រឿងនេះ… ការពិត មិនមែនជាប៉ូលិសនោះទេ
រាជធានីភ្នំពេញ ៖ សេចក្តីរាយការណ៍បន្តថា ពាក់ព័ន្ធករណីទំនាស់មួយរហូតឈានដល់មានការផ្ទុះអាវុធ បណ្តាលឱ្យផ្លាតត្រូវចំស្ត្រីម្នាក់រងរបួស
រាជធានីភ្នំពេញ ៖ សេចក្តីរាយការណ៍បន្តថា ពាក់ព័ន្ធករណីទំនាស់មួយរហូតឈានដល់មានការផ្ទុះអាវុធ បណ្តាលឱ្យផ្លាតត្រូវចំស្ត្រីម្នាក់រងរបួស
រាជធានីភ្នំពេញ ៖ សេចក្តីរាយការណ៍បន្តថា ពាក់ព័ន្ធករណីទំនាស់មួយរហូតឈានដល់មានការផ្ទុះអាវុធ បណ្តាលឱ្យផ្លាតត្រូវចំស្ត្រីម្នាក់រងរបួស ឆ្លងតាមការស្រាវជ្រាវនៅថ្ងៃទី១៥ សីហា នេះ ជនបង្កគឺជាសមាសភាពយោធាម្នាក់ ប៉ុន្តែនៅពុំទាន់ដឹងនៅអង្គភាពណាពិតប្រាកដឡើយ ដោយអធិការដ្ឋានបាននិងកំពុងជំរុញការស្រាវជ្រាវបន្ថែម ដើម្បីស្វែងរកចាប់ជនបង្ក ដើម្បីអនុវត្តតាមច្បាប់ ។
គួររំលឹកថា កាលពីវេលាម៉ោង០២ និង៣០នាទីរំលងអធ្រាត្រថ្ងៃទី១៤ សីហា ស្ថិតត្រង់ចំណុចក្រុម៨ (លើផ្លូវរថភ្លើងជាតំបន់មិនរៀបរយ) ក្នុងភូមិចុងខ្សាច់ សង្កាត់ទួលសង្កែ បានកើតទំនាស់ដែលបង្កឡើងដោយជនសង្ស័យម្នាក់មិនស្គាល់ឈ្មោះ (គេចខ្លួនបាត់) បានជិះម៉ូតូម៉ាកធូដេមកទារលុយ10$ ពីម្ចាស់ទីតាំងហ្គេមបាញ់ត្រីម្នាក់ឈ្មោះសាំង ណារិទ្ទ អាយុ៣៦ឆ្នាំ ស្នាក់នៅផ្ទះជួលក្រុម១ ភូមិបាក់ទូក សង្កាត់ទួលសង្កែ ប៉ុន្តែត្រូវឈ្មោះសាំង ណារិទ្ទ ឱ្យតែ5ពាន់រៀល ទើបបណ្តាលឱ្យកើតមានការប៉ះសម្តីគ្នា។
ក្រោយមកជនបង្កនោះ បានដកអាវុធខ្លីមួយដើមម៉ាកk59 បាញ់ផ្ចុចនឹងដីមួយគ្រាប់ តែឈ្មោះសាំង ណារិទ្ទ បានស្ទុះទៅប្រតាយប្រតប់ជាមួយគ្នា និងជ្រុះអាវុធទៅដី ភ្លាមនោះជនបង្កក៏បានគេចខ្លួន ។ ក្រោយពីការផ្ទុះអាវុធហើយទើបដឹងថា បានផ្លាតត្រូវនារីម្នាក់ឈ្មោះញ៉ ចាន់ថា អាយុ២៥ឆ្នាំ ដែលកំពុងរើសអេតចាយក្បែរទីតាំងកើតហេតុខាងលើត្រូវចំខ្នងធ្លាយមកពោះ ។
ក្រោយពីទទួលបានព័ត៌មាននេះ កម្លាំងខណ្ឌ-ប៉ុស្តិ៍ បាននាំគ្នាចុះទៅដល់កន្លែងកើតហេតុ ដោយបញ្ជូនជនរងគ្រោះទៅមន្ទីរពេទ្យភ្លាមៗ ។ ម្ចាស់ទីតាំងហ្គេម ក៏ត្រូវបានឃាត់ខ្លួន និងដកហូត ១-អាវុធខ្លី១ដើមម៉ាកK៥៩លេខ៦៥៦៥ ។ ២-គ្រាប់កាំភ្លើង៥គ្រាប់។៣-សំបកបន្ទុះ១គ្រាប់ ៤-វិទ្យុទាក់ទង១គ្រឿង ។ គួររំលឹកទៀតថា ទីតាំងខាងលើនេះធ្លាប់ត្រូវបានអធិការដ្ឋានបង្ក្រាបម្តងរួចមកហើយ ប៉ុន្តែម្ចាស់នេះ នៅតែបន្តលួចបើកលេងនៅពេលយប់ទៀត ។
ចែករំលែកព័តមាននេះ