ឆែកប្រ៊ីយ៉ុង បែរជាចេញបាលី
ខេត្តពោធិ៍សាត់ ៖ មន្ត្រីប្រឆាំងអំពើពុករលួយ និងលោកគ្រូ អ្នកគ្រូជាអនុរក្សដែលបំពេញបេសកកម្មឆែកឆេរសិស្សានុសិស្សចូលប្រលងសញ្ញាប័ត្រមធ្យមសិក្សាទុតិយភូមិ បាននាំគ្នាអស់សំណើច ដោយសារ
ខេត្តពោធិ៍សាត់ ៖ មន្ត្រីប្រឆាំងអំពើពុករលួយ និងលោកគ្រូ អ្នកគ្រូជាអនុរក្សដែលបំពេញបេសកកម្មឆែកឆេរសិស្សានុសិស្សចូលប្រលងសញ្ញាប័ត្រមធ្យមសិក្សាទុតិយភូមិ បាននាំគ្នាអស់សំណើច ដោយសារតែឆែកឆេរបេក្ខជនមិនឃើញ ប្រ៊ីយ៉ុង បែរជាឃើញក្រដាសសូត្របាលីបន្ទាន់ចិត្តទៅវិញ។ ការរកឃើញនេះនៅព្រឹកថ្ងៃទី២២ ខែសីហា ឆ្នាំ២០១៧ នៅមណ្ឌលអនុវិទ្យាល័យពោធិ៍សាត់។
មន្ត្រី ACU និងអនុរក្សនៅទីនោះមិនបានប្រាប់ថា បេក្ខជនលាក់ក្រដាសសូត្របាលីបន្ទន់ចិត្តនេះប្រុស ឬស្រី ហើយលាក់ទុកនៅត្រង់ណាក្នុងខ្លួននោះទេ គ្រាន់តែដឹងថា មាន២សន្លឹកសរសេរដោយដៃ។
+ ក្រដាសទី១សរសេរថា «ធម៌ពេលប្រលង ៖
– អនុរក្សមកពីមុខរំលង
– អនុរក្សមកពីខ្នងឲ្យរលាយ
– ត្រួតពិនិត្យអគារដើរវង្វេងខ្ចត់ខ្ចាយ សប្បាយប្រធានមណ្ឌល អ ហិ ម ម (សូត្រ០៧ចប់)។
+ ក្រដាសទី២សរសេរថា៖ «ធម៌ទន្ទេញពេលប្រលង៖
– អលាំ=ធម៌បីម៉ាត់ភាវនាតាមផ្លូវ
– ឡើងសាលា (ប្រលង) ឈានជើងឡើង = ពុទ្ធំមហារាជា . ធម្មំមហាសេនា . សង្ឃំចុប្បុចិត្វា សព្វក្រេនា វិនាសសន្តិ។ ទើបអញ្ជើញគ្រូទេពផង គ្រូមុំរំភាព គ្រូអភិៈច្រាយ រំលាយចិញ្ចើម រំលាយទាំងចិត្ត រំលាយទាំងថ្លើម រំលាយទាំងចំបង សាំប្បទាយ ច្រវ៉ាក់បែកបាក់ ខ្មត់ខ្មាយចំឯង សមទាយ រលាយស្វាហាយ។
ព័ត៌មាន និងរូបភាពទាំងនេះដកស្រង់ចេញពីបណ្ដាញសង្គមហ្វេសប៊ុកឈ្មោះ លឹម សួស្ដី ដែលបានបង្ហោះកាលពីព្រឹកថ្ងៃទី២២ សីហា។ ក្នុងនោះមានអ្នក Comments និង Shares ច្រើនដែលភាគច្រើន គឺដាក់រូបអស់សំណើច ព្រោះហួសចិត្តមិនដែលជួបប្រទះកន្លងមក៕
ចែករំលែកព័តមាននេះ