បះបោរក្នុងពន្ធនាគារស្លា.ប់37នាក់
អាជ្ញាធររាយការណ៍កាលពីថ្ងៃទី១៦ សីហា ថា មនុស្សយ៉ាងតិច៣៧នាក់ស្លា.ប់ពេលផ្ទុះការបះបោរក្នុងពន្ធនាគារមួយនៃរដ្ឋ AMAZONAS ភាគខាងត្បូង ។ អគ្គអយ្យការនិយាយថា
ប្រទេសវេណេស៊ុយអេឡា ៖ អាជ្ញាធររាយការណ៍កាលពីថ្ងៃទី១៦ សីហា ថា មនុស្សយ៉ាងតិច៣៧នាក់ស្លាប់ពេលផ្ទុះការបះបោរក្នុងពន្ធនាគារមួយនៃរដ្ឋ AMAZONAS ភាគខាងត្បូងវេណេស៊ុយអេឡា ។
អគ្គអយ្យការនិយាយថា បានចាត់ឱ្យរដ្ឋអាជ្ញា២រូបស៊ើបអង្កេតលើការស្លាប់មនុស្សទាំង៣៧នាក់នេះពេលដណ្តើមការត្រួតត្រាមជ្ឈមណ្ឌលឃុំឃាំងនៅរដ្ឋ AMAZONAS ។ អគ្គអយ្យការបញ្ជាក់ថា មន្ត្រីពន្ធនាគារ១៤នាក់រងរបួសពេលផ្ទុះអំពើហិង្សាតែពុំបានបញ្ជាក់ពីបណ្តាមនុស្សដែលត្រូវស្លាប់ឡើយ ។
មុននេះបន្តិចអភិបាលរដ្ឋ AMAZONAS លោក LIBORIO GUARULLA ថ្លែងតាម TWITTER ថា មានការសម្លាប់រង្គាលមនុស្សយ៉ាងតិច៣៥នាក់ ពេលកងឯកភាពពិសេសមួយកងរបស់ក្រសួងមហាផ្ទៃ និងតុលាការលុកចូលក្នុងមជ្ឈមណ្ឌលឃុំឃាំងស្ថិតនៅទីក្រុង PUERTO AYACUCHO ។
យោងតាមអង្គការក្រៅរដ្ឋាភិបាល២ខាងសិទ្ធិមនុស្ស គឺអង្គការ UNA VENTANA A LA LIBERTAD និងអង្គការ OBSERVATORIO VENEZOLANO DE PRISIONES ថា មនុស្សស្លាប់ទាំង៣៧នាក់ជាអ្នកទោស ។
លោក GUARULLA ថ្លែងថា មានមនុស្សប្រមាណជា១០៥នាក់ ជាប់ឃុំឃាំងក្នុងពន្ធនាគារនេះពេលផ្ទុះការបះបោរកាលពីថ្ងៃទី១៦ សីហា ៕
ចែករំលែកព័តមាននេះ