ភរិយាប្រធានាធិបតីវាយតារាបង្ហាញម៉ូដ ព្រោះខឹងជួបនឹង…
សារព័ត៌មានបរទេសផ្សាយថា លោកស្រី Grace Mugabe អាយុ៥២ឆ្នាំ ភរិយារបស់លោកប្រធានាធិបតី Robert Mugabe បានវាយនាង Gabriella ដោយប្រើខ្សែភ្លើង ព្រោះមិនពេញចិត្តនៅពេលឮដំណឹងថា
សារព័ត៌មានបរទេសផ្សាយថា លោកស្រី Grace Mugabe អាយុ៥២ឆ្នាំ ភរិយារបស់លោកប្រធានាធិបតី Robert Mugabe បានវាយនាង Gabriella ដោយប្រើខ្សែភ្លើង ព្រោះមិនពេញចិត្តនៅពេលឮដំណឹងថា
សារព័ត៌មានបរទេសកាលពីថ្ងៃទី១៧ សីហា ២០១៧ផ្សាយថា លោកស្រី Grace Mugabe អាយុ៥២ឆ្នាំ ភរិយារបស់លោកប្រធានាធិបតី Robert Mugabe នៃប្រទេសស៊ីមបាវ៉េ អាយុ៩៥ឆ្នាំ មិនបានចូលបង្ហាញខ្លួននៅតុលាការក្រុងចូហានណេស្ប៊ើក តាមការប្តឹងចោទពីនាង Gabriella Engels តារាបង្ហាញម៉ូដអាហ្វ្រិកខាងត្បូង អាយុ២០ឆ្នាំ ពីបទវាយនាងទេ ។ ការវាយនាង Gabriella ដោយប្រើខ្សែភ្លើងនោះ ព្រោះមិនពេញចិត្តនៅពេលឮដំណឹងថា នាងបានជួបលោក Chatunga Mugabe កូនប្រុសរបស់លោកស្រីនៅសណ្ឋាគារ ។
ប៉ូលិសបញ្ជាក់ថា លោកស្រី Mugabe កំពុងស្ថិតនៅអាហ្វ្រិកខាងត្បូងក្រោយពីមានរបាយការណ៍ថា លោកស្រីលួចលាក់ធ្វើដំណើរត្រឡប់ទៅស៊ីមបាវ៉េវិញដោយយន្តហោះផ្ទាល់ខ្លួន ។ ចំណែកក្រសួងការបរទេសស៊ីមបាវ៉េព្យាយាមដំណើរការសុំសិទ្ធិការពារផ្នែកការទូតលើលោកស្រី ហើយរដ្ឋាភិបាលអាហ្វ្រិកខាងត្បូង កំពុងពិចារណាការស្នើសុំនេះ ។
មានរបាយការណ៍បញ្ជាក់ថា លោកស្រី Mugabe ធ្វើដំណើរទៅអាហ្វ្រិកខាងត្បូង «ក្នុងហេតុផលផ្ទាល់ខ្លួន» និងមិនបានប្រើលិខិតឆ្លងដែនជាអ្នកការទូតទេ ។
ចំណែកលោកប្រធានាធិបតី Mugabe មានកំណត់ពេលធ្វើដំណើរទៅអាហ្វ្រិកខាងត្បូងដើម្បីចូលរួមប្រជុំអភិវឌ្ឍន៍សេដ្ឋកិច្ចនៅភូមិភាគអាហ្វ្រិកខាងត្បូង(SADC) ដែលមានសមាជិកចំនួន១៥ប្រទេស ។
រហូតមកដល់ពេលនេះនៅមិនទាន់មានប្រភពច្បាស់លាស់ថា តើរឿងរ៉ាវដែលកើតឡើងនឹងផ្តល់ផលប៉ះពាល់ដល់សម្ព័ន្ធភាពរវាងអាហ្វ្រិកខាងត្បូង និងស៊ីមបាវ៉េ ឬអត់ទេ? ខណៈពេលអ្នកជំនាញសម្របសម្រួលបានស្នើដល់លោកស្រី Mugabe គួរបង្ហាញខ្លួននៅតុលាការ និងបង់ថ្លៃពិន័យតាមច្បាប់របស់អាហ្វ្រិកខាងត្បូងដើម្បីកុំឱ្យរឿងរ៉ាវរីករាលដាល ៕
ចែករំលែកព័តមាននេះ