ជនជាតិចិនសាហា.វមែន ស្រវឹងជោកបើកបុកឡានអភិបាលខណ្ឌជ្រោយចង្វា…
រាជធានីភ្នំពេញ ៖ ជនជាតិចិនពីររូបដែលស្រវឹងជោកជាំ បានបើកឡានទៅបុករថយន្តឡិចស៊ីសចតស្ងៀមរបស់លោក ឃ្លាំង ហួត អភិបាលខណ្ឌជ្រោយចង្វា កាលពីវេលាម៉ោង
រាជធានីភ្នំពេញ ៖ ជនជាតិចិនពីររូបដែលស្រវឹងជោកជាំ បានបើកឡានទៅបុករថយន្តឡិចស៊ីសចតស្ងៀមរបស់លោក ឃ្លាំង ហួត អភិបាលខណ្ឌជ្រោយចង្វា កាលពីវេលាម៉ោង
រាជធានីភ្នំពេញ ៖ ជនជាតិចិនពីររូបដែលស្រវឹងជោកជាំបានបើកឡានទៅបុករថយន្តឡិចស៊ីសចតស្ងៀមរបស់លោក ឃ្លាំង ហួត អភិបាលខណ្ឌជ្រោយចង្វា កាលពីវេលាម៉ោង ៩:០០ នាទីយប់ ថ្ងៃទី ១៥ ខែសីហា នៅក្រុងភ្នំពេញ។
លោកអភិបាលខណ្ឌបានប្រាប់ឲ្យដឹងថា៖ «ចិនស្រវឹងជោកជាំនោះបើករថយន្តឡង់គ្រីស្ស័របុកឡានខ្ញុំនៅចតស្ងៀម ។ ទោះចិនក៏ត្រូវតែគោរពច្បាប់ស្រុកខ្មែរដែរ បើសិនជាមិនបានប៉ះឡានខ្ញុំទេ គេអាចបើកបុកមនុស្សបង្កជាគ្រោះថ្នាក់ ព្រោះពួកគេស្រវឹងខ្លាំងណាស់»។ លោកបានបន្តទៀតថា «រឿងហេតុនេះកើតឡើងវេលាម៉ោង៩យប់ នៅសណ្ឋាគារភ្នំពេញ ចិននោះបានបើកបរដោយភាពស្រវឹងជោកមកបុកឡានខ្ញុំចតនៅស្ងៀមធ្វើឱ្យខូចខាតគូទក្រោយ»។ ហើយជារៀងរាល់ល្ងាចលោកអភិបាលខណ្ឌតែងតែទៅត្រាំទឹកក្ដៅ ស្ទីម នៅសណ្ឋាគារភ្នំពេញជាប្រចាំ គឺរយៈពេល១៦ឆ្នាំហើយ។
លោកបានបញ្ជាក់ប្រាប់កោះសន្តិភាពថា៖ «ចំពោះរឿងរ៉ាវនេះ ខ្ញុំមិនគិតរឿងសំណងជាធំទេ គឺចង់ធ្វើតាមច្បាប់ ព្រោះរាល់ថ្ងៃជនជាតិបរទេសក៏ដូចជាខ្មែរ តែងតែបើកបរក្នុងភាពស្រវឹងបង្កភាពគ្រោះថ្នាក់ដល់អាយុជីវិត និងទ្រព្យសម្បត្តិជាច្រើន»។ ជនជាតិចិនទាំងពីររូបនោះ ក៏ត្រូវបានសមត្ថកិច្ចជំនាញនាំខ្លួន និងរថយន្ដទៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញផងដែរ៕
ចែករំលែកព័តមាននេះ