ពិធីប្រកាសតែងតាំងអភិបាលស្រុកក្រឡាញ់
ខេត្តសៀមរាប ៖ នាថ្ងៃទី១៧ ខែសីហា ឆ្នាំ២០១៧ នេះនៅសាលាស្រុកក្រឡាញ់មានរៀបចំពិធីប្រកាសតែងតាំងលោកស្រី ម៉ននី រង្សី
ខេត្តសៀមរាប ៖ នាថ្ងៃទី១៧ ខែសីហា ឆ្នាំ២០១៧ នេះនៅសាលាស្រុកក្រឡាញ់មានរៀបចំពិធីប្រកាសតែងតាំងលោកស្រី ម៉ននី រង្សី
ខេត្តសៀមរាប ៖ នាថ្ងៃទី១៧ ខែសីហា ឆ្នាំ២០១៧ នេះនៅសាលាស្រុកក្រឡាញ់មានរៀបចំពិធីប្រកាសតែងតាំងលោកស្រី ម៉ននី រង្សី អភិបាលរងនៃគណៈអភិបាលស្រុកក្រឡាញ់ ត្រូវបានរាជរដ្ឋាភិបាលសម្រេចប្រគល់តំណែងជាអភិបាលស្រុកក្រឡាញ់ជំនួសលោក ជឿន ជាន ដែលត្រូវបានចូលនិវត្តន៍ ត្រូវបានប្រកាសតែងតាំងក្រោមអធិបតីភាពលោក ឃឹម ប៊ុនសុង អភិបាលនៃគណៈអភិបាលខេត្តសៀមរាប ។
កិច្ចស្វាគមន៍របស់លោកស្រីអភិបាលស្រុកស្តីទីរួចមកលោក សន សេរីវុទ្ធី នាយកទីចាត់ការធនធានមនុស្សស្តីទី នៃរដ្ឋបាលសាលាខេត្តសៀមរាប បានអាននូវអនុក្រឹត្យលេខ ៧៣៣អនក្រ.តត ចុះថ្ងៃទី ២០ ខែកក្កដា ឆ្នាំ២០១៧ បានប្រកាសតែងតាំងលោកស្រី ម៉ននី រង្សី អតីតអភិបាលរងស្រុកក្រឡាញ់ដែលមានឋានន្តរស័ក្តវរមន្ត្រីថ្នាក់លេខ៣ចូលកាន់មុខតំណែងជាអភិបាលនៃគណៈអភិបាលស្រុកក្រឡាញ់ ។
បន្ទាប់ពីគណៈអធិបតីប្រគល់អនុក្រឹត្យ និងត្រារួចមក លោកស្រី ម៉ននី រង្សី ក៏បានធ្វើការប្តេជ្ញាចិត្តរួចមកមានមតិនោះដែរលោក ឃឹម ប៊ុនសុង អភិបាលខេត្តក៏បានធ្វើការកោតសរសើរ និងវាយតម្លៃខ្ពស់ផងដែរចំពោះថ្នាក់ដឹកនាំមន្ត្រីរាជការកងកម្លាំងប្រដាប់អាវុធ និងប្រជាពលរដ្ឋទូទាំងស្រុកក្រឡាញ់ ដែលបានរួមសាមគ្គីគ្នាក្នុងការកសាងអភិវឌ្ឍន៍ស្រុកឲ្យមានការរីកចម្រើនលើគ្រប់វិស័យក្នុងរយៈពេលកន្លងមកនេះ ។ លោកអភិបាលខេត្តក៏លើកឡើងថា កាប្រកាសតែងតាំងចូលកាន់មុខតំណែងនេះ វាជាបែបបទនីតិវិធីបានកំណត់ក្នុងច្បាប់ ហើយត្រូវបានយកមកអនុវត្តក្នុងប្រព័ន្ធរដ្ឋបាលសំដៅធ្វើយ៉ាងណាឲ្យការគ្រប់គ្រងដឹកនាំរដ្ឋបាលកាន់តែមានប្រសិទ្ធភាព ក្នុងការឆ្លើយតបនឹងតម្រូវការនៅមូលដ្ឋាន ។
ដើម្បីបញ្ជាក់ជា សក្ខីភាពឆ្លើយតបទៅនឹងទំនុកចិត្តរបស់ថ្នាក់ដឹកនាំក្រសួង គណៈអភិបាលខេត្ត ដែលបានផ្តល់នូវជំនឿទុកចិត្ត ចំពោះលោកស្រីអភិបាលស្រុកតែងតាំងថ្មី លោក ឃឹម ប៊ុនសុង ក៏បានធ្វើការផ្តាំផ្ញើត្រូវខិតខំបំពេញការងារទ្វេដង ដោយស្មារតីយកចិត្តទុកដាក់ និងមានការទទួលខុសត្រូវខ្ពស់ ព្រមទាំងប្រឹងប្រែងឲ្យអស់ពីកម្លាំងកាយចិត្ត បញ្ញាញាណ និង ប្រាជ្ញាស្មារតី ដើម្បីបំពេញការងារជូនតម្រូវការរបស់ប្រជាជនឲ្យកាន់តែសកម្មខ្លាំងក្លាថែមទៀត ៕
ចែករំលែកព័តមាននេះ