បញ្ជូនជនសង្ស័យ៣នាក់ និងថ្នាំញៀន២គីឡូទៅតុលាការ
រាជធានីភ្នំពេញ ៖ កម្លាំងសមត្ថកិច្ចមន្ទីរប្រឆាំងគ្រឿងញៀ.ន ក្រសួងមហាផ្ទៃ កាលពីព្រឹកថ្ងៃទី២១ ខែសីហា ឆ្នាំ២០១៧
រាជធានីភ្នំពេញ ៖ កម្លាំងសមត្ថកិច្ចមន្ទីរប្រឆាំងគ្រឿងញៀន ក្រសួងមហាផ្ទៃ កាលពីព្រឹកថ្ងៃទី២១ ខែសីហា ឆ្នាំ២០១៧ បានបញ្ជូនជនសង្ស័យ៣នាក់ ពាក់ព័ន្ធករណីជួញដូរគ្រឿងញៀន (ក្នុងនោះមានម្នាក់ជាមេខ្លោង) ទៅកាន់សាលាដំបូងរាជធានីភ្នំពេញ រួមជាមួយ វត្ថុតាងថ្នាំញៀនជាង២គីឡូក្រាមផងដែរ ។
ជនសង្ស័យ៣នាក់នោះមាន ១.ឈ្មោះ យូ សូរិយា ហៅយ៉ា ភេទប្រុស អាយុ៤០ឆ្នាំ (មេខ្លោង) ២.ឈ្មោះ ង្វៀង ហ្វីងគៀង ហៅ សុខហេង ភេទប្រុស អាយុ៥៨ឆ្នាំ និង៣.ឈ្មោះ ង្វៀង ធីធី ភេទស្រី អាយុ៤០ឆ្នាំ ជនចាតិវៀតណាមទាំងបីនាក់ ។
គួររំលឹកថា កាលពីថ្ងៃទី១៧ ខែសីហា នេះ កម្លាំងសមត្ថកិច្ចមន្ទីរប្រឆាំងគ្រឿងញៀន បានប្រើប្រាស់កម្លាំងជំនាញស្រាវជ្រាវឃាត់ខ្លួនជនសង្ស័យចំនួន៣នាក់ នៅមុខវត្តមហាមន្ត្រី ស្ថិតក្នុងសង្កាត់អូឡាំពិក ខណ្ឌចំការមន រាជធានីភ្នំពេញ ចាប់យកវត្ថុតាងថ្នាំញៀន ចំនួន២១១៩.៦៤ ក្រាម (២គីឡូ១ខាំ១៩ក្រាម.៦៤) ជាប្រភេទថ្នាំហេរ៉ូអីន, រថយន្ត១គ្រឿង, ម៉ូតូ១គ្រឿង, និងទូរស័ព្ទដៃចំនួន៣គ្រឿង ។
ក្រោយពីឃាត់ខ្លួនជនសង្ស័យ និងចាប់យកវត្ថុតាងថ្នាំញៀនជា២គីឡូក្រាមនោះភ្លាម សមត្ថកិច្ចបាននាំជនសង្ស័យទៅឆែកឆេរផ្ទះដែលពួកគេស្នាក់នៅ២កន្លែងទៀត ក្នុងសង្កាត់ស្ទឹងមានជ័យ ខណ្ឌមានជ័យ ជាលទ្ធផលពុំមានអ្វីឲ្យកត់សម្គាល់នោះទេ ។
តាមប្រភពព័ត៌មានពីសមត្ថកិច្ច បានឲ្យដឹងថា ៖ ក្រុមឈ្មួញគ្រឿងញៀន៣នាក់នេះ សុទ្ធតែជាជនជាតិវៀតណាម ពួកគេជំនាញរកស៊ីដឹកជញ្ជូនគ្រឿងញៀន ពីប្រទេសឡាវ ចូលមកធ្វើចរាចរណ៍នៅក្នុងកម្ពុជា និងឆ្លងកាត់ទៅប្រទេសវៀតណាមទៀតផង ។
សមត្តកិច្ចបានឲ្យដឹងថា ៖ តាមចម្លើយពួកគេ បានប្រព្រឹត្តបទល្មើសជួញដូរគ្រឿងញៀនជាច្រើនលើកមកហើយ ប៉ុន្តែមិនមានថ្នាំញៀនច្រើនដូចលើកនេះទេ ហើយក៏មិនដែលសមត្ថកិច្ចចាប់ខ្លួនដែរ ។ ទោះជាយ៉ាងណា ជនសង្ស័យ និងថ្នាំញៀនជាង២គីឡូក្រាម ត្រូវបានសមត្ថកិច្ចកសាងសំណុំរឿង បញ្ជូនទៅកាន់សលាដំបូងរាជធានីភ្នំពេញ តាមនីតិវិធី ៕
ចែករំលែកព័តមាននេះ