។
ជនសង្ស័យបានបញ្ជាក់ថា កាំភ្លើងខ្លីដែលរូបគេប្រើ គឺបានទិញនៅតាមផ្លូវជិតស្ថានីយប្រេងឥន្ធនៈតេលា តាមមហាវិថីព្រះនរោត្តម ត្រង់ចំណុចគល់ស្ពានព្រះមុនីវង្ស ក្នុងតម្លៃ៤៧០ដុល្លារអាមេរិក ពីជនមិនស្គាល់ឈ្មោះម្នាក់ តាមរយៈការណែនាំតៗគ្នាពីអ្នកធ្លាប់ស្គាល់តាំងពីអំឡុងឆ្នាំ២០១៤ ។ ជនសង្ស័យត្រូវបានកម្លាំងការិយាល័យស្រាវជ្រាវបទល្មើសព្រហ្មទណ្ឌ នៃកងរាជអាវុធហត្ថរាជធានីភ្នំពេញ កសាងសំណុំរឿងបញ្ជូនទៅសាលាដំបូងតាមនីតិវិធី ៕
ចែករំលែកព័តមាននេះ