ស្នេហ៍ខុសជំនាន់ ប្តូរផ្តាច់នៅជាមួយគ្នា
តាមប្រភពព័ត៌មាន Metro បានឲ្យដឹងថា យាយចាស់ម្នាក់បានរៀបការជាមួយនឹងក្មេងប្រុសម្នាក់ ក្រោយពីទាំងពីរនាក់ប្រាប់ថា …
ឥណ្ឌូនេស៊ី ៖ តាមប្រភពព័ត៌មាន Metro បានឲ្យដឹងថា យាយចាស់អាយុ៧១ឆ្នាំម្នាក់បានរៀបការជាមួយនឹងក្មេងប្រុសអាយុ១៦ឆ្នាំ ក្រោយពីទាំងពីរនាក់ប្រាប់ថា សុខចិត្តស្លាប់ បើម្តាយឪពុកចាប់បំបែក។
ទោះបីជាអាយុលើសគ្នា៥៥ឆ្នាំក៏ដោយ ក៏ក្មេងប្រុស Selamat Riayadi ចង់រៀបការជាមួយនឹងយាយចាស់មេម៉ាយឈ្មោះ Rohaya នៅក្នុងភូមិ Karangendah ប្រទេសឥណ្ឌូនេស៊ី។
ពិធីមង្គលការរបស់គូស្នេហ៍ខុសជំនាន់មួយគូនេះ ត្រូវបានធ្វើឡើងនៅក្នុងផ្ទះរបស់មេភូមិ។ មេភូមិបានប្រាប់មកកាន់អ្នកយកព័ត៌មានថា៖ «ពួកគេថា ពួកគេនឹងសម្លាប់ខ្លួនទៅជាមួយគ្នា ប្រសិនបើមានម្នាក់ស្លាប់»។
គួរបញ្ជាក់ថា ស្នេហ៍ខុសជំនាន់មួយនេះមិនកើតចេញពីឥទ្ធិពលទឹកប្រាក់នោះទេ ព្រោះពួកគេទាំងពីរនាក់សុទ្ធតែក្រដូចគ្នា៕
ចែករំលែកព័តមាននេះ