ម្តាយឪពុកគិតកូនដូចចង្វាប្រដេញ កូនគិតម្តាយឪពុកវិញដូចព្រះបែខ្នង?
ខេត្តកំពង់ឆ្នាំង ៖ ទឹកចិត្តឪពុកម្តាយ ទោះបីស្ថិតក្រោមតំណក់ទឹកភ្លៀង លាយដោយខ្យល់ និងផ្គរ ផ្លេកបន្ទោរយ៉ាងណាក្តី
ខេត្តកំពង់ឆ្នាំង ៖ ទឹកចិត្តឪពុកម្តាយ ទោះបីស្ថិតក្រោមតំណក់ទឹកភ្លៀង លាយដោយខ្យល់ និងផ្គរ ផ្លេកបន្ទោរយ៉ាងណាក្តី
ខេត្តកំពង់ឆ្នាំង ៖ ទឹកចិត្តឪពុកម្តាយ ទោះបីស្ថិតក្រោមតំណក់ទឹកភ្លៀង លាយដោយខ្យល់ និងផ្គរ ផ្លេកបន្ទោរយ៉ាងណាក្តី ក៏ពួកគាត់មិនរាថយក្នុងការទន្ទឹងរង់ចាំកូនៗ ជាទីស្រលាញ់ពួកគាត់ចេញពីមណ្ឌលប្រឡងវិញដែរ។ រូបប៉ុន្មានសន្លឹកនេះ បានបង្ហាញការតស៊ូរបស់អាណាព្យាបាលដែលអង្គុយក្រោមដំណក់ភ្លៀងរង់ចាំកូនៗចេញពីមណ្ឌលប្រលង នៅសាលាបឋមសិក្សាគំរូក្រុង កាលពីរសៀលថ្ងៃទី២១ ខែសីហា ឆ្នាំ២០១៧នេះ។ ពួកគាត់មិនបានគិតថា តើនឹងមានអ្វីកើតឡើងចំពោះគាត់នោះទេ ព្រោះការឈរហាលភ្លៀង ហាលខ្យល់បែបនេះ បើមិនជួបបញ្ហាប្រឈមធំៗដូចជាខ្យល់រំលំដើមឈើ ឬមានរន្ទះក៏ត្រឹមកើតជំងឺផ្តាសាយដែរ…នេះហើយទឹកចិត្តពួកគាត់។
តើពេលពួកយើងជាកូនធំហើយមានការងារធ្វើ មានប្តីប្រពន្ធ ពួកយើងនឹងគិតគាត់ ដូចគាត់គិតយើងនៅពេលនេះទេ ? នេះគ្រាន់តែសុភាសិតពីបុរាណកាលមកនោះទេ មួយភាគធំមិនដូចនេះឡើយ តែមួយចំនួនក្នុងសង្គមបច្ចុប្បន្នពិតជាចៀសមិនរួចឡើយ។ ជាការពិតនៅក្រុងកំពង់ឆ្នាំង នៅរសៀលថ្ងៃចន្ទ ដែលជាថ្ងៃទី១នៃប្រលងសញ្ញាបត្រ័មធម្យមសិក្សា ទុតិយភូមិនេះ មានភ្លៀងយ៉ាងខ្លាំង ហេតុនេះ នៅក្នុងក្រុងកំពង់ឆ្នាំង ដែលមានមណ្ឌលប្រលងចំនួន៣ គឺសាលាបឋមសិក្សាគំរូក្រុង វិទ្យាល័យក្រុងកំពង់ឆ្នាំង និងវិទ្យាល័យ ព្រះបាទសុរាម្រិត គឺសុទ្ធសឹងតែមានទិដ្ឋភាពបែបនេះដូចៗគ្នា។ សូមឲ្យការតស៊ូរបស់ពួកគាត់ បានទទួលសំណាងល្អ ក្នុងក្នុងលទ្ធផលប្រលងរបស់កុលបុត្រ កុលធីតាពួកគាត់សមតាមក្តីប្រថា្នកុំបីឃ្លៀងឃ្លាតឡើយ៕
ចែករំលែកព័តមាននេះ