ឆក់កាបូបជនបរទេសបាន៧ថ្ងៃ ជាប់អន្ទាក់នគរបាល
រាជធានីភ្នំពេញ ៖ កម្លាំងសមត្ថកិច្ចនគរបាលព្រហ្មទណ្ឌកម្រិតស្រាល រាជធានីភ្នំពេញ នាថ្ងៃទី១៧ សីហា
រាជធានីភ្នំពេញ ៖ កម្លាំងសមត្ថកិច្ចនគរបាលព្រហ្មទណ្ឌកម្រិតស្រាល រាជធានីភ្នំពេញ នាថ្ងៃទី១៧ សីហា
រាជធានីភ្នំពេញ ៖ កម្លាំងសមត្ថកិច្ចនគរបាលព្រហ្មទណ្ឌកម្រិតស្រាល រាជធានីភ្នំពេញ នាថ្ងៃទី១៧ សីហា ២០១៧ បានបញ្ជូនជនសង្ស័យម្នាក់ ទៅកាន់សាលាដំបូង ពាក់ពន្ធករណីឆក់កាបូបជនបរទេស។ ជនសង្ស័យរូបនោះឈ្មោះ សេរីរត្ន័ ពិសី ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅផ្ទះលេខ៥៨ ផ្លូវលេខ៣១០ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។ តាមមន្ត្រីនគរបាលបានឲ្យដឹងថា ជនសង្ស័យត្រូវបានចាប់ខ្លួនកាលពីថ្ងៃទី១៥ សីហា ២០១៧ នៅចំណុចសួនច្បារមុខវត្តលង្កា មហាវិថីព្រះសីហនុ សង្កាត់បឹងកេងកងទី១ ខណ្ឌចំការមន (ពោលគឺឆក់បាន៧ថ្ងៃ) ជាប់អន្ទាក់របស់សមត្ថកិច្ចនគរបាលព្រហ្មទណ្ឌកម្រិតស្រាល រាជធានីភ្នំពេញ។
មន្ត្រីនគរបាលបន្តថា នៅវេលាម៉ោង៨ និង៤៥នាទីយប់ថ្ងៃទី៩ សីហា ជនសង្ស័យបានធ្វើសកម្មភាពឆក់កាបូបជនបរទេសម្នាក់ នៅចំណុចមុខធនាគារអេស៊ីលីដា តាមមហាវិថីព្រះនរោត្តម កែវផ្លូវ២៨២ សង្កាត់បឹងកេងកងទី១ ខណ្ឌចំការមន។ ជនរងគ្រោះមានឈ្មោះ JULIA SCHMALFUSS ភេទស្រី អាយុ៤២ឆ្នាំ ជនជាតិ អូស្ត្រាលី ជាភ្ញៀវទេសចរណ៍ស្នាក់នៅសណ្ឋាគារ TEAHOUSE URBAN ASIAN HOTEL។ សម្ភារបាត់បង់រួមមាន ១.ប្រាក់៥០០ដុល្លារអាមេរិក ២.ម៉ាស៊ីនថត០១គ្រឿង ៣.ទូរសព្ទ័ដៃម៉ាក សាំសុងហ្គាឡាក់ស៊ីអេស ១គ្រឿង ៤.បណ្ណ័បើកបររថយន្ត១សន្លឹក ៥.កាតអេធីអឹមធនាគារ COMMONWEALTH ០១។ ក្រោយពីឃាត់ខ្លួនជនសង្ស័យ ត្រូវបានសមត្ថកិច្ចនគរបាល កសាងសំណុំរឿងបញ្ជូនទៅសាលាដំបូងរាជធានីភ្នំពេញ តាមនីតិតវិធី៕
ចែករំលែកព័តមាននេះ