បុរសពីរនាក់ស្លា.ប់ដោយសារលង់ទឹកក្នុងថ្ងៃតែមួយ
ខេត្តកណ្ដាល ៖ បុរសពីរនាក់ស្លា.ប់ ដោយសារលង់ទឹកនៅពីរកន្លែងផ្សេងគ្នា កាលពីថ្ងៃទី២១ ខែសីហា ឆ្នាំ២០១៧ ។
ខេត្តកណ្ដាល ៖ បុរសពីរនាក់ស្លា.ប់ ដោយសារលង់ទឹកនៅពីរកន្លែងផ្សេងគ្នា កាលពីថ្ងៃទី២១ ខែសីហា ឆ្នាំ២០១៧ ។
ខេត្តកណ្ដាល ៖ បុរសពីរនាក់ស្លាប់ ដោយសារលង់ទឹកនៅពីរកន្លែងផ្សេងគ្នា កាលពីថ្ងៃទី២១ ខែសីហា ឆ្នាំ២០១៧ ។ ម្នាក់ចុះទៅបោចស្មៅក្នុងស្រះលង់ស្លាប់ និងម្នាក់ទៀតផឹកស្រាស្រវឹងទៅងូតទឹកព្រែកលង់ស្លាប់ ។
ករណីទី១ បុរសម្នាក់ ទៅបោចស្មៅនៅក្នុងស្រះទឹក បណ្ដាលឲ្យលង់ស្លាប់ កាលពីវេលាម៉ោង០៨ព្រឹក ថ្ងៃទី២១ ខែសីហា ឆ្នាំ២០១៧ នៅចំណុចស្រះទឹក ក្នុងភូមិក្រោលគោ ឃុំសំបូរមាស ស្រុកមុខកំពូល ។ មន្ត្រីនគរបាលស្រុកមុខកំពូលបានឱ្យដឹងថា ជនរងគ្រោះឈ្មោះ សេត សារិទ្ធ ភេទប្រុស អាយុ៣៨ឆ្នាំ មុខរបរកសិករ មានទីលំនៅក្នុងភូមិក្រោលគោ ឃុំសំបួរមាស ។
នៅព្រឹកកើតហេតុនោះ ជនរងគ្រោះបានទៅធ្វើការបោចស្មៅកំពីងពួយនៅក្នុងស្រះទឹកខាងលើ ពេលជនរងគ្រោះបានបោចរុញស្មៅកំពីងពួយចេញពីស្រះទឹក យកមកលើគោក នៅពេលជនរងគ្រោះរុញស្មៅមក ក៏លិចក្នុងទឹកតែម្ដង ហើយឈ្មោះ ជុំ ញ៉ាញ់ អ្នកធ្វើជាមួយ ក៏ស្ទុះទៅជួយរាវរកស្រង់លើកជនរងគ្រោះមកលើគោកមិនរួច ក៏ស្រែកហៅឲ្យគេជួយ ភ្លាមៗនោះ ក៏មានអ្នកភូមិទៅជួយជនរងគ្រោះ ស្រង់យកមកលើគោកធ្វើចលនាជនរងគ្រោះដកដង្ហើមមួយៗ អ្នកភូមិ និងអ្នកជួយក៏នាំគ្នាយកទៅពេទ្យកាល់ម៉ែត្រភ្នំពេញ ពេលទៅដល់ពេទ្យប្រាប់ថា ជនរងគ្រោះស្លាប់ហើយ បាននាំសពជនរងគ្រោះមកផ្ទះវិញ ធ្វើបុណ្យតាមប្រពៃណី ។
ករណីទី២ បុរសម្នាក់ ផឹកស្រាស្រវឹងទៅងូតទឹកព្រែក បណ្ដាលឱ្យលង់ស្លាប់កាលពីវេលាម៉ោង០៧និង២០នាទីយប់ ថ្ងៃទី២១ ខែសីហា ឆ្នាំ២០១៧ នៅចំណុចក្នុងទឹកព្រែកជ្រៃ ស្ថិតក្នុងភូមិ ព្រែកជ្រៃ ឃុំព្រែកជ្រៃ ស្រុកកោះធំ ។ មន្ត្រីនគរបាលស្រុកកោះធំ បានឱ្យដឹងថា ជនរងគ្រោះឈ្មោះ ស៊ាង ថន ភេទប្រុស អាយុ៤៥ឆ្នាំ ជនជាតិខ្មែរ មុខរបរកសិករ មានទីលំនៅភូមិព្រែកជ្រៃ ឃុំព្រែកជ្រៃ ស្រុកកោះធំ ខេត្តកណ្តាល ។
យោងតាមការឆ្លើយបំភ្លឺរបស់ឈ្មោះ សុខ ជុំ ភេទស្រី អាយុ៤៧ឆ្នាំ ត្រូវជាប្រពន្ធជនរងគ្រោះ បានបំភ្លឺប្រាប់សមត្ថកិច្ចថា ៖ រយៈកាលកន្លងមកជនរងគ្រោះជាប្តីរបស់គាត់តែងតែផឹកស្រាស្រវឹងជារៀងរាល់ថ្ងៃគ្មាន គ្មានថ្ងៃលោះឡើយ ហើយពេលផឹកម្តងៗ គាត់វង្វេងស្មារតី បាត់ការចង់ចាំ ។ លុះនៅវេលាម៉ោងប្រមាណ០៦ល្ងាច ថ្ងៃកើតហេតុ ខ្លួនគាត់នៅផ្ទះ ពេលនោះជនរងគ្រោះជាប្តី បានសុំលុយចំនួន១,០០០រៀល ទៅហូបស្រាបន្តទៀត ក្រោយពីហូបស្រារួច ប្តីគាត់មកដល់ផ្ទះវិញ បានប្រាប់គាត់ថា ទៅងូតទឹក និងមកហូបបាយវិញ រួចប្តីរបស់គាត់ បានចេញពីផ្ទះទៅងូតទឹកព្រែកខាងក្រោយផ្ទះបាត់ទៅ ។ មួយសន្ទុះក្រោយមក ដោយបាត់ប្តី ជាជនរងគ្រោះយូរពេកពុំទាន់ឃើញត្រលប់មកផ្ទះ ក៏ទៅរកប្តីនៅមាត់ព្រែកតែមិនឃើញ ក៏សង្ស័យថា ៖ ប្តីលង់ទឹក ក៏ចុះរាវក្នុងទឹក ក៏ប្រទះឃើញប្តីលង់ទឹក ក៏ហៅបងប្អូនឲ្យចុះជួយលើកពីក្នុងទឹក ហើយធ្វើចលនា និងកំដៅភ្លើង តែពុំអាចជួយសង្គ្រោះបាន ព្រោះជនរងគ្រោះបានស្លាប់បាត់ទៅហើយ ។
ក្រោយពីបានទទួលព័ត៌មាន ផ្នែកជំនាញ នៃអធិការរដ្ឋាននគរបាលស្រុកកោះធំ បានដល់កន្លែងកើតហេតុ រួចបានបង្កើតពិនិត្យសាកសពជនរងគ្រោះ ឃើញថាជនរងគ្រោះពុំមានស្លាកស្នាមអ្វីគួរឲ្យកត់សម្គាល់ពាក់ព័ន្ធនឹងករណីផ្សេងឡើយ គឺពិតជាលង់ទឹកស្លាប់ប្រាកដមែន ៕
ចែករំលែកព័តមាននេះ