ទីបញ្ជាការកងអនុសេនាធំលេខ៣ ក្លាយជាឃ្លាំងស្តុកឈើខុសច្បាប់?
ខេត្តមណ្ឌលគិរី ៖ ក្រុមអ្នកតាមដានបញ្ហាបរិស្ថានបានឱ្យដឹងថា អស់រយៈពេលជាង៣ខែមកហើយ ដែលទីបញ្ជាការកងអនុសេនាធំលេខ៣ ចំណុះវរសេនាតូចលេខ២០៤
ខេត្តមណ្ឌលគិរី ៖ ក្រុមអ្នកតាមដានបញ្ហាបរិស្ថានបានឱ្យដឹងថា អស់រយៈពេលជាង៣ខែមកហើយ ដែលទីបញ្ជាការកងអនុសេនាធំលេខ៣ ចំណុះវរសេនាតូចលេខ២០៤
ខេត្តមណ្ឌលគិរី ៖ ក្រុមអ្នកតាមដានបញ្ហាបរិស្ថានបានឱ្យដឹងថា អស់រយៈពេលជាង៣ខែមកហើយ ដែលទីបញ្ជាការកងអនុសេនាធំលេខ៣ ចំណុះវរសេនាតូចលេខ២០៤ ក្រោមការទទួលខុសត្រូវពីតំបន់ប្រតិបត្តិការសឹករងក្រចេះ បានក្លាយទៅជាឃ្លាំងស្តុកឈើខុសច្បាប់របស់ក្រុមឈ្មួញរកស៊ី ដែលដឹកចេញពីស្រុកអូររាំង និងស្រុកកែវសីមា ខេត្តមណ្ឌលគិរី ។
នៅទីបញ្ជាការកងអនុសេនាធំលេខ៣ ដែលមានទីតាំងនៅភូមិក្រញូង ឃុំក្រញូងសែនជ័យ ស្រុកស្នូល ខេត្តក្រចេះ ជាប់ព្រំប្រទល់ជាមួយភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី ត្រូវបានមន្ត្រីរាជការក្នុងមូលដ្ឋានលួចខ្សឹបថា ក្នុងទីតាំងបន្ទាយនេះ ជាកន្លែងប្រមូលទិញឈើដុះស្លែយូរឆ្នាំមកហើយ ។ នៅពេលក្រុមរថយន្តដឹកឈើចេញពីខេត្តមណ្ឌលគិរី ពួកគេបានដឹកចូលទៅក្រោយបន្ទាយគ.៣ ទម្លាក់ឈើទុកឲ្យថៅកែយួនវាស់វែង រួចបន្តដឹកចេញពីបន្ទាយគ.៣ ឆ្ពោះទៅព្រំដែនកម្ពុជា-វៀតណាម ។ប្រភពបានឲ្យដឹងថា ថៅកែធំដែលអាចយកបន្ទាយគ.៣ ធ្វើជាកន្លែងស្តុបឈើសេរីតាមចិត្តនោះ គឺមានស្ត្រីម្នាក់ឈ្មោះ ចែវី ជា
ប្រពន្ធរបស់លោក ហ៊ត់ ប៊ុនគីម មេបញ្ជាការកងអនុសេនាធំលេខ៣នេះតែម្តង ។
ជាក់ស្តែង តាំងពីព្រឹកថ្ងៃទី១៧ សីហា នេះ មានរថយន្តប្រភេទកាមរីចំនួន៥គ្រឿង បានដឹកឈើចូលទៅទម្លាក់នៅក្រោយបន្ទាយគ.៣ទាំងថ្ងៃច្បាស់ក្រឡែត ដោយគ្មានរំខានដល់សមត្ថកិច្ចណាម្នាក់ឡើយ ។ ទោះជាគេឃើញតាមបណ្តាលផ្លូវជាតិលេខ៧៨ ពីស្រុកអូររាំង ឆ្លងស្រុកកែវសីមា ខេត្តមណ្ឌលគិរី រហូតដល់ទឹកដីស្រុកស្នូល ខេត្តក្រចេះ មានសមត្ថកិច្ចរាប់សិបស្ថាប័ន បណ្តាក់គ្នាដូចខ្យងតាមដងផ្លូវក៏ដោយ តែក្រុមសមត្ថកិច្ចទាំងនោះហាក់មិនមានសកម្មភាពចាប់បង្ក្រាបបទល្មើសជាក់ស្តែងអីនោះទេ ។
ចែករំលែកព័តមាននេះ