រាជធានីភ្នំពេញ៖ នៅព្រឹកថ្ងៃទី២០ ខែសីហា ឆ្នាំ២០១៧នេះ យុវជន យុវនារីដែលជាបេក្ខជនប្រឡងសញ្ញាប័ត្រទុតិយភូមិ (បាក់ឌុប) រាប់ពាន់នាក់ បានមកអុជធូបបន់ស្រន់តាមជំនឿរៀងៗខ្លួន ដើម្បីសុំដល់ព្រះអង្គដងកើ ដែលប្រជាជនកម្ពុជាជឿជាក់នូវឫទ្ធីបារមីរបស់ព្រះអង្គ ដែលព្រះអង្គស្ថិតនៅចំពីមុខព្រះបរមរាជ ជួយឲ្យពួកគាត់ប្រឡងជាប់សញ្ញាប័ត្រទុតិយភូមិ សម្រាប់សម័យប្រឡងនាថ្ងៃទី២១-២២ ខែសីហា ឆ្នាំ ២០១៧ នេះ។
សូមបញ្ជាក់ថា ឆ្នាំនេះមានបេក្ខជនដាក់ពាក្យប្រលងចំនួន១០៣.១១២នាក់ និងមានមណ្ឌលប្រឡងចំនួន១៧៨មណ្ឌល ចែកចេញជា៤.១៥៥បន្ទប់ នៅទូទាំងប្រទេស។
ចំនួនបេក្ខជនដាក់ពាក្យប្រលងនៅឆ្នាំនេះមានកើនឡើងចំនួន៩.៣៦០នាក់ បើប្រៀបធៀបទៅនឹងឆ្នាំ២០១៦កន្លងទៅ ដែលមានបេក្ខជនដាក់ពាក្យប្រលងចំនួនតែ៩៣.៧៥២នាក់ ស្រី៤៥.២៣៧នាក់ប៉ុណ្ណោះ។ នៅថ្ងៃទី២១-២២ សីហា ឆ្នាំ២០១៧ខាងមុខនេះ មានអ្នកស្ម័គ្រចិត្តជិត៥.០០០នាក់មកគ្រប់ស្ថាប័នរដ្ឋ អង្គការក្រៅរដ្ឋាភិបាល និងវិស័យឯកជន នឹងចូលរួមតាមដានតាមគ្រប់សកម្មភាពទាំងអស់នៃព្រឹត្តិការណ៍ប្រលងនេះ៕
ចែករំលែកព័តមាននេះ