បត់ចូលញ៉ាំអី ម៉ូតូបុកបាក់ជើងស្រីស្អាតម្នាក់
ខេត្តព្រះសីហនុ ៖ ស្ត្រីវ័យកណ្តាលម្នាក់ អាយុប្រមាណជាង៣០ឆ្នាំ បានបាក់ជើងស្តាំ បន្ទាប់ពីត្រូវបានម៉ូតូយុវជនម្នាក់បុកពេញទំហឹង ខណៈពេលមិត្តភក្តិដឹកមករកញ៉ាំអីពេលយប់ ។
ខេត្តព្រះសីហនុ ៖ ស្ត្រីវ័យកណ្តាលម្នាក់ អាយុប្រមាណជាង៣០ឆ្នាំ បានបាក់ជើងស្តាំ បន្ទាប់ពីត្រូវបានម៉ូតូយុវជនម្នាក់បុកពេញទំហឹង ខណៈពេលមិត្តភក្តិដឹកមករកញ៉ាំអីពេលយប់ ។
ខេត្តព្រះសីហនុ ៖ ស្ត្រីវ័យកណ្តាលម្នាក់ អាយុប្រមាណជាង៣០ឆ្នាំ បានបាក់ជើងស្តាំ បន្ទាប់ពីត្រូវបានម៉ូតូយុវជនម្នាក់បុកពេញទំហឹង ខណៈពេលមិត្តភក្តិដឹកមករកញ៉ាំអីពេលយប់ ។ ហេតុការណ៏នេះ បានកើតឡើងនៅវេលាម៉ោង២៣និង១០នាទី ត្រង់ចំណុចមុខផ្ទះសំណាក់ អង្គរមាស ស្ថិតក្នុងភូមិ០៤ សង្កាត់លេខ៤ ក្រុងព្រះសីហនុ ។
យោងតាមប្រភពសមត្ថកិច្ចចរាចរណ៏នៅកន្លែងកើតហេតុ បានឲ្យដឹងថា ៖ នៅវេលាម៉ោង២៣និង១០នាទីត្រង់ចំណុចមុខផ្ទះសំណាក់ អង្គរមាស ស្ថិតក្នុងភូមិ០៤ សង្កាត់លេខ៤ ក្រុងព្រះសីហនុ មានករណីគ្រោះថ្នាក់ចរាចរណ៏មួយកើតឡើង រវាងម៉ូតូហុងដា សេ១២៥ ពណ៌ខ្មៅ ស៊េរី២០១៤ ពាក់ស្លាកលេខ ភ្នំពេញ ១D-៨៤៥០ បើកបរដោយឈ្មោះ កែវ សុគន្ឋ ភេទប្រុស អាយុ២១ឆ្នាំ (រងរបួសស្រាល) មានមុខរបរជាងផ្សាដែក មានទីលំនៅក្រុម២៧ ភូមិ៥ សង្កាត់លេខ៤ ក្រុងព្រះ សីហនុ បានបុកជាមួយម៉ូតូមួយគ្រឿងម៉ាក គ្លិក ពណ៌ឈាមជ្រូក ពាក់ស្លាកលេខ ក្រចេះ ១A-៦០០១ បើកបរដោយឈ្មោះ ជុំ ពូន ភេទប្រុស អាយុ២៩ឆ្នាំ (រងរបួសស្រាល) ឌុបស្ត្រីម្នាក់ឈ្មោះ យឹម ចិន្តា អាយុ៣០ឆ្នាំ បណ្តាលរងរបួសបាក់ជើងស្តាំ ។
យោងតាមប្រភពសាក្សីក្បែរកន្លែងកើតហេតុ បានអះអាងថា ៖ នៅមុនកើតហេតុ គេបានឃើញម៉ូតូម៉ាក គ្លីក ជិះឌុបគ្នាជាមួយស្ត្រីម្នាក់ ក្នុងទិសដៅមកពីតោពីរ ហួសកន្លែងកើតហេតុបន្តិច ស្រាប់តែបត់ឆ្វេងឆ្លងទៅផ្លូវម្ខាងទៀត បន្ទាប់មកក៏បានបត់ឆ្វេងទៀត ក៏ត្រូវម៉ូតូរបស់យុវជនម្នាក់ ជិះម្នាក់ឯង បុកពេញទំហឹងតែម្តង បណ្តាលឲ្យស្ត្រីម្នាក់រងរបួសធ្ងន់បាក់ជើងស្តាំតែម្តង ។
ជុំវិញករណីគ្រោះថ្នាក់ចរាចរណ៏នេះផងដែរ បើយោងតាមការអះអាងពីភាគីម៉ូតូ គ្លីក ឈ្មោះ ជុំ ពូន បានឲ្យដឹងថា ៖ នៅមុនកើតហេតុ ខ្លួន និងមិត្តភក្តិផ្ទះក្បែរគ្នា បានជិះម៉ូតូមកដើរលេងម្តុំតោពីរ បន្ទាប់មកបានជិះម៉ូតូមកផ្ទះវិញ នៅស្ពានអូសំអាត នៅពេលមកដល់ម្តុំកន្លែងកើតហេតុ មិត្តភក្តិរបស់គាត់ចង់ញាំអាហារ ក៏បានបត់ត្រលប់ថយក្រោយ ដោយបានជិះក្រឡឹងខឿនពុះទ្រូងចែកផ្លូវ ស៊ីញ៉ូបត់ត្រឹមត្រូវ ប៉ុន្តែនៅពេលបត់បានពាក់កណ្តាលផ្លូវ ស្រាប់តែមានម៉ូតូយុវជនម្នាក់ជិះម្នាក់ក្នុងល្បឿនលឿន មកបុកម៉ូតូគាត់ ចំជើងមិត្តរបស់គាត់ បណ្តាលឲ្យបាក់តែម្តង ។
ក្រោយកើតហេតុ ម៉ូតូទាំងពីរគ្រឿង ត្រូវបានសមត្ថកិច្ច យកទៅរក្សាទុកនៅការិយាល័យចរាចរណ៍ រងចាំការដោះស្រាយនៅពេលបន្ទាប់ ឯស្ត្រីរងរគ្រោះសម្រាកព្យាបាលនៅគ្លីនិកឯកជន ចាក់អង្រែកំពង់សោម ៕
ចែករំលែកព័តមាននេះ