ម៉ូតូ និងម៉ូតូពន្លះគ្នាពេញទំហឹង
រាជធានីផ្នំពេញ ៖ ម៉ូតូ២គ្រឿង ជិះខ្វះការប្រុងប្រយ័ត្ន នៅផ្លូវកែងអក្សរតេ ក៏ជ្រុលទៅបុកគ្នាពេញទំហឹង បណ្តាលឲ្យមានមនុស្សរងរបួសធ្ងន់ម្នាក់
រាជធានីផ្នំពេញ ៖ ម៉ូតូ២គ្រឿង ជិះខ្វះការប្រុងប្រយ័ត្ន នៅផ្លូវកែងអក្សរតេ ក៏ជ្រុលទៅបុកគ្នាពេញទំហឹង បណ្តាលឲ្យមានមនុស្សរងរបួសធ្ងន់ម្នាក់ និងស្រាល់ម្នាក់ ហេតុការណ៍នេះបានកើតឡើងនៅវេលាម៉ោង០៨និង១០នាទីយប់ ថ្ងៃទី១៦ ខែសីហា ឆ្នាំ២០១៧ ទុលមុខនឹងហាងនំបុ័ង បាយ័ន ផ្លូវ២១៧ កែងនិងផ្លូវបេតុង អត់លេខ ភូមិសំបួរ សង្កាត់ដង្កោ ខណ្ឌដង្កោ ។
តាមប្រភពព័ត៌មានពីកន្លែងកើតហេតុ បានឲ្យដឹងថា ៖ មុនពេលកើតហេតុ គេបានឃើញបុរសម្នាក់បានជិះម៉ូតូម៉ាកហុងដាឌ្រីម ស៊េរីឆ្នាំ២០១៥ ពណ៌ខ្មៅ ពាក់ស្លាកលេខ ភ្នំពេញ ១FD-៥៦៤១ បានធ្វើដំណើរតាមផ្លូវ២១៧ ក្នុងទិសដៅពីត្បូងទៅជើង ក្នុងល្បឿនលឿន ខណៈមកដល់ចំណុចកើត កែងនិងផ្លូវបេតុងអត់លេខ ក៏ស្រាប់តែមានបុរសម្នាក់ទៀត បានជិះម៉ូតូម៉ាក់ស្កុបពី ពណ៌ស ពាក់ស្លាកលេខ ភ្នំពេញ ១CT-៥៤៨៥ បានធ្វើដំណើរតាមផ្លូវបេតុងអត់លេខ ក្នុងទិសដៅលិចទៅកើត ក្នុងល្បឿនលឿន បម្រុងឆ្លងទទឹងផ្លូវ ក៏ជ្រុលទៅបុកនឹងម៉ូតូហុងដាឌ្រីមចំពីមុខ ពេញទំហឹង បណ្តាលឲ្យបុរសដែលជិះម៉ូតូឌ្រីមសង់រងរបួសរលាត់ដៃរលាត់ជើងតិចតួច ចំណែកម៉ូតូបែកកង់មុខ និងវៀចជំពាស់ ។
ដោយឡែកខាងម៉ូតូស្កុបពីវិញ រងរបួសបែកក្បាល ហូរឈាមពេញផ្លូវ ហើយភ្លាមនោះ ត្រូវបានរថយន្តសង្គ្រោះបានមកដឹកយកទៅសង្គ្រោះនៅមន្ទីពេទ្យបង្អែកដង្កោ ឬឯម៉ូតូរងការខូចខាតខ្ទេចផ្នែកខាងមុខ ។
ក្រោយពេលកើតហេតុ ម៉ូតូទាំងពីរគ្រឿង| ត្រូវបានសមត្ថកិច្ចធ្វើការវាស់វែង យកទៅរក្សាទុកនៅអធិការដ្ឋានខណ្ឌដង្កោ ដើម្បីធ្វើការដោះស្រាយ ៕
ចែករំលែកព័តមាននេះ