បង្ក្រាបទីតាំងហ្គេមបា.ញ់ត្រីបង្កប់ក្នុងផ្ទះវិឡាមួយកន្លែង
រាជធានីភ្នំពេញ ៖ លោក ព្រុំ សំខាន់ អភិបាលនៃគណៈអភិបាលខណ្ឌចំការមនបានដឹកនាំកម្លាំងគណៈបញ្ជាការ
រាជធានីភ្នំពេញ ៖ លោក ព្រុំ សំខាន់ អភិបាលនៃគណៈអភិបាលខណ្ឌចំការមនបានដឹកនាំកម្លាំងគណៈបញ្ជាការឯកភាពខណ្ឌចុះបង្ក្រាបទីតាំងហ្គេមបាញ់ត្រីខុសច្បាប់នៅក្នុងផ្ទះវីឡាមួយកន្លែង ដោយធ្វើការដកហូតទូរហ្គេមបាញ់ត្រីចំនួន២ទូរ និងនៅក្នុងសង្កាត់ផ្សារដើមថ្កូវ ។ ការបង្ក្រាបល្បែងស៊ីសងខុសច្បាប់នេះដែរបានធ្វើឡើងកាលពីវេលាម៉ោង៤និង១០នាទីល្ងាច ថ្ងៃទី១៦ ខែសីហា ឆ្នាំ២០១៧ នៅចំណុចផ្ទះលេខ៩៨ ផ្លូវលេខ៩៩ ក្នុងសង្កាត់ផ្សារដើមថ្កូវ ខណ្ឌចំការមន ។
លោក ព្រុំ សំខាន់ អភិបាលខណ្ឌចំការមនបានប្រាប់ឱ្យដឹងថា ក្រោយពីមានការសហការអំពីសំណាក់ប្រជាពលរដ្ឋនៅក្នុងមូលដ្ឋានរបស់លោកថា កំពុងតែមានទីតាំងហ្គេមបាញ់ត្រីមួយកន្លែងលួចបើកលេងយ៉ាងរលូននៅក្នុងភូមិសាស្ត្ររបស់លោកនោះ ។ ទើបក្នុងពេលនេះដែរលោកបានដឹកនាំកម្លាំងគណៈបញ្ជាការឯកភាពខណ្ឌចំការមនដែលដឹកនាំដោយរូបលោកផ្ទាល់បានឆ្មក់ចុះបង្ក្រាបទីតាំងល្បែងស៊ីសងប្រភេទហ្គេមបាញ់ត្រីនៅក្នុងផ្ទះវីឡាមួយកន្លែងខាងលើនេះ ។ លោកក៏បានប្រាប់បន្តទៀតថា ប្រតិបត្តិការបង្ក្រាបល្បែងស៊ីសងប្រភេទហ្គេមបាញ់ត្រីនៅចំណុចនេះដែរគឺបានធ្វើឡើងក្រោយពីកម្លាំងរបស់លោកបានទទួលនូវការរាយការណ៍ប្រាប់អំពីសំណាក់ប្រជាពលរដ្ឋដែលមានទីលំនៅក្បែរខាងទើបឈានទៅដល់ការចុះមកបង្ក្រាបតែម្តង ហើយកម្លាំងរបស់លោកក៏នៅតែបន្តចុះប្រតិបត្តិការបង្ក្រាបរាល់ទីតាំងល្បែងស៊ីសងគ្រប់ប្រភេទដែលមាននៅក្នុងភូមិសាស្ត្ររបស់លោកជាបន្តបន្ទាប់ឱ្យទាល់តែអស់ផងដែរ ។
ក្រោយពីការចុះបង្ក្រាបល្បែងស៊ីសងខុសច្បាប់ដែលជាប្រភេទហ្គេមបាញ់ត្រីនៅចំណុចផ្ទះវីឡាខាងលើ កម្លាំងគណៈបញ្ជាការឯកភាពខណ្ឌចំមការមនក៏បានធ្វើការដកហូតទូរហ្គេមបាញ់ត្រីទាំង២ទូរនោះយកទៅរក្សាទុកនៅសាលាសង្កាត់ផ្សារដើមថ្កូវដើម្បីរង់ចាំធ្វើការកំទេចចោលផងដែរ ៕
ចែករំលែកព័តមាននេះ