ជិះម៉ូតូដឹកឈើធ្លាក់ផ្លូវដួលសង្កត់ខ្លួនឯងស្លា.ប់
ខេត្តមណ្ឌលគិរី ៖ ការរកស៊ីជួញដូរឈើមិនត្រឹមតែបំផ្លាញនូវធនធានធម្មជាតិប្រទេសកម្ពុជានោះទេ សូម្បីអាយុជីវិតប្រជាជនជាច្រើន ក៏បានរងគ្រោះពីការជួញដូរឈើ
ខេត្តមណ្ឌលគិរី ៖ ការរកស៊ីជួញដូរឈើមិនត្រឹមតែបំផ្លាញនូវធនធានធម្មជាតិប្រទេសកម្ពុជានោះទេ សូម្បីអាយុជីវិតប្រជាជនជាច្រើន ក៏បានរងគ្រោះពីការជួញដូរឈើ ដោយមានខ្លះរងគ្រោះពិការ ចំណែកមួយចំនួនទៀតបានបាត់បង់ជីវិតគួរឲ្យសោកស្តាយ ។ ជាក់ស្ដែងនៅវេលាម៉ោង១៥និង២០នាទី ថ្ងៃទី២១ ខែសីហា ឆ្នាំ២០១៧ មានករណីគ្រោះថ្នាក់ចរាចរណ៏៍កើតឡើងជិះម៉ូតូដឹកឈើដួលដោយខ្លួនឯងបណ្តាលឲ្យស្លាប់ ។
សមត្ថកិច្ចបានឲ្យដឹងថា ៖ ជនរងគ្រោះបានស្លាប់នៅលើផ្លូវកៅស៊ូត្រង់ចំណុចអូរផ្លាយ ស្ថិតក្នុងភូមិពូរ៉ាដែត ឃុំស្រែអំពូម ស្រុកពេជ្រាដា ជនរងគ្រោះ ឈ្មោៈ ម្ភែក គា ភេទប្រុស អាយុ១៩ឆ្នាំ ជនជាតិព្នង រស់ភូមិប៊ូស្រា ឃុំប៊ូស្រា ស្រុកពេជ្រាដា ខេត្តមណ្ឌលគិរី ។
សមត្ថកិច្ចបន្តថា ៖ ជនរងគ្រោះបានដឹកឈើប្រភេទកូនក្រឡឹងជិត១០គ្រាប់ ដោយចងភ្ជាប់លើរានម៉ូតូកែច្នៃដឹកចេញពីភូមិពីរ៉ាដែត ឆ្ពោះទៅទីរួមស្រុកពេជ្រាដា ។ ស្រាប់តែទៅដល់ចំណុចកើតហេតុ គេមិនដឹងថា ម៉ូតូជនរងគ្រោះកើតមានបញ្ហាអ្វីនោះទេ ស្រាប់តែឃើញម៉ូតូធ្លាក់ចេញពីផ្លូវទៅខាងស្តាំដៃ បណ្តាលឲ្យកំណាត់ឈើ នឹងម៉ូតូសង្កត់ពីលើស្លាប់ភ្លាមមួយរំពេច ។
ក្រោយពីមន្ត្រីជំនាញពិនិត្យសពរួច បានប្រគល់ជូនដល់ក្រុមគ្រួសារដើម្បីរៀបចំពិធីបុណ្យតាមប្រពៃណី ព្រោះនេះជាករណីគ្រោះថ្នាក់ដោយខ្លួនឯង ៕
ចែករំលែកព័តមាននេះ