រាជធានីភ្នំពេញ ៖ ម៉ូតូមួយគ្រឿង ជិះជាលក្ខណៈគ្រួសារ ប្តីប្រពន្ធ និងកូនតូច២នាក់ បានជិះឆ្លងផ្លូវខ្វះការប្រុងប្រយ័ត្ន ក៏ត្រូវបុរសម្នាក់បានជិះម៉ូតូមួយគ្រឿងទៀត ជ្រុលទៅបុកចំពាក់កណ្ដាលពេញទំហឹង បណ្តាលឲ្យមានអ្នករងរបួសធ្ងន់ម្នាក់ ហេតុការណ៍នេះបានកើតឡើងនៅវេលាម៉ោង០៩យប់ ថ្ងៃទី១៥ ខែសីហា ឆ្នាំ២០១៧ ចំណុចផ្លូវបេតុង ចូលកន្លែងចាក់សំរាមចាស់ កែងនឹងផ្លូវ២១៧ ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ ។
រាជធានីភ្នំពេញ ៖ ម៉ូតូមួយគ្រឿង ជិះជាលក្ខណៈគ្រួសារ ប្តីប្រពន្ធ និងកូនតូច២នាក់ បានជិះឆ្លងផ្លូវខ្វះការប្រុងប្រយ័ត្ន ក៏ត្រូវបុរសម្នាក់បានជិះម៉ូតូមួយគ្រឿងទៀត ជ្រុលទៅបុកចំពាក់កណ្ដាលពេញទំហឹង បណ្តាលឲ្យមានអ្នករងរបួសធ្ងន់ម្នាក់ ហេតុការណ៍នេះបានកើតឡើងនៅវេលាម៉ោង០៩យប់ ថ្ងៃទី១៥ ខែសីហា ឆ្នាំ២០១៧ ចំណុចផ្លូវបេតុង ចូលកន្លែងចាក់សំរាមចាស់ កែងនឹងផ្លូវ២១៧ ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ ។
តាមប្រភពព័ត៌មានពីកន្លែងកើតហេតុ បានអោយដឹងថា ៖ មុនពេលកើតហេតុ គេបានឃើញ ប្តីប្រពន្ធ និងកូនប្រុសស្រីតូច២នាក់ បានជិះម៉ូតូម៉ាកហុងដាឌ្រីម ស៊េរីឆ្នាំ២០១០ ពណ៌ខ្មៅ ពាក់ស្លាកលេខ ភ្នំពេញ ១AB-០៤៦២ បានធ្វើដំណើរតាមផ្លូវបេតុង ចេញពីច្រកចាក់សំរាមចាស់ ក្នុងទិសដៅត្បូងទៅជើង លុះមកដល់ចំណុចកើតហេតុ បានឆ្លងកាត់ទទឹងផ្លូវ ខណៈដែលឆ្លងបានពាក់កណ្តាលផ្លូវ ក៏ស្រាប់តែមានបុរសបីនាក់ បានជិះម៉ូតូមួយគ្រឿងម៉ាកស៊ុយសុគីនិច ពណ៌ស ពាក់ស្លាកលេខ ភ្នំពេញ ១GA-៧៦២៩ បានធ្វើដំណើរតាមផ្លូវ២១៧ ទិសដៅពីលិចទៅកើត ក្នុងល្បឿនលឿនដូចហោះ ព្រមទាំងខ្វះការប្រុងប្រយ័ត្នផងនោះ បានជ្រុលទៅបុកនឹងម៉ូតូដែលកំពុងតែជិះឆ្លងទទឹងផ្លូវ ចំពាក់កណ្តាលម៉ូតូពេញទំហឹង បណ្តាលឲ្យម្តាយរងរបួសជើងខាងឆ្វេងធ្ងន់ ចំណែកកូនតូច២នាក់ និងឪពុក រងរបួសរលាត់ដៃរលាត់ជើងស្រាល ចំណែកម៉ូតូរងការខូចខាតចំហៀងខាងឆ្វេង ។
ដោយឡែក ខាងម៉ូតូដែលជិះដោយបុរស៣នាក់ រងរបួសរលាត់ដៃរលាត់ជើងស្រាល
ចំណែកម៉ូតូរងការខូចខាត ខ្ទេចផ្នែកខាងមុខ ។ ក្រោយពេលកើតហេតុ ភាគីទាំងសងខាង សុំមិនឲ្យសមត្ថកិច្ចលូកដៃក្នុងរឿងនេះទេ ដោយពួកគេទាំងសងខាងសុខចិត្តយកទាំងម៉ូតូ និងមនុស្សទៅព្យាបាលរបួសនៅមន្ទីរពេទ្យមិត្តភាពខ្មែរ-សូវៀត ហើយសម្របសម្រួលគ្នានៅទីនោះ ៕
ចែករំលែកព័តមាននេះ