អាណោចអាធម៌ណាស់ ចុះពីរថយន្តមិនទាន់ដឹងអីផង បុកអូសឪពុកផ្លោងជាង20ម៉ែត្រ
ខេត្តកំពង់ចាម ៖ បុរស២នាក់ឪពុកកូនបានដឹកដៃគ្នាដើរឆ្លងផ្លូវជាតិលេខ៧ដោយមិនបានប្រុងប្រយ័ត្ន
ខេត្តកំពង់ចាម ៖ បុរស២នាក់ឪពុកកូនបានដឹកដៃគ្នាដើរឆ្លងផ្លូវជាតិលេខ៧ដោយមិនបានប្រុងប្រយ័ត្ន
ខេត្តកំពង់ចាម ៖ បុរស២នាក់ឪពុកកូនបានដឹកដៃគ្នាដើរឆ្លងផ្លូវជាតិលេខ៧ដោយមិនបានប្រុងប្រយ័ត្ននោះជាហេតុឱ្យរថយន្តមិនស្គាល់អត្តសញ្ញាណបុកអូសជិត២០ម៉ែត្របណ្តាលឱ្យស្លាប់ឪពុក ចំណែកកូនរងរបួសធ្ងន់ ។ ហេតុការណ៏បានកើតឡើងនៅវេលាម៉ោង០៨និង៤០នាទីយប់ ថ្ងៃទី១៩ ខែសីហា ឆ្នាំ២០១៧ ចំណុចមុខខ្លោងទ្វាវត្តខ្ចោ ស្ថិតក្នុងភូមិតាកុច ឃុំស្រង៉ែ ស្រុកព្រៃឈរ ។
លោកវរសេនីយ៏ត្រី សេង ណា អធិការរងនគរបាលស្រុកព្រៃឈរបានប្រាប់ឱ្យដឹងថា បុរស២នាក់ឪពុក និងកូនបាននាំគ្នាជិះរថយន្តចេញពីរាជធានីភ្នំពេញមកកាន់ស្រុកកំណើតវិញ ស្របពេលដែលមកដល់ត្រង់ចំណុចខាងលើនាំគ្នាចុះពីរថយន្តឈ្មួលហើយបានដើរកាត់ទទឹងផ្លូវកាន់ដៃគ្នាមិនបានប្រុងប្រយ័ត្នធ្វើឱ្យរថយន្ត១គ្រឿងបើកមកបុកអូសឪពុកតាមរថយន្តជិត២០ម៉ែត្រ ។ លោកបន្តថា ជនរងគ្រោះដែលជាឪពុកឈ្មោះ ឈឺន ឈិល ភេទប្រុស អាយុ៤៥ឆ្នាំ មានទីលំនៅភូមិត្រពាំងត្នោត ឃុំសូសែន្យ ស្រុកព្រៃឈរ បានស្លាប់ភ្លាមៗនៅនឹងកន្លែងកើតហេតុ ។ ចំណែកកូនប្រុសដែលជាជាងសំណង់ឈ្មោះ ឈឺន ឆេន អាយុ១៨ឆ្នាំ ដែលបានកាន់ដៃគ្នាឆ្លងថ្នល់ពីត្បូងមកជើងបានផ្លោងចេញពីឪពុករបួសធ្ងន់ត្រូវបានកម្លាំងចរាចរណ៏របស់លោកចុះមកដល់ដឹកយកទៅសង្គ្រោះនៅមន្ទីរពេទ្យ ។
ករណីនេះរូបលោកថា មិនសមនឹងកើតមាននោះទេតែគួរប្រយ័ត្នមើលឆ្វេងស្តាំបើស្ងាត់ចាំឆ្លងដើរមកផ្ទះ ។ រហូតមកដល់ព្រឹកថ្ងៃទី២០ ខែសីហា ឆ្នាំ២០១៧ នេះក៏សមត្ថកិច្ចមិនទាន់ស្រាវជ្រាវឃើញរថយន្តបង្កនោះនូវឡើយទេ ៕
ចែករំលែកព័តមាននេះ