ខេត្តស្វាយរៀង ៖ ស្របពេលដែលការប្រឡងសញ្ញាបត្រមធ្យមសិក្សាទុតិយភូមិ កាន់តែខិតជិតមកដល់គេសង្កេតឃើញថា សិស្សថ្នាក់បាក់ឌុបទាំងឡាយក្នុងឆ្នាំនេះ បាននិងកំពុងនាំគ្នាសិក្សាបំប៉នចំនេះដឹង ដើម្បីយកជ័យលាភីឆ្ពោះទៅបន្តការសិក្សាថ្នាក់ឧត្តម។
ខេត្តស្វាយរៀង ៖ ស្របពេលដែលការប្រឡងសញ្ញាបត្រមធ្យមសិក្សាទុតិយភូមិ កាន់តែខិតជិតមកដល់គេសង្កេតឃើញថា សិស្សថ្នាក់បាក់ឌុបទាំងឡាយក្នុងឆ្នាំនេះ បាននិងកំពុងនាំគ្នាសិក្សាបំប៉នចំនេះដឹង ដើម្បីយកជ័យលាភីឆ្ពោះទៅបន្តការសិក្សាថ្នាក់ឧត្តម។
យ៉ាងណាមិញ ព្រះគ្រូនី សុវណ្ណមុនីរ៉េត គង់នៅកុដិលេខ២៤ នៃវត្តនាគវ័នរាជធានីភ្នំពេញ បានប្រកាសលើកទឹកចិត្តដល់សិស្សប្រឡងបាក់ឌុបឆ្នាំនេះប្រគេននូវម៉ូតូចំនួន៥គ្រឿង ជាការឆ្លើយតបចំពោះការប្រឹងប្រែង។ នេះជាលើកទី២ហើយដែលព្រះអង្គនី សុវណ្ណមុនីរ៉េតបានសន្យា និងចែកនូវរង្វាន់លើកទឹកចិត្តដល់ប្អូនៗសិស្សរៀនថ្នាក់បាក់ឌុប ។
ដោយកាលពីឆ្នាំទៅ២០១៦ ព្រះអង្គបានចុះចែករង្វាន់លេបថបជាច្រើនគ្រឿងដល់អ្នកជាប់បាក់ឌុបបានពិន្ទុខ្ពស់ជាងគេនាស្រុកស្វាយជ្រុំខេត្តស្វាយរៀងជាទីកំណើតរបស់ព្រះអង្គ។ ប្លែកពីឆ្នាំកន្លងទៅព្រះអង្គផ្ទាល់បានប្រកាសជូនរង្វាន់សារជាថ្មីជូនសិក្សានុសិស្សប្រឡងសញ្ញាបត្របាក់ឌុបឆ្នាំនេះនូវម៉ូតូចំនួនប្រាំគ្រឿងសម្រាប់ប្អូនៗជាប់និទ្ទេសA ហើយរៀនតាមវិទ្យាល័យនានាក្នុងស្រុកស្វាយជ្រុំតែប៉ុណ្ណោះ ។ ក្នុងបណ្តាញសង្គមរបស់ព្រះអង្គផ្ទាល់ ក៏បានប្រកាសជាផ្លូវការប្រគេននិងប្រគល់រង្វាន់ជូនជាម៉ូតូ៥គ្រឿងពិតប្រាកដដោយរង្វាន់រង់ចាំម្ចាស់ជ័យលាភីមកទទួលសំដៅលើកទឹកចិត្តយុវជនខ្មែរសម័យថ្មីនេះខិតខំរៀនជាធនធានមនុស្សថ្មី។
តាមការមានសង្ឃដិការផ្ទាល់ពីព្រះគ្រូនី សុវណ្ណមុនីរ៉េតបានលើកឡើងថាការចែករង្វាន់ម៉ូតូ៥គ្រឿងនិងរៀបចំធ្វើពិធីនៅទីតាំងកុដិលេខ២៤នៃវត្តនាគវ័នរាជធានីភ្នំពេញផ្ទាល់តែម្តង។ការលើកយករង្វាន់ជូនសិស្សជាប់និទ្ទេសអេក្នុងស្រុកស្វាយជ្រុំដើម្បីបន្តលើកកម្ពស់ដល់ប្អូនរលកក្រោយទៀតខិតខំដើម្បីភូមិស្រុកនោះដែលជាទឹកដីកំណើតរបស់ព្រះអង្គដែរ។រង្វាន់នៅតែចែកជូនដល់ប្អូនៗនៅឆ្នាំក្រោយៗទៀតសំដៅយកអ្នកចេះគឺជាប់អ្នកជាប់ត្រូវតែផ្តល់ការលើកទឹកចិត្តដោយមិនអាចមើលរំលងបាន។
ការប្រឡងបាក់ឌុបឆ្នាំនេះ២០១៦ និង២០១៧ប្រព្រឹត្ត ទៅថ្ងៃទី២១ និង២២ សីហា ដោយមានមណ្ឌលជាច្រើនតាមខេត្តក្រុងបានរៀបចំរួចជាស្រេច ដើម្បីដំណើរប្រឡងដ៏សំខាន់នេះ។
ចែករំលែកព័តមាននេះ