រាជធានីភ្នំពេញ ៖ រថយន្តលុចស៊ិស GX470 មួយគ្រឿង បើកបានបើកបត់ឆ្លងទទឹងផ្លូវ មិនប្រយ័ត្នក៏ត្រូវបុរសម្នាក់ជិះម៉ូតូមួយគ្រឿង ជ្រុលទៅបុកចំពាក់កណ្តាល ពេញទំហឹង បណ្តាលឲ្យអ្នកបើកហោះផ្លោងផ្ទប់នឹងកញ្ចក់រថយន្តរងរបួសធ្ងន់ កាលពីវេលាម៉ោង០៨និង៣០នាទីយប់ ថ្ងៃទី១៥ ខែសីហា ឆ្នាំ២០១៧ ទុលនឹងខ្លោងទ្វារចូលវត្តធុដុង្គចំការដូង ផ្លូវ២១៧ ភូមិថ្មី សង្កាត់ដង្កោ ខណ្ឌដង្កោ ។
រាជធានីភ្នំពេញ ៖ រថយន្តលុចស៊ិស GX470 មួយគ្រឿង បើកបានបើកបត់ឆ្លងទទឹងផ្លូវ មិនប្រយ័ត្នក៏ត្រូវបុរសម្នាក់ជិះម៉ូតូមួយគ្រឿង ជ្រុលទៅបុកចំពាក់កណ្តាល ពេញទំហឹង បណ្តាលឲ្យអ្នកបើកហោះផ្លោងផ្ទប់នឹងកញ្ចក់រថយន្តរងរបួសធ្ងន់ កាលពីវេលាម៉ោង០៨និង៣០នាទីយប់ ថ្ងៃទី១៥ ខែសីហា ឆ្នាំ២០១៧ ទុលនឹងខ្លោងទ្វារចូលវត្តធុដុង្គចំការដូង ផ្លូវ២១៧ ភូមិថ្មី សង្កាត់ដង្កោ ខណ្ឌដង្កោ ។
តាមប្រភពព័ត៌មានពីកន្លែងកើតហេតុ បានអោយដឹងថា ៖ មុនពេលកើតហេតុ គេបានឃើញ បុរសជនជាតិចិនម្នាក់ បានបើករថយន្តម៉ាកឡិចស៊ីស GX470 ពណ៌ស ពាក់ស្លាកលេខ ភ្នំពេញ ២AM-៩៥៨៨ បានធ្វើដំណើរតាមផ្លូវ២១៧ ក្នុងទិសដៅពីជើងទៅត្បូង ខណៈមកដល់ចំណុចកើត បានបត់ឆ្វេង ចូលតាមច្រកក្លោងទ្វារវត្ត ខណៈដែលឆ្លងបានពាក់កណ្តាលផ្លូវ ក៏ស្រាប់តែមានបុរសម្នាក់ បានជិះម៉ូតូម៉ាក់ស៊ុយសុគីស្ទេប ពណ៌សលាយខ្មៅ ពាក់ស្លាកលេខ ភ្នំពេញ ២W-៨៥៣២ បានធ្វើដំណើរតាមផ្លូវ២១៧ ក្នុងទិសដៅបញ្ច្រាស់ទិសដៅគ្នា ពីត្បូងទៅជើង ក្នុងល្បឿនលឿនដូចហោះ ព្រមទាំងខ្វះការប្រុងប្រយ័ត្នដូចគ្នា បានជ្រុលទៅបុករថយន្តចំពាក់កណ្តាលពេញទំហឹង បណ្តាលឲ្យអ្នកបើកម៉ូតូហោះផ្លោងផ្ទប់នឹងកញ្ចក់រថយន្ត រងរបួសរងរបួសរយះ.កហូរឈាមពេញផ្លូវ ហើយភ្លាមនោះដែរ ត្រូវបានរថយន្តសង្គ្រោះបានមកដឹកយកទៅសង្គ្រោះនៅមន្ទីរពេទ្យបង្អែកដង្កោ ឬឯម៉ូតូរងការខូចខាតខ្ទេចផ្នែកខាងមុខ ។
ដោយឡែកខាងរថយន្តវិញ រងការខូចខាតក្រពិតទ្វារចំហៀងខាងស្តាំ និងបែកកញ្ចក់ចំហៀងខាងស្តាំដូចគ្នា ហើយភ្លាមនោះដែរ អ្នកបើករថយន្តបានរត់គេចខ្លួនបាត់ស្រមោល ។ ក្រោយពេលកើតហេតុ រថយន្ត និងម៉ូតូ ត្រូវបានសមត្ថកិច្ច ធ្វើការវាស់វែងយកទៅរក្សាទុកនៅអធិការដ្ឋានខណ្ឌដង្កោ ដើម្បីធ្វើការដោះស្រាយ ៕
ចែករំលែកព័តមាននេះ