អាមេរិកចាប់ផ្តើមស៊ើបអង្កេតផ្នែកពាណិជ្ជកម្ម
សហរដ្ឋអាមេរិក ៖ កាលពីថ្ងៃសុក្រកន្លងមក សហរដ្ឋអាមេរិកបានចាប់ផ្តើមស៊ើបអង្កេតផ្នែកពាណិជ្ជកម្មជាផ្លូវការលើការគោរព កម្មសិទ្ធិបញ្ញារបស់ប្រទេសចិន និងបង្ខំឲ្យ
សហរដ្ឋអាមេរិក ៖ កាលពីថ្ងៃសុក្រកន្លងមក សហរដ្ឋអាមេរិកបានចាប់ផ្តើមស៊ើបអង្កេតផ្នែកពាណិជ្ជកម្មជាផ្លូវការលើការគោរព កម្មសិទ្ធិបញ្ញារបស់ប្រទេសចិន និងបង្ខំឲ្យ
សហរដ្ឋអាមេរិក ៖ កាលពីថ្ងៃសុក្រកន្លងមក សហរដ្ឋអាមេរិកបានចាប់ផ្តើមស៊ើបអង្កេតផ្នែកពាណិជ្ជកម្មជាផ្លូវការលើការគោរព កម្មសិទ្ធិបញ្ញារបស់ប្រទេសចិន និងបង្ខំឲ្យមានការបញ្ចូលបច្ចេកវិទ្យារបស់អាមេរិក ។
អ្នកតំណាងផ្នែកពាណិជ្ជកម្មសហរដ្ឋអាមេរិក លោក Robert Lighthizer បាននិយាយក្នុងសេចក្តីថ្លែងការណ៍ថា ៖« កាលពីថ្ងៃចន្ទ លោកប្រធានាធិបតី ដូណាល់ ត្រាំ (Donald Trump) បានប្រាប់ខ្ញុំឲ្យត្រួតពិនិត្យច្បាប់ គោលនយោបាយ និងការអនុវត្តរបស់ចិន ដែលអាចនឹងប៉ះពាល់ដល់កម្មសិទ្ធិបញ្ញា, ការបង្កើតថ្មី ឬការអភិវឌ្ឍបច្ចេកវិទ្យារបស់អាមេរិក » ។
លោកបន្តថា ៖« បន្ទាប់ពីបានប្រឹក្សាជាមួយភាគីចូលរួម និងភ្នាក់ងាររដ្ឋាភិបាលដទៃទៀតហើយ ខ្ញុំយល់ឃើញថា បញ្ហាសំខាន់ៗទាំងនេះត្រូវការការស៊ើបអង្កេតក្បោះក្បាយមួយ » ។
ក្រុមហ៊ុនបរទេសបានរអ៊ូរទាំជាយូរមកហើយទាក់ទិននឹងការបរាជ័យរបស់ចិន ក្នុងការការពារចំណេះដឹង និងប៉ាតង់ ។ ករណីមួយចំនួនទៀត ប្រទេសនេះបានបង្ខំឲ្យក្រុមហ៊ុនចែករំលែកព័ត៌មានជាមួយដៃគូពាណិជ្ជកម្មក្នុងស្រុក ដើម្បីប្រកបអាជីវកម្មក្នុងទីផ្សារចិនដ៏ធំនេះ ។
ប៉ុន្តែពួកគេមិនសកម្មទេក្នុងការជំរុញឲ្យរដ្ឋាភិបាលចេញសកម្មភាព ព្រោះពួកគេភ័យខ្លាចថា អាចនឹងបាត់បង់ការអនុញ្ញាតដើម្បីចូលមកដំណើរការក្នុងប្រទេសចិន ។
លោកត្រាំបាននិយាយកាលពីថ្ងៃចន្ទមុនថា៖ « សហរដ្ឋអាមេរិកនឹងមិនបិទភ្នែកម្ខាង បើកភ្នែកម្ខាងទៀតឡើយ » ។
លោកបន្តថា ៖« ពួកយើងនឹងការពារការរក្សាសិទ្ធិ, ប៉ាតង់, រឿងសម្ងាត់ក្នុងជំនួញ និងកម្មសិទ្ធិបញ្ញាដទៃទៀតដែលមានសារសំខាន់ណាស់សម្រាប់សន្តិសុខ និងការលូតលាស់រីកចម្រើនរបស់ពួកយើង » ។
លោកបន្ថែមថា សហរដ្ឋអាមេរិកនឹងមិនឈរមើលចិនលួចរឿងសម្ងាត់ផ្នែកឧស្សាហកម្មរបស់អាមេរិកទៀតទេ ។ លោក Lighthizer កំពុងតែចាប់ផ្តើមស៊ើបអង្កេតនៅក្រោមច្បាប់ពាណិជ្ជកម្មរបស់សហរដ្ឋអាមេរិក ដែលទាក់ទិននឹងកម្មសិទ្ធិបញ្ញា ។
កាលពីសប្តាហ៍មុន ប្រទេសចិនបានឆ្លើយតបមកវិញ និងព្រមានថា អ្នកទាំងអស់គ្នានឹងចាញ់ពេលមានសង្គ្រាមពាណិជ្ជកម្មរវាងប្រទេសមានសេដ្ឋកិច្ចធំជាងគេលេខ២ លើពិភពលោក ៕
ចែករំលែកព័តមាននេះ