បើដូចប៉ូលិសសន្និដ្ឋានមែន… ជីវិតនាងពិតជាផុយណាស់រឿងនេះ
ខ្មាន់កាំភ្លើង១ក្រុមដែលមានគ្នា៣នាក់បានបា.ញ់ប្រហារទៅលើស្ត្រីម្នាក់ចំនួន៣គ្រាប់
ខ្មាន់កាំភ្លើង១ក្រុមដែលមានគ្នា៣នាក់បានបា.ញ់ប្រហារទៅលើស្ត្រីម្នាក់ចំនួន៣គ្រាប់
រាជធានីភ្នំពេញ ៖ មកដល់ព្រឹកថ្ងៃទី២០ សីហា ខ្មាន់កាំភ្លើង១ក្រុមដែលមានគ្នា៣នាក់ បានបាញ់ប្រហារទៅលើស្ត្រីម្នាក់ចំនួន៣គ្រាប់ ត្រូវក្បាល២គ្រាប់រត់អស់មួយខ្យល់ពីកន្លែងកើតហេតុចម្ងាយប្រមាណ១០ម៉ែត្រ ក៏បានដួលស្លាប់ភ្លាមៗគួរឱ្យសង្វេគបំផុត។ បន្ទាប់មកក្រុមខ្មាន់កាំភ្លើងបានជិះម៉ូតូរត់គេចខ្លួនបាត់ដោយសុវត្ថិភាព និងបន្សល់ទុកតែសំបកគ្រាប់ដែលតាមការសន្និដ្ឋានរបស់សមត្ថកិច្ចអាចជាម៉ាកកា៥៩ ។ អ្នកណាទៅដឹង… គ្រាន់តែនាងប្រើពាក្យប៉ុន្មានម៉ាត់នេះ បាញ់ស្លាប់ក្នុងថ្លុកឈាម
សមត្ថកិច្ចបានសន្និដ្ឋានជំហានដំបូងថា អំពើឃាតកម្មខាងលើនោះ អាចផ្ដើមចេញពីរឿងទំនាស់ពាក្យសម្ដី ដែលជនរងគ្រោះនិយាយលេងសើច ។ បើករណីនេះដូចការសន្និដ្ឋានបែបនេះ មែននោះ គឺមានន័យថា ជីវិតនារីរងគ្រោះផុយដូចតៅហ៊ូ តែអ្វីដែលបង្កការភ័យខ្លាច សម្រាប់ពលរដ្ឋស្លូតត្រង់នោះ គឺការប្រើអាវុធអនាធិបតេយ្យនៅតែមិនអាចគ្រប់គ្រងបាន ។
ហេតុការណ៍នេះ បានកើតឡើងកាលពីវេលាម៉ោង៣រំលងអធ្រាត្រឈានចូលថ្ងៃទី១៩ ខែសីហា ឆ្នាំ២០១៧ នៅតាមបណ្ដោយផ្លូវវ៉េងស្រេង ស្ថិតក្នុងភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ ។ ស្ត្រីដែលជាជនរងគ្រោះ ត្រូវបានគេស្គាល់ថា ឈ្មោះ មូល ស៊ីម អាយុប្រហែល២៥ឆ្នាំ ជាកម្មការិនីរោងចក្រកាត់ដេរ មានស្រុកកំណើតនៅក្នុងភូមិព្រៃស្រឡែង ឃុំទួលអំពិល ស្រុកបសេដ្ឋ ខេត្តកំពង់ស្ពឺ និងស្នាក់នៅផ្ទះជួលស្ថិតក្នុងភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ។ កម្មការិនីរូបនេះត្រូវឃាតករបាញ់ស្រោចទៅលើចំនួន៣គ្រាប់ បណ្ដាលឱ្យគ្រាប់កាំភ្លើងហោះទៅត្រូវចំក្បាលចំនួន២គ្រាប់ស្លាប់ភ្លាមមួយរំពេច ។
