ម៉ូតូកង់បីចេញពីភោជនីដ្ឋានត្រូវរថយន្តឡិចស៊ីសព្រលះបះជើងឡើងលើ
រាជធានីភ្នំពេញ ៖ បុរសម្នាក់ជាអ្នករត់រ៉ឺម៉កម៉ូតូដឹកភ្ញៀវចេញមកពីភោជនីដ្ឋានមិនបានប្រយ័ត្នក៏ត្រូវរថយន្តឡិចស៊ីសRX300
រាជធានីភ្នំពេញ ៖ បុរសម្នាក់ជាអ្នករត់រ៉ឺម៉កម៉ូតូដឹកភ្ញៀវចេញមកពីភោជនីដ្ឋានមិនបានប្រយ័ត្នក៏ត្រូវរថយន្តឡិចស៊ីសRX300
រាជធានីភ្នំពេញ ៖ បុរសម្នាក់ជាអ្នករត់រ៉ឺម៉កម៉ូតូដឹកភ្ញៀវចេញមកពីភោជនីដ្ឋានមិនបានប្រយ័ត្នក៏ត្រូវរថយន្តឡិចស៊ីសRX300បុកចំពីមុខពេញទំហឹងបណ្តាលរ៉ឺមកម៉ូតូក្រឡាប់រងរបួសធ្ងន់២នាក់ ហេតុការណ៍នេះបានកើតឡើងកាលពីវេលាម៉ោង១រំលងអធ្រាត្រឈានចូលថ្ងៃទី១៦ ខែសីហា ឆ្នាំ២០១៧ តាមបណ្តោយផ្លូវព្រះស៊ីសុវត្ថិ ស្ថិតនៅក្នុងសង្កាត់វត្តភ្នំ ខណ្ឌដូនពេញ ។
សាក្សីដែលឃើញហេតុការណ៍បានឱ្យដឹងថា មុនពេលកើតហេតុគេបានឃើញបុរសម្នាក់ជាអ្នករត់រ៉ឺម៉កម៉ូតូដឹកស្ត្រីម្នាក់ជាភ្ញៀវត្រូវជាបងប្អូនជាមួយនឹងអ្នកបើករ៉ឺម៉កម៉ូតូចេញមកពីភោជនីដ្ឋានមួយកន្លែង តែយប់ស្ងាត់ហើយច្រកសម្រាប់ចេញត្រូវបានសន្តិសុខបិទទ្វារទៅហើយទើបអ្នកបើករ៉ឺម៉កម៉ូតូបើកចេញតាមច្រកសម្រាប់ចូលដោយមិនបានសុំសន្តិសុខទេ ខណៈបើកចេញមកក៏ត្រូវរថយន្តឡិចស៊ីសRX300 ពណ៌ស្ករ ពាក់ស្លាកលេខ ភ្នំពេញ២AP-៧៧៤១ ជារថយន្តតាក់ស៊ីបើកបរតាមបណ្តោយផ្លូវព្រះស៊ីសុវត្ថិក្នុងទិសដៅពីត្បូងទៅជើងក្នុងល្បឿនយ៉ាងលឿនមិនបានដឹងថា មានរ៉ឺម៉កម៉ូតូបើកចេញមកពីភោជនីដ្ឋាននោះទេធ្វើឱ្យគាត់ចាប់ហ្វ្រាំងមិនទាន់ក៏ជ្រុលទៅបុកចំពីមុខរ៉ឺម៉កម៉ូតូពេញទំហឹងបណ្តាលឱ្យក្រឡាប់ផ្ងារជើងឡើងលើរងរបួសធ្ងន់២នាក់ រីឯរថយន្តឡិចស៊ីសRX300ខ្ទេចអស់មួយកំណាត់ខាងមុខ ភ្លាមៗនោះដែររថយន្តសង្គ្រោះរបស់គ្លីនិកឯកជនបានមកដល់ដឹកយកជនរងគ្រោះប្រុសស្រី២នាក់យកទៅព្យាបាល ។
ក្រោយពេលកើតហេតុរ៉ឺម៉កម៉ូតូរួម និងរថយន្តឡិចស៊ីសត្រូវសមត្ថកិច្ចវាស់វែងយកទៅរក្សាទុកនៅការិយាល័យចរាចរណ៍ផ្លូវគោករងចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