បុរសស្ត្រី៨នាក់អត់នាំគ្នាធ្វើការងារ បែរទៅអង្គុយលេងល្បែងបៀ
ខេត្តប៉ៃលិន ៖ មនុស្សជាច្រើន រស់នៅក្នុងក្រុងប៉ៃលិន មានការហួសចិត្តយ៉ាងខ្លាំងនឹងបុរសស្ត្រីចំនួន៨នាក់ ដែលមិនព្រមនាំគ្នាទៅរកការងារធ្វើ
ខេត្តប៉ៃលិន ៖ មនុស្សជាច្រើន រស់នៅក្នុងក្រុងប៉ៃលិន មានការហួសចិត្តយ៉ាងខ្លាំងនឹងបុរសស្ត្រីចំនួន៨នាក់ ដែលមិនព្រមនាំគ្នាទៅរកការងារធ្វើ បែរជានាំគ្នាទៅអង្គុយសម្ងំលេងល្បែងបៀរខុសច្បាប់។ ក្នុងចំ ណោមអ្នកញៀនល្បែងទាំង៨នាក់ មានមួយចំនួនជាប្រពន្ធរបស់មន្ត្រីរាជការក្នុងខេត្តថែមទៀត គួរតែធ្វើជាគំរូល្អដល់ពលរដ្ឋរស់នៅក្នុងភូមិ ទើបគេហៅថាពលរដ្ឋល្អ តែបែរជាអង្គុយជុំៗ នាំគ្នាបាំងផ្លិតក៏ត្រូវនគរបាលចាប់ឃាត់ខ្លួនតែម្តង។
ហេតុការណ៍ចាប់ឃាត់ខ្លួនបុរសស្ត្រីទាំង៨នាក់ខាងលើ បានកើតឡើងកាលពីវេលាម៉ោង២រសៀល ថ្ងៃទី២១ ខែសីហា ឆ្នាំ២០១៧នេះ ស្ថិតនៅចំណុចដីឡូត៍មួយកន្លែង ក្នុងភូមិវត្តសង្កាត់ប៉ៃលិន ក្រុងប៉ៃលិន ដោយឃាត់ខ្លួនស្ត្រីចំនួន៤នាក់ រហូតដល់វេលាម៉ោង២ និង៣០នាទីរសៀលថ្ងៃដដែល កម្លាំងនគរបាលធ្វើការឃាត់ខ្លួនបុរសស្ត្រីចំនួន៤នាក់ទៀត ស្ថិតនៅក្នុងភូមិអូរច្រាលិច សង្កាត់ទួលល្វា ក្រុងប៉ៃលិន។ ប្រភពព័ត៌មានពីនគរបាលបានឱ្យដឹងថា យោងតាមគោលនយោបាយភូមិឃុំមានសុវត្ថិភាពទាំង៩ចំណុច របស់រាជរដ្ឋាភិបាល ដោយនៅក្នុងចំណុចទី៥ បានកំណត់ថា គ្មានការលេងល្បែងស៊ីសងគ្រប់ប្រភេទ ទើបកម្លាំងនគរបាលព្រហ្មទណ្ឌកម្រិតស្រាលសហការជាមួយនឹងការិយាល័យអន្តរាគមន៍ ចុះធ្វើការបង្ក្រាបតែម្តង។
ប្រភពបន្តទៀតថា ក្រុមអ្នកញៀនល្បែងទាំង៨នាក់ ទី១. ឈ្មោះ អេង សារឿន ភេទស្រី អាយុ៥៦ឆ្នាំ ទី២.ឈ្មោះ សាន ភាព ភេទស្រី អាយុ៤០ឆ្នាំ ទី៣.ឈ្មោះ វ៉ិត ហ៊ុន ភេទស្រី អាយុ៥៣ឆ្នាំ និងទី៤.ឈ្មោះ សុខ ស្រីនី ភេទស្រី អាយុ៣៥ឆ្នាំ ទាំងអស់គ្នាជាមេផ្ទះ រស់នៅភូមិខាងលើ រហូតមកដល់វេលាម៉ោង២ និង៣០នាទីរសៀលថ្ងៃដដែលឃាត់ខ្លួន៤នាក់ទៀត ទី១.ឈ្មោះ ចិន វាសនា ភេទប្រុស អាយុ៣៥ឆ្នាំ ជាអ្នកលក់ដូរ ទី២.ឈ្មោះ ទ្រី នឿន ភេទស្រី អាយុ២៩ឆ្នាំ ជាអ្នកលក់ផ្លែឈើ ទី៣.ឈ្មោះ ភី ស្រីមុំ ភេទស្រី អាយុ ៣៧ឆ្នាំ ជាអ្នកលក់ដូរ និងទី៥.ឈ្មោះ ស៊ិម ប៉ះ ភេទស្រី អាយុ៤៦ឆ្នាំ ជាអ្នកលក់ខោអាវ ទាំងអស់គ្នារស់នៅ ភូមិអូរច្រាលិច សង្កាត់ទួលល្វា ក្រុងប៉ៃលិន។
ការបង្ក្រាបករណីខាងលើនេះ នគរបាលរឹបអូសបានវត្ថុតាងមួយ ចំនួនដូចជាបៀ១ហ៊ូ (៥២សន្លឹក) និងប្រាក់ចំនួន២៥ម៉ឺនរៀលផងដែរ។ សូមបញ្ជាក់ថា ប្រពន្ធមន្ត្រីរាជការមួយចំនួនក៏ចូមរួមលេងជាមួយនឹងអ្នកទាំងអស់ខាងលើនេះដែរ ដូច្នេះហើយបានជាគំរូមិនល្អដល់ពលរដ្ឋ នាំគ្នាលេងយ៉ាងពពាក់ពពូនតតែម្តង៕
ចែករំលែកព័តមាននេះ