រាជធានីភ្នំពេញ ៖ បុរសជាអ្នករត់ម៉ូតូឌុបម្នាក់ ដឹកម៉ូយប៉ះចំចោរយកដំបងវាយពីក្រោយ បណ្ដាលឲ្យបែកមួកការពារសុវត្ថិភាព ដួលម៉ូតូរងរបួសធ្ងន់ ត្រូវជនសង្ស័យប្លន់យកម៉ូតូទៅបាត់ ដោយសុវត្ថិភាព កាលពីវេលាម៉ោង០៥ព្រឹក ថ្ងៃទី១៦ ខែសីហា ឆ្នាំ២០១៧ នៅចំណុចផ្លូវបេតុង ខ្លោងទ្វារវត្តតិក្ខប្បញ្ញោ ភូមិសំរោង សង្កាត់សំរោងក្រោម ខណ្ឌពោធិ៍សែនជ័យ ។
រាជធានីភ្នំពេញ ៖ បុរសជាអ្នករត់ម៉ូតូឌុបម្នាក់ ដឹកម៉ូយប៉ះចំចោរយកដំបងវាយពីក្រោយ បណ្ដាលឲ្យបែកមួកការពារសុវត្ថិភាព ដួលម៉ូតូរងរបួសធ្ងន់ ត្រូវជនសង្ស័យប្លន់យកម៉ូតូទៅបាត់ ដោយសុវត្ថិភាព កាលពីវេលាម៉ោង០៥ព្រឹក ថ្ងៃទី១៦ ខែសីហា ឆ្នាំ២០១៧ នៅចំណុចផ្លូវបេតុង ខ្លោងទ្វារវត្តតិក្ខប្បញ្ញោ ភូមិសំរោង សង្កាត់សំរោងក្រោម ខណ្ឌពោធិ៍សែនជ័យ ។
ជនរងគ្រោះមានឈ្មោះ នេត គុន ភេទប្រុស អាយុ៥២ឆ្នាំ ស្នាក់នៅភូមិជម្ពូវ័ន្ត សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅស្រុកកណ្តាលស្ទឹង ខេត្តកណ្ដាល ។ ម៉ូតូដែលត្រូវជនសង្ស័យវាយប្លន់យកទៅបាត់ម៉ាកហុងដាឌ្រីម ស៊េរ៊ី២០១៤ ពណ៌ខ្មៅ ពាក់ស្លាកលេខ ភ្នំពេញ ១CO-៥៨៧២ ។
តាមប្រភពព័ត៌មានពីជនរងគ្រោះ បាននិយាយថា ៖ មុនពេលកើតហេតុ រូបគាត់ជាអ្នករត់ម៉ូតូឌុប ត្រូវជនសង្ស័យហៅឲ្យឌុបពីជិតរោងចក្រប៊ីរី នៅភូមិជម្ពូវន្ត សង្កាត់ចោមចៅ ខណ្ឌពោធិ៍សែនជ័យ ទៅហាងផឹកស៊ីនៅជិតវត្តឈូកវ៉ា ក្នុងតំលៃ៨ពាន់រៀល បានជិះតាមបណ្តោយផ្លូវទំនប់កប់ស្រូវ លុះបើកមកដល់ចំណុចខ្លោងទ្វារវត្តតិក្ខប្បញ្ញោ បានបត់ចូលតាមខ្លោងវត្តដែលជាផ្លូវក្រហែងក្រហូងជិះបានយឺតៗ បានប្រមាណ៥ម៉ែត្រ ក៏ត្រូវជនសង្ស័យដែលអង្គុយលើម៉ូតូបានយកដំបងវាយពីក្រោយចំដៃផ្នែកខាងស្តាំជាច្រើនដំបង បណ្តាលឲ្យបែកមួកការពារសុវត្ថិភាព ធ្វើឲ្យដួលម៉ូតូ ហើយជនរងគ្រោះរងរបួសធ្ងន់ឈឺដៃផ្នែកខាងស្តាំលើកវាយតបមិនរួច ក៏ត្រូវជនសង្ស័យជិះចេញទៅបាត់ ។
ក្រោយកើតហេតុ ជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលសំរោងក្រោម ឲ្យសមត្ថកិច្ចជួយអន្តរាគមន៍ ៕
ចែករំលែកព័តមាននេះ