រថយន្តផែស្ងួត តេងឡាយ បត់ឆ្លងផ្លូវ បុកម៉ូតូរបួសធ្ងន់ម្នាក់
រាជធានីភ្នំពេញ៖ បុរសម្នាក់បានរងរបួសធ្ងន់ធ្ងរស្ទើរតែបាត់បង់ជីវិតទៅហើយ ខណៈដែលកំពុងជិះម៉ូតូ១គ្រឿងសុខៗ ស្រាប់តែមានរថយន្តដឹកកុងតឺន័រ១គ្រឿង
រាជធានីភ្នំពេញ៖ បុរសម្នាក់បានរងរបួសធ្ងន់ធ្ងរស្ទើរតែបាត់បង់ជីវិតទៅហើយ ខណៈដែលកំពុងជិះម៉ូតូ១គ្រឿងសុខៗ ស្រាប់តែមានរថយន្តដឹកកុងតឺន័រ១គ្រឿង
រាជធានីភ្នំពេញ៖ បុរសម្នាក់បានរងរបួសធ្ងន់ធ្ងរស្ទើរតែបាត់បង់ជីវិតទៅហើយ ខណៈដែលកំពុងជិះម៉ូតូ១គ្រឿងសុខៗ ស្រាប់តែមានរថយន្តដឹកកុងតឺន័រ១គ្រឿង បើកបរក្នុងទិសដៅបញ្ច្រាសទិសគ្នាទៅដល់បានបត់ឆ្លងផ្លូវ ហើយបានជ្រុលទៅបុកពេញទំហឹង ហើយបានកិនម៉ូតូជាប់ពីក្រោម បណ្ដាលឲ្យរងការខូចខាតស្ទើរតែទាំងស្រុងតែម្ដង។ ចំណែកជនរងគ្រោះបានខ្ទាតចេញពីរថយន្ត ទើបមិនស្លាប់គ្រាន់តែរងរបួសធ្ងន់បែបនេះ ហើយត្រូវបានរថយន្តសង្គ្រោះអង្គភាព៧១១របស់កងពលតូច៧១១ដឹកយកទៅសង្គ្រោះភ្លាមៗដែរ។
ឧប្បត្តិហេតុគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង២រសៀល ថ្ងៃទី១៦ ខែសីហា ឆ្នាំ២០១៧ នៅលើកំណាត់ផ្លូវជាតិលេខ៣ ត្រង់ចំណុចមុខសាលាសុវណ្ណភូមិ ស្ថិតនៅក្នុងភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ តាមប្រភពព័ត៌មានបានឲ្យដឹងថា ជនរងគ្រោះខាងលើនោះឈ្មោះ លិន ភ័ណ្ឌ អាយុ២៨ឆ្នាំ ហើយមិនបានដឹងថាគាត់ស្នាក់នៅកន្លែងណាឡើយ នៅមុនពេលកើតហេតុបុរសម្នាក់នេះបានជិះម៉ូតូម៉ាក១គ្រឿងម៉ាកMSX ពណ៌ខ្មៅ ពាក់ស្លាកលេខ ភ្នំពេញ1CZ-8148 ធ្វើដំណើរតាមបណ្តោយផ្លូវជាតិលេខ៣ក្នុងទិសដៅពីត្បូងទៅជើង។
លុះពេលទៅដល់ត្រង់ចំណុចកើតហេតុ ស្រាប់តែត្រូវរថយន្តកុងតឺន័ររបស់ក្រុមហ៊ុន ផែស្ងួត តេងឡាយ ម៉ាកFUTON ពណ៌ស ពាក់ស្លាកលេខ ភ្នំពេញ 3C-5551 ធ្វើដំណើរក្នុងទិសដៅបញ្ច្រាសទិសគ្នាទៅដល់ហើយបានបត់ឆ្លងផ្លូវជ្រុលបុកម៉ូតូពេញទំហឹង បណ្តាលឲ្យបុរសដែលជាអ្នកជិះម៉ូតូនោះរងរបួសធ្ងន់ ចំណែកម៉ូតូគាបជាប់ក្រោមរថយន្តរងការខូចខាតតែម្តង។ ក្រោយពេលកើតហេតុ អ្នកបើកបររថយន្តបានចុះពីលើរថយន្តហើយរត់គេចខ្លួនបាត់ស្រមោល រីឯជនរងគ្រោះត្រូវបានរថយន្តអង្គភាព៧១១ដឹកយកទៅសង្គ្រោះនៅមន្ទីរពេទ្យព្រះកុសុមៈ ភ្លាមៗ ចំណែករថយន្ត និងម៉ូតូត្រូវបានសមត្ថកិច្ចនគរបាលចរាចរណ៍ខណ្ឌពោធិ៍សែនជ័យ ចុះទៅធ្វើការវាស់វែង និងនាំយកទៅរក្សាទុកនៅផ្នែកនគរបាលខណ្ឌ រង់ចាំដោះស្រាយនៅពេលក្រោយ៕
ចែករំលែកព័តមាននេះ