តាមអ្នកឃើញហេតុការណ៍បានឱ្យដឹងថានៅវេលាព្រលប់ថ្ងៃទី១៨ សីហា មុនពេលកើតហេតុស្ត្រីរងគ្រោះមានគ្នាចំនួន៥នាក់ ក្នុងនោះមានប្រុស២នាក់ និងស្រី៣នាក់ បានជិះម៉ូតូ២គ្រឿងទៅចូលរាំលេងនៅក្លិបឌីស្កូមីតណាយ ដែលមានទីតាំងស្ថិតនៅតាមបណ្ដោយផ្លូវវ៉េងស្រេង ទល់មុខរោងចក្រកាត់ដេរសកល ហៅរោងចក្រ៦ជាន់ក្នុងភូមិត្រពាំងថ្លឹង សង្កាត់ចោមចៅ ។ ក្រោយពេលសប្បាយអស់ចិត្តហើយ ក៏បាននាំគ្នាចាកចេញពីក្លិបមីតណាយនោះត្រឡប់ទៅផ្ទះជួលវិញ ប៉ុន្តែខណៈនោះម៉ូតូរបស់ពួកគេ១គ្រឿងបានខូចបញ្ឆេះមិនឆេះ ក៏បាននាំគ្នាអូសយកទៅឱ្យជាងជួសជុលនៅកន្លែងកើតហេតុស្ថិតនៅតាមបណ្ដោយផ្លូវវ៉េងស្រេងក្នុងភូមិជ្រៃកោង សង្កាត់ចោមចៅ ចម្ងាយប្រមាណជាង១គីឡូម៉ែត្រពីក្លិបមីតណាយនោះ ។
ប្រភពដដែលបានបន្តទៀតថា នៅខណៈពេលដែលជាងកំពុងជួសជុលម៉ូតូឱ្យនោះ ស្រាប់តែមានមនុស្សប្រុស៣នាក់ជិះម៉ូតូចំនួន២គ្រឿងមានម៉ាកហុងដាឌ្រីមសេ១២៥មួយគ្រឿង និងម៉ាកហុងដាស្គូពី១គ្រឿងទៅឈប់នៅមុខកន្លែងកើតហេតុ ហើយបានសួររកទិញភេសជ្ជៈស្ទីងមួយដប ព្រោះនៅកន្លែងជួសជុលម៉ូតូនោះ ក៏មានលក់ភេសជ្ជៈផងដែរ ។ ខណៈនោះស្ត្រីរងគ្រោះបានស្រែកប្រាប់ទៅជាងម៉ូតូថា «មិនចាំបាច់ងើបទេពូ ចាំខ្ញុំជួយលក់ឱ្យ ពូធ្វើតែម៉ូតូខ្ញុំទៅ» បន្ទាប់មកនាងក៏បានយកទឹកស្ទីងទៅឱ្យជនជាខ្មាន់កាំភ្លើងនោះ ប៉ុន្តែភ្លាមៗនោះ ឃាតករបែរជានិយាយថា «ខ្ញុំអត់ទិញតូបនឹងទេ ខ្ញុំទិញតូបខាងនោះតើ» ។
តាមប្រភពថា ពេលនោះនាងក៏បាននិយាយបែបគំរោះគំរើយតបវិញថា បើមិនទិញទេមើលមុខខ្ញុំធ្វើអី? ដែលការនិយាយនោះក្នុងន័យលេងសើចតែប៉ុណ្ណោះ ប៉ុន្តែមិននឹកស្មានថាធ្វើឱ្យជនសង្ស័យផ្ទុះកំហឹងឡើង ហើយគ្រាន់តែនាងនិយាយចប់ភ្លាម ស្រាប់តែឃាតករមិនបាននិយាយតបវិញទេ ក៏បានទាញកាំភ្លើងចេញពីក្នុងកាបូបបាញ់ស្រោចមកលើស្ត្រីរងគ្រោះចំនួន៣គ្រាប់ផ្ទួនៗបណ្ដាលឱ្យត្រូវចំក្បាល២គ្រាប់ហើយឃើញនាងរត់ទៅមួយខ្យល់បានចម្ងាយប្រមាណ១០ម៉ែត្រ ក៏បានដួលស្លាប់ភ្លាមៗ បន្ទាប់មកក្រុមខ្មាន់កាំភ្លើងទាំងនោះបានជិះម៉ូតូរត់គេចខ្លួនបាត់ដោយសុវត្ថិភាព ។
មន្ត្រីនគរបាលបានឱ្យដឹងថា ខ្មាន់កាំភ្លើងមានចរិតសហាវព្រៃផ្សៃខ្លាំងណាស់ ដែលបានលើកដៃបាញ់សម្លាប់ស្ត្រីភេទទន់ខ្សោយ ព្រោះតែនាងនិយាយលេងសើចប៉ុន្មានម៉ាត់ប៉ុណ្ណោះ ។ ទោះជាបែបណា ពេលនេះកម្លាំងនគរបាលកំពុងធ្វើការស្រាវជ្រាវស្វែងរកចាប់ខ្លួនឃាតករដៃឆៅនោះយកមកចាត់ការតាមផ្លូវច្បាប់ ហើយក៏សូមឱ្យបងប្អូនប្រជាពលរដ្ឋជួយសហការក្នុងរឿងនេះផងដែរ៕
ចែករំលែកព័តមាននេះ