អាណិតណាស់… រំលោ.ភក្មួយពីអាយុ៦ឆ្នាំ មកទល់នាងអាយុ១០ឆ្នាំហើយ
ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា ជនសង្ស័យម្នាក់ត្រូវកម្លាំងអាវុធហត្ថក្រុងប៉ោយប៉ែតឃាត់ខ្លួន
ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា ជនសង្ស័យម្នាក់ត្រូវកម្លាំងអាវុធហត្ថក្រុងប៉ោយប៉ែតឃាត់ខ្លួន កាលពីវេលាម៉ោង០៩យប់ថ្ងៃទី១៦ សីហាក្រោយទទួលបានពាក្យបណ្តឹងពីឪពុកម្តាយក្មេងរងគ្រោះពាក់ព័ន្ធករណីរំលោភសេពសន្ថវៈ កាលពីពេលកន្លងមក ។ ជនសង្ស័យឈ្មោះជ្រុន រ៉េត អាយុ៣៦ឆ្នាំ ជាកម្មករសំណង់ មានទីលំនៅក្នុងភូមិចាន់គីរី សង្កាត់ប៉ោយប៉ែត ក្រុងប៉ោយប៉ែត និងក្មេងស្រីរងគ្រោះមានអាយុ១០ឆ្នាំ ដែលត្រូវក្មួយរបស់ជនសង្ស័យតែម្តង ។ ក្រោយទទួលពាក្យបណ្តឹងពីគ្រួសាររងគ្រោះ សមត្ថកិច្ចក៏ចុះស្រាវជ្រាវ រហូតមានការឃាត់ខ្លួនជនសង្ស័យបានភ្លាមៗ ។
បើតាមឪពុកម្តាយក្មេងស្រីថា ជនសង្ស័យបានចាប់រំលោភកូនស្រីគាត់ កាលពីម៉ោងជាង១១ព្រឹកថ្ងៃទី១៣ សីហា ស្ថិតនៅចំណុចក្នុងព្រៃប្ញស្សី ខាងជើងភោជនីយដ្ឋានស្រះត្រជាក់ចិត្តប្រហែលជាង២០០ម៉ែត្រ ។ គាត់បន្តថា ដោយសារឃើញកូនស្រីមានសភាពស្លេកស្លាំងខុសពីធម្មតា ពេលសាកសួរនាងប្រាប់ថា កាលពីព្រឹកថ្ងៃមុនបានមកលេងផ្ទះរបស់ជនសង្ស័យ ក៏ត្រូវជនសង្ស័យបបួលនាងនិងប្អូនស្រីម្នាក់ទៀត ទៅរកជីកទំពាំងដោយទៅដល់ចំណុចកើតហេតុ ។ ជននោះឱ្យនាងប្អូនចាំម៉ូតូ ហើយនាំនាងចូលព្រៃ ។ នាងនិយាយទៀតថា ពេលដល់កន្លែងស្ងាត់ ត្រូវជនសង្ស័យបានប្រាប់ឱ្យនាងស្រាតខោចេញ ពេលនោះនាងមិនព្រមធ្វើតាម ជននោះបានចាប់នាងស្រាតខោអាវ ហើយផ្តួលដីរំលោភរហូតបានសម្រេច២ដង ។
ក្មេងស្រីរងគ្រោះប្រាប់ទៀតថា ជនសង្ស័យបានល្បួងរំលោភធ្វើបាបនាងតាំងពីយូរមកហើយ និងជាច្រើនដង ប៉ុន្តែមិនហ៊ានប្រាប់ឪពុកម្តាយឡើយ ។ ក្រោយឃាត់ខ្លួន ជនសង្ស័យខាងលើបានសារភាពថា ពិតជាបានបានរំលោភនាងបានសម្រេចមែន ។ គួរបញ្ជាក់ថា ជនសង្ស័យថែមទាំងជាប់ពាក់ព័ន្ធប្រើគ្រឿងញៀនផងដែរ ព្រោះឃាត់ខ្លួនឆែកឃើញឧបករណ៍សេពគ្រឿងញៀន ។
ចែករំលែកព័តមាននេះ