ឡានបុកមនុស្សស្លា.ប់ហើយ… បើកគេចដោយសុវត្ថិភាព!
ស្ត្រីមានសតិមិនគ្រប់ម្នាក់
ខេត្តបាត់ដំបង ៖ សេចក្តីរាយការណ៍បឋមឱ្យដឹងថា ស្ត្រីមានសតិមិនគ្រប់ម្នាក់ ខណៈកំពុងឆ្លងថ្នល់ស្រាប់តែត្រូវរថយន្តមួយគ្រឿងបុកស្លាប់ភ្លាមៗយ៉ាងអាណោចអាធ័ម ហើយរថយន្តនោះបានបើកគេចបាត់ស្រមោលតែម្តង ដែលហេតុការណ៍នេះកើតឡើង កាលពីវេលាម៉ោង០៧ និង១៥នាទីយប់ថ្ងៃទី២១ សីហា ស្ថិតក្នុងភូមិដាច់ព្រាត ឃុំបវេល ស្រុកបវេល ខេត្តបាត់ដំបង ។
សេចក្តីរាយការណ៍បន្តថា ជនរងគ្រោះខាងលើត្រូវគេស្គាល់ឈ្មោះកាន់ ឌី អាយុ៥៨ឆ្នាំ មានទីលំនៅក្នុងភូមិទំនប់ទឹក ឃុំបវេល ស្រុកបវេល ខេត្តបាត់ដំបង ។ ដោយឡែក អ្នកបើរបររថយន្តគេចខ្លួនបាត់ក្រោយពេលកើតហេតុ ។ ទាក់ទិនករណីនេះ សមត្ថកិច្ចបានសន្និដ្ឋានថា ស្ត្រីរងគ្រោះចង់ឆ្លងថ្នល់ តែមិនបានប្រុងប្រយ័ត្ន ក៏ត្រូវរថយន្តបុកតែម្តង ។
បច្ចុប្បន្ន សាកសពស្ត្រីរង គ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី ។ ចំពោះរថយន្តមិនដឹងថា អាចរកតម្រុយឃើញ ឬក៏អត់នោះទេ ព្រោះបានបើកគេចដោយគ្រប់មិនស្គាល់អត្តសញ្ញាណ ។
ចែករំលែកព័តមាននេះ