ប្រទេសម៉ាឡេស៊ី ៖ ក្រុមហ៊ុនពិគ្រោះយោបល់ផ្នែកអចលនទ្រព្យមួយបាននិយាយថា ភាពមិនស៊ីចង្វាក់គ្នារវាងតម្លៃអចលនទ្រព្យ គឺលេចចេញកាន់តែច្បាស់ នៅពេលតម្លៃនេះបានបន្តកើនឡើងលើស
ប្រទេសម៉ាឡេស៊ី ៖ ក្រុមហ៊ុនពិគ្រោះយោបល់ផ្នែកអចលនទ្រព្យមួយបាននិយាយថា ភាពមិនស៊ីចង្វាក់គ្នារវាងតម្លៃអចលនទ្រព្យ គឺលេចចេញកាន់តែច្បាស់ នៅពេលតម្លៃនេះបានបន្តកើនឡើងលើសកំណើនប្រាក់ចំណូល ។
លោក Prem Kumar នាយកប្រតិបត្តិក្រុមហ៊ុន Jones Lang Wootton បាននិយាយថា ភាពមិនស៊ីចង្វាក់គ្នារវាងការផ្គត់ផ្គង់ និងតម្រូវការអចលនទ្រព្យ គឺបានលេចឡើងកាន់តែច្បាស់ ដោយសារតែកម្រិតប្រាក់ចំណូលមិនអាចទ្រទ្រង់តម្លៃអចលនទ្រព្យបាន ។
លោកបានប្រាប់សន្និសីទសារព័ត៌មានមួយនៅខាងក្រៅមហាសន្និបាតអចលនទ្រព្យ Property Guru Malaysia Real Estate ឆ្នាំ២០១៧កាលពីថ្ងៃពុធថា ៖« ការកើនឡើងនៃតម្លៃអចលនទ្រព្យ គឺខ្ពស់ជាងកំណើនប្រាក់ចំណូលការងារ » ។
លោកបន្ថែមថា អត្រាកើនឡើងនៃប្រាក់ចំណូលមានចំនួនតិចតួច បើប្រៀបធៀបទៅនឹងកំណើនតម្លៃអចលនទ្រព្យ ជាពិសេស លំនៅឋានសម្រាប់រស់នៅ ។
លោក Prem Kumar បានថ្លែងថា កម្ចីរួមគ្នា ជាធម្មតា ត្រូវបានប្រើប្រាស់ដោយក្រុមហ៊ុនអភិវឌ្ឍន៍ ដើម្បីលក់អចលនទ្រព្យតម្លៃថ្លៃរបស់ពួកគេ ប៉ុន្តែពួកគេមិនអាចតាមទាន់កំណើននៃតម្លៃអចលនទ្រព្យទេ ។
ក្រោមប្រធានបទ «ការបង្កើតអនាគតសម្រាប់អចលនទ្រព្យម៉ាឡេស៊ី» កិច្ចប្រជុំកំពូលនេះ គឺជាផ្នែកមួយនៃវេទិកាជាន់ខ្ពស់នៃកិច្ចប្រជុំអចលនទ្រព្យអាស៊ីរបស់ Property Guru ដែលផ្តោតលើយុទ្ធសាស្ត្រឈានមុខ និងការច្នៃប្រឌិតខាងវិស័យឧស្សាហកម្ម ។
វេទិកានេះបានប្រារព្ធឡើងជារៀងរាល់ឆ្នាំ នៅក្នុងតំបន់ដែលបង្កើតទីផ្សារអចលនទ្រព្យច្រើនជាងគេដូចជា ប្រទេសសិង្ហបុរី ថៃ និងឥណ្ឌូណេស៊ី ៕
ចែករំលែកព័តមាននេះ