តម្លៃស្រូវសែនក្រអូបឡើងថ្លៃ តែមិនយូរអង្វែង
រាជធានីភ្នំពេញ ៖ បន្ទាប់ពីក្រុមហ៊ុនកែច្នៃអង្ករនាំចេញចុះប្រមូលទិញសនៅតំបន់នាដើមរដូវឆ្នាំនេះ ឃើញថា ស្រូវសែនក្រអូប ហាក់មានហាងឆេង និងតម្លៃខ្ពស់នៅលើទីផ្សារ ប៉ុន្តែតម្លៃនេះ
រាជធានីភ្នំពេញ ៖ បន្ទាប់ពីក្រុមហ៊ុនកែច្នៃអង្ករនាំចេញចុះប្រមូលទិញសនៅតំបន់នាដើមរដូវឆ្នាំនេះ ឃើញថា ស្រូវសែនក្រអូប ហាក់មានហាងឆេង និងតម្លៃខ្ពស់នៅលើទីផ្សារ ប៉ុន្តែតម្លៃនេះ
រាជធានីភ្នំពេញ ៖ បន្ទាប់ពីក្រុមហ៊ុនកែច្នៃអង្ករនាំចេញចុះប្រមូលទិញសនៅតំបន់នាដើមរដូវឆ្នាំនេះ ឃើញថា ស្រូវសែនក្រអូប ហាក់មានហាងឆេង និងតម្លៃខ្ពស់នៅលើទីផ្សារ ប៉ុន្តែតម្លៃនេះបានធ្លាក់ចុះ បន្ទាប់ពីតម្រូវការ និងទីផ្សារប្រែប្រួល ។
លោកឧកញ៉ា វង្ស ប៊ុនហេង នាយកក្រុមហ៊ុនវង្សប៊ុនហេង រ៉ាយស៍ បានឱ្យដឹងថា ក្នុងដំណាក់កាលស្រូវសែនក្រអូបនៅដើមរដូវ មានតម្លៃជាង១ពាន់រៀលក្នុង១គីឡូក្រាមនេះ ក្រុមហ៊ុនលោកទើបចុះប្រមូលទិញស្រូវបានរយៈពេល៥ថ្ងៃ ដោយក្នុង១ថ្ងៃទិញបានប្រហែល១០០តោន ខណៈ១ឆ្នាំមុន ក្រុមហ៊ុនទិញបាន៤ពាន់តោន និងស្រូវអុីអ៊ែ៦ពាន់តោន ។
លោកឧកញ៉ាបញ្ជាក់ថា ៖« តម្លៃស្រូវសែនក្រអូបថ្លៃប្រមាណ១ពាន់រៀលក្នុង១គីឡូក្រាមនៅដើមរដូវនេះ សម្រាប់ក្រុមហ៊ុនកែច្នៃនាំអង្ករចេញ មិនអាចរកប្រាក់ចំណេញបានទេ ។ បើតម្លៃចុះមក៩៨០រៀលនោះ ក្រុមហ៊ុននាំចេញអាចទទួលបានប្រាក់ចំណេញខ្លះ តែបើអត់ចំណេញទេ ក្នុងច្បាប់ធ្វើពាណិជ្ជកម្មសម្រាប់អ្នករកស៊ី គេអាចនឹងផ្អាកមួយរយៈសិន » ។
លោកឧកញ៉ា ភូ ពុយ នាយកក្រុមហ៊ុនបៃតងកម្ពុជា មានប្រសាសន៍ថា ក្រុមហ៊ុនបានចុះទិញស្រូវសែនក្រអូបតាំងពីសប្តាហ៍ទី៣ និង៤ ខែកក្កដា ហើយរហូតមកដល់ពេលនេះ បានប្រហែលជិត៣ម៉ឺនតោននៃគម្រោងចុះប្រមូលទិញសរុប៧ម៉ឺនតោនក្នុង១ឆ្នាំ ។
លោកឧកញ៉ាបន្តថា កាលពីខែកក្កដាកន្លងមក ក្រុមហ៊ុនទិញស្រូវពីកសិករក្នុង១គីឡូក្រាមថ្លៃ៨បាត (ជាង១ពាន់រៀល) ប៉ុន្តែបច្ចុប្បន្ន ទិញក្នុងតម្លៃតែ៧,៨បាត (ជិត១ពាន់រៀល) ក្នុង១គីឡូក្រាម ។ ការធ្លាក់ចុះតម្លៃបន្តិចនេះ វាសមស្របសម្រាប់ទីផ្សារ ហើយបើតម្លៃនេះអាចរក្សាបានយូរអង្វែង វានឹងល្អប្រសើរសម្រាប់កសិករ បើធៀបនឹងពេលមុនៗ ។
ទន្ទឹមនឹងតម្លៃស្រូវសែនក្រអូបកំពុងប្រែប្រួល លោកនាយកក្រុមហ៊ុនបៃតង មានប្រសាសន៍ថា ៖« ជារួម ប្រជាកសិករ១០០នាក់ អាចមានកសិករជាង១០% ដែលគាត់ប្រមូលផលនៅចុងរដូវ តម្លៃអាចនឹងធ្លាក់មក៧,១បាត (ស្មើជិត៩០០រៀល) ក្នុង១គីឡូក្រាម ។ ប៉ុន្តែកសិករ៨០ទៅ៩០% គាត់អាចលក់ស្រូវសែនក្រអូបបានថ្លៃ ខុសពីឆ្នាំមុន កសិករប្រមាណ៩០%លក់ស្រូវក្នុងតម្លៃទាបប្រមាណ៦បាត (ស្មើជាង៧០០រៀល) ក្នុង១គីឡូក្រាម » ។
ចំណែកលោក នង វាសនា ថ្នាក់ដឹកនាំរោងម៉ាស៊ីនកិនស្រូវ ដែលមានមូលដ្ឋាននៅក្នុងខេត្តត្បូងឃ្មុំ បានឱ្យដឹងថា នៅរដូវប្រមូលផលស្រូវសែនក្រអូបកំពុងដំណើរការយ៉ាងមមាញឹកក្នុងខេត្តភាគពាយព្យមួយចំនួន ដូចជា ខេត្តបន្ទាយមានជ័យ បាត់ដំបង និងពោធិ៍សាត់ លោកបានត្រៀមទិញស្រូវសែនក្រអូបបរិមាណ១ម៉ឺនតោនក្នុងរដូវប្រមូលផលក្នុងឆ្នាំនេះ សម្រាប់សម្ងួតស្តុកទុក កិនកែច្នៃ និងនាំចេញ ។ នេះបើយោងតាមព័ត៌មានពីហ្វេសប៊ុកផេកសហព័ន្ធស្រូវអង្ករកម្ពុជា ៕
ចែករំលែកព័តមាននេះ