សុខៗ… នាងត្រូវជនពាលចាប់ឆ្កូតមុខខ្ទេច
នារីម្នាក់ត្រូវបានក្រុមជនពាលវាយធ្វើបាបយ៉ាងខ្លាំង
នារីម្នាក់ត្រូវបានក្រុមជនពាលវាយធ្វើបាបយ៉ាងខ្លាំង
ប្រភពពី Shanghaiist ឱ្យដឹងថា នារីម្នាក់ត្រូវបានក្រុមជនពាលវាយធ្វើបាបយ៉ាងខ្លាំង រហូតដល់ខូចមុខមាត់អស់តាំងពីឆ្នាំមុន ទើបពេលនេះ ត្រូវបានប៉ូលិសឃាត់ខ្លួនជនដៃដល់មកកាត់ទោស ។ កម្រិតទោសដែលចៅក្រមកាត់ ត្រូវបានមនុស្សម្នាយល់ថា មិនសមសោះ ព្រោះហាក់បីដូចជាស្រាលពេក ត្រឹមតែ១ឆ្នាំដល់៣ឆ្នាំកន្លះ ។
គួរបញ្ជាក់ថា កាលពីឆ្នាំមុន កាលពីម៉ោង៣ទៀបថ្ងៃទី១១ វិច្ឆិកា នោះ ក្រុមជនពាលមួយក្រុម បានចាប់នារីម្នាក់ដែលជាភ្ញៀវទេសចរវាយធ្វើបាប និងយកអំបែងកែវឆ្កូតមុខ ដើម្បីបំផ្លាញសម្រស់របស់នាង ។ ក្រោយពេលធ្វើបាបរួចរាល់ ជនសង្ស័យមួយក្រុមនោះ បានយកទូរស័ព្ទជនរងគ្រោះតេទៅប៉ូលិសដោយប្រាប់ថា ជនរងគ្រោះទទួលរងគ្រោះថ្នាក់ចរាចរណ៍ ។
ជនរងគ្រោះសុំមិនបញ្ចេញឈ្មោះ បានរាយការណ៍ទៅប៉ូលិសដែរ តែមិនមាននរណាអើពើ ព្រោះខាងជនសង្ស័យមានខ្នងបង្អែក។ ដោយហេតុនេះហើយ នាងបានសរសេររឿងរ៉ាវ និងភ្ជាប់រូបភាពបង្ហោះទៅប្រព័ន្ធបណ្តាញសង្គមចិន Weibo ដើម្បីឲ្យគ្រប់គ្នាបានដឹង។ មិនយូរប៉ុន្មាន ប៉ូលិសក៏បានចាប់ខ្លួនជនសង្ស័យបានចំនួន៦នាក់ ។ នាងប្រាប់ថា ជនសង្ស័យនៅថ្ងៃកើតហេតុមាន៩នាក់ តែហេតុអ្វីចាប់បានត្រឹមតែ៦នាក់ទៅវិញ។
ជនសង្ស័យ ត្រូវបានកាត់ទោសឲ្យជាប់គុកត្រឹមតែពី១ទៅ៣ឆ្នាំកន្លះ ដែលវាមិនសមនឹងទង្វើដែលបានធ្វើសោះ ។ ជនរងគ្រោះឯនោះវិញ អស់លុយថ្លៃព្យាបាលមុខយ៉ាងច្រើន មានវិបត្តិស្នេហាមិត្តប្រុសរត់ចោល និងជំពាក់គេជាច្រើនកន្លែងទៀត។
ចែករំលែកព័តមាននេះ