ភូមិគ្រឹះថ្លៃបំផុតនៅអាមេរិក
ទស្សនាវដ្តីអាមេរិក«Times»ផ្សាយថា ភូមិគ្រឹះ«Chartwell»ស្ថិតនៅតំបន់«Bel Air»ក្រុងឡូសអេនចឺឡេស រដ្ឋកាលីហ្វ៊័រនីញ៉ា សហរដ្ឋអាមេរិក បានប្រកាស
ទស្សនាវដ្តីអាមេរិក«Times»ផ្សាយថា ភូមិគ្រឹះ«Chartwell»ស្ថិតនៅតំបន់«Bel Air»ក្រុងឡូសអេនចឺឡេស រដ្ឋកាលីហ្វ៊័រនីញ៉ា សហរដ្ឋអាមេរិក បានប្រកាសលក់ក្នុងតម្លៃ៣៥០លានដុល្លារ បង្កើតឯតទគ្គកម្មជាផ្ទះមានតម្លៃថ្លៃបំផុតក្នុងសហរដ្ឋអាមេរិក។ ម្ចាស់ដើមរបស់ភូមិគ្រឹះគឺលោកJerry Perenchioជាម្ចាស់សាខាទូរស័ព្ទអេស្ប៉ាញរបស់អាមេរិក«Univision»ទើបស្លាប់បាត់បង់ជីវិតក្នុងអាយុ៨៦ឆ្នាំ ។
ភូមិគ្រឹះនោះមានផ្ទៃក្រឡា៤១.៦៨២ម៉ែត្រការ៉េ សាងសង់ពីថ្មភក់ដោយស្ថាបនិកដ៏ល្បីឈ្មោះនៅឆ្នាំ១៩៣៣ ។ នៅក្នុងផ្ទះមានបន្ទប់ក្រោមដី ដើម្បីរក្សាទុកស្រា បន្ទប់ក្រឡូម បន្ទប់របាំរាំរែក ឬសាលមហោស្រព បន្ទប់ទទួលទានអាហារ ដែលតុបតែងតាមបែបបុរាណ ។
ក្រៅពីនេះនៅមានទីលានវាយកូនបាល់ ផ្ទះស្នាក់នៅសម្រាប់ភ្ញៀវ ដែលចេញម៉ូដដោយស្ថាបនិកដ៏ល្បីឈ្មោះគឺលោកWallace Neff ។ មានអាងហែលទឹកបណ្តោយ២៥ម៉ែត្រ អាងងូតទឹកនៅក្នុងផ្ទះ និងរោងចតរថយន្តអាចផ្ទុកបានដល់ទៅ៤០ម៉ែត្រ ។
នៅក្នុងបរិវេណក្បែរភូមិគ្រឹះនោះ មាន អតីតផ្ទះស្នាក់នៅរបស់អតីតប្រធានាធិបតីរ៉ូណាល់ រីហ្គេន ដែលលោកPerenchioទិញកាលពីខែមិថុនា ២០១៦ផងដែរ ៕
ចែករំលែកព័តមាននេះ