រាជធានីភ្នំពេញ ៖ រោងចិញ្ចឹមត្រីមួយកន្លែង ស្ថិតតាមផ្លូវជាតិលេខ៥ ក្នុងភូមិឌួង សង្កាត់ព្រែកព្នៅ ខណ្ឌព្រែកព្នៅ ត្រូវបានអគ្គិភ័យឆាបឆេះ កាលពីវេលាម៉ោង០៩និង២០នាទីព្រឹកថ្ងៃទី១៨ ខែសីហា ឆ្នាំ២០១៧ នេះ
រាជធានីភ្នំពេញ ៖ រោងចិញ្ចឹមត្រីមួយកន្លែង ស្ថិតតាមផ្លូវជាតិលេខ៥ ក្នុងភូមិឌួង សង្កាត់ព្រែកព្នៅ ខណ្ឌព្រែកព្នៅ ត្រូវបានអគ្គិភ័យឆាបឆេះ កាលពីវេលាម៉ោង០៩និង២០នាទីព្រឹកថ្ងៃទី១៨ ខែសីហា ឆ្នាំ២០១៧ នេះ បណ្តាលឲ្យរងការខូចខាតទាំងស្រុង ។ ទោះបីជាយ៉ាងណា ពុំបណ្តាលឲ្យឆេះរាលដាល់ដល់លំនៅឋានឡើយ ព្រោះរោងស្ថិតនៅដាច់ដោយឯង ។
រោងចិញ្ចឹមត្រីដែលត្រូវភ្លើងឆេះ ត្រូវបាននគរបាលឲ្យដឹងថា មានទទឹងប្រវែង៥ម៉ែត្រ គុណនិងបណ្តោយប្រប្រវែង១០ម៉ែត្រ ដែលមានម្ចាស់ឈ្មោះ លី ហួរ ភេទប្រុស អាយុ៤៨ឆ្នាំ មុខរបរចិញ្ចឹមត្រី ស្នាក់កន្លែងកើតហេតុខាងលើ ។
តាមសមត្ថិច្ចបានឲ្យដឹងថា ៖ ការកើតមានអគ្គិភ័យនេះ បណ្តាលមកពីទុស្សេខ្សែភ្លើង ខណៈពេលដែលម្ចាស់ពុំនៅ ទៅអង្គុយលេងនៅរោងចិញ្ចឹមផ្សេងទៀតក្បែរនោះ ។
តាមព័ត៌មានឲ្យដឹងថា ៖ ភ្លើងបានឆាបឆេះយ៉ាងសន្ធោសន្ធៅ អស់ប្រមាណជាងកន្លះម៉ោង បណ្តាលឲ្យរោងទាំងមូល និងសម្ភារមួយចំនួន ត្រូវភ្លើងឆេះគ្មានសល់ ។ នៅក្នុងហេតុការណ៍នេះ មានរថយន្តពន្លត់អគ្គិភ័យចំនួន៣គ្រឿង ទៅអន្តរាគមន៍ តែភ្លើងបានឆេះពេញបន្ទុក មិនអាចទប់ស្កាត់បាន ។
តាមនគរបាល បានឲ្យដឹងថា ៖ រោងទាំងមូល ត្រូវភ្លើងឆេះទាំងស្រុង បណ្តាលឲ្យសម្ភាររួមមានម៉ាស៊ីនបូបទឹកចំនួន០៣គ្រឿង ម៉ាស៊ីនសម្រាប់កិនចំណីត្រីចំនួន០២គ្រឿង និងម៉ូតូម៉ាកវ៉េវចំនួន០១គ្រឿង ត្រូវភ្លើងឆេះគ្មានសល់ ៕
ចែករំលែកព័តមាននេះ