រាជធានីភ្នំពេញ ៖ សេចក្តីរាយការណ៍បឋមឱ្យដឹងថា កម្លាំងសមត្ថកិច្ចចម្រុះ រួមទាំងព្រះរាជអាជ្ញារង លោក ស៊ិន វិរៈ បាននាំគ្នាចុះទៅបន្តឆែកឆេរក្នុងឃ្លាំងកុងស៊ីខុសច្បាប់មួយកន្លែង ស្ថិតនៅខាងក្រោយវត្តទឹកថ្លា ក្នុងភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ នាព្រឹកថ្ងៃទី១៦ សីហា នេះ ។
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា កម្លាំងសមត្ថកិច្ចចម្រុះ រួមទាំងព្រះរាជអាជ្ញារង លោក ស៊ិន វិរៈ បាននាំគ្នាចុះទៅបន្តឆែកឆេរក្នុងឃ្លាំងកុងស៊ីខុសច្បាប់មួយកន្លែង ស្ថិតនៅខាងក្រោយវត្តទឹកថ្លា ក្នុងភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ នាព្រឹកថ្ងៃទី១៦ សីហា នេះ ។
សេចក្តីរាយការណ៍បន្តថា ការឆែកឆេរនេះ ត្រូវបានរកឃើញក្នុងឃ្លាំងមានម៉ូតូសរុបចំនួន៧៤គ្រឿង ប៉ុន្តែម៉ូតូដែលមានឯកសារត្រឹមត្រូវ គឺមានតែ២៣គ្រឿងទេ ។ ដោយឡែករថយន្តវិញ មានសរុប១០គ្រឿង តែ២គ្រឿងអត់ឯកសារត្រឹមត្រូវ ។ បច្ចុប្បន្ន កម្លាំងកំពុងធ្វើការពិនិត្យ ដើម្បីរៀបចំឯកសារបញ្ជូនបន្តទៅខាងព្រហ្មទណ្ឌកម្រិតស្រាល ចាត់ការតាមច្បាប់បន្ត ។
គួរបញ្ជាក់ថា ទីតាំងឃ្លាំងកុងស៊ីបញ្ចាំអត់ច្បាប់មួយកន្លែង ស្ថិតក្នុងភូមិចុងថ្នល់ខាងលិច សង្កាត់ទឹកថ្លា ត្រូវបានអាជ្ញាធរខណ្ឌសែនសុខចុះត្រួតពិនិត្យ កាលពីវេលាម៉ោងប្រមាណ៤រសៀលថ្ងៃទី១៥ សីហា ហើយរកឃើញម៉ូតូប្រមាណជិត១០០គ្រឿង និងរថយន្ត១០គ្រឿង ដែលមួយចំនួនសង្ស័យជាយានយន្តល្មើសច្បាប់ ពុំមានឯកសារត្រឹមត្រូវ ។ ការចុះពិនិត្យឃ្លាំងកុងស៊ីនេះ បន្ទាប់ពីសាលារាជធានីភ្នំពេញ មានវិធានកាចំពោះកុងស៊ីបញ្ជាំអត់ច្បាប់ និងទទួលបញ្ចាំយានយន្តល្មើសច្បាប់ ដើម្បីពង្រឹងសន្តិសុខ។
ចែករំលែកព័តមាននេះ