ផ្លែទុរេនមួយមានទម្ងន់ជិត៦០២ក្រាម និងជាប្រភពនៃថាមពល ។ ១០០ក្រាមនៃផ្លែទុរេនមានថាមពលប្រហែល១៤៧គីឡូកាឡូរី ឬប្រមាណ៧%នៃចំនួនដែលគេណែនាំឱ្យពិសា ។
អត្ថប្រយោជន៍របស់ផ្លែទុរេនគឺ ៖
ផ្លែទុរេនមួយមានទម្ងន់ជិត៦០២ក្រាម និងជាប្រភពនៃថាមពល ។ ១០០ក្រាមនៃផ្លែទុរេនមានថាមពលប្រហែល១៤៧គីឡូកាឡូរី ឬប្រមាណ៧%នៃចំនួនដែលគេណែនាំឱ្យពិសា ។
ផ្លែទុរេនមិនមានជាតិកូឡេស្តេរ៉ូលទេ ប៉ុន្តែគឺជាប្រភពដ៏ល្អនៃជាតិសរសៃ និងប្រូតេអីុន ។
អត្ថប្រយោជន៍របស់ផ្លែទុរេនចំពោះសុខភាព៖
១-ថ្នាំប្រឆាំងនឹងជំងឺបាក់ទឹកចិត្ត
ការសិក្សាបានបង្ហាញថា អ៊័រម៉ូនសេរ៉េតូនីនក្នុងកម្រិតទាបពិតជាអាចបង្កឱ្យមានជំងឺបាក់ទឹកចិត្ត ។ ទុរេនសម្បូរទៅដោយវីតាមីនB៦ដែលមានសារសំខាន់សម្រាប់ការផលិតអ៊័រម៉ូនសេរ៉េតូនីននេះ ។ ហេតុនេះហើយបានជាការទទួលទានផ្លែទុរេនអាចបង្កើនកម្រិតអ៊័រម៉ូនសេរ៉េតូនីន និងប្រឆាំងនឹងជំងឺបាក់ទឹកចិត្តបានយ៉ាងងាយស្រួល ។
២-ល្អចំពោះសុខភាពឆ្អឹង និងធ្មេញ
វត្តមានរបស់កាល់ស្យូម ប៉ូតាស្យូម និងវីតាមីនBក្នុងបរិមាណដ៏ច្រើនក្នុងផ្លែទុរេនមានអត្ថប្រយោជន៍សម្រាប់ការរក្សាសុខភាពធ្មេញនិងឆ្អឹង ។
៣-ជួយពន្យារភាពចាស់
វីតាមីនC មានបរិមាណដ៏ច្រើនក្នុងផ្លែទុរេន ។
វីតាមីនC គឺជាសារធាតុប្រឆាំងអុកស៊ីតកម្មដែលមានអានុភាពអាចជួយក្នុងការបំផ្លាញរ៉ាឌីកាល់សេរី ។ នៅពេលដែលរ៉ាឌីកាល់សេរីមានបរិមាណទាប នោះដំណើការវិវឍ្ឍទៅរកភាពចាស់របស់អ្នកក៏យឺតដែរ ។
៤-ល្អចំពោះប្រព័ន្ធរំលាយអាហារ
វត្តមាននៃជាតិសរសៃនៅក្នុងផ្លែទុរេនជួយក្នុងការបន្ធូរបន្ថយចលនាពោះវៀន ។ វាជួយបញ្ចៀសបញ្ហាទល់លាមក និងពង្រឹងថាមពលនៃការរំលាយអាហារ ។ វត្តមាននៃវីតាមីន Thiamine និងniacin ក៏ជួយធ្វើឱ្យចំណង់អាហារ និងថាមពលរំលាយអាហាររបស់អ្នកមានភាពប្រសើរឡើង ដូច្នេះវាធានាបានថាប្រព័ន្ធរំលាយអាហាររបស់អ្នកនៅតែមានសុខភាពល្អ ។
៥-គ្រប់គ្រងកម្រិតជាតិស្ករក្នុងឈាម
វត្តមាននៃសារធាតុម៉ង់ហ្គាណែសដែលមានក្នុងផ្លែទុរេនជួយក្នុងការគ្រប់គ្រង និងថែរក្សាកម្រិតជាតិស្ករក្នុងឈាម ។ ដូច្នេះអ្នកជំងឺទឹកនោមផ្អែមអាចពិសាផ្លែទុរេនដោយមិនមានការភ័យខ្លាចឡើយ ៕
ចែករំលែកព័តមាននេះ