នាំយកអំណោយចែកជូនពលរដ្ឋ24គ្រួសារដែលរងគ្រោះដោយសារអគ្គិភ័យ
រាជធានីភ្នំពេញ ៖ កាលពីវេលារសៀលថ្ងៃទី១៤ ខែសីហា ឆ្នាំ២០១៧ លោក ពេជ្រ កែវមុនី
រាជធានីភ្នំពេញ ៖ កាលពីវេលារសៀលថ្ងៃទី១៤ ខែសីហា ឆ្នាំ២០១៧ លោក ពេជ្រ កែវមុនី
រាជធានីភ្នំពេញ ៖ កាលពីវេលារសៀលថ្ងៃទី១៤ ខែសីហា ឆ្នាំ២០១៧ លោក ពេជ្រ កែវមុនី អភិបាលខណ្ឌមានជ័យបានដឹកនាំក្រុមមន្ត្រីនាំយកអំណោយសង្គ្រោះបឋមសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចែកជូនបងប្អូនប្រជាពលរដ្ឋចំនួន២០គ្រួសារដែលរងគ្រោះ ដោយសារមហន្តរាយអគ្គិភ័យឆាបឆេះលំនៅឋានអស់គ្មានសល់ទាំងព្រឹកព្រលឹមថ្ងៃខែដដែល នៅក្បែរស្ថានីយ៍ប៊ូមទឹកបឹងទំពុន ក្នុងក្រុមទី៩ ភូមិត្នោតជ្រុំ៣ សង្កាត់បឹងទំពុន២ ខណ្ឌមានជ័យ ។
លោក ពេជ្រ កែវមុនី បានមានប្រសាសន៍ឱ្យដឹងថា អំណោយដែលបានចែកជូនបងប្អូននៅពេលនេះ ថ្វីត្បិតតែវាតិចតួចប្រាកដមែន ប៉ុន្តែវាក៏អាចដោះទុក្ខលំបាករបស់បងប្អូនទាំងអស់គ្នាបានមួយកម្រិតផងដែរ ខណៈដែលបងប្អូនជួបប្រទះបញ្ហាដែលមិនសមគួរនឹងកើតឡើងខាងលើ ។ លោកអភិបាលបន្ថែមថា ការចែកជូនបងប្អូននៅពេលនេះដែរ គឺមិនមានជាប់ពាក់ព័ន្ធទៅនឹងនិន្នាការនយោបាយ ឬក៏ចែកជូនដោយប្រកាន់បក្សពួកនោះឡើយ គឺចែកជូនដោយមើលឃើញពីសុខទុក្ខក៏ដូចជាទុក្ខលំបាករបស់បងប្អូនប្រាកដមែន ។
សូមបញ្ជាក់ថា អំណោយដែលត្រូវចែកជូនក្នុងមួយគ្រួសារៗទទួលបាន អង្ករ១ប៉ាវ៥០គីឡូក្រាម, មី១កេស, ទឹកសុទ្ធ១យួរ, ទឹកត្រី១យួរ, ឃីត១ឈុត និងថវិកា២ម៉ឺនរៀលផងដែរ ៕
ចែករំលែកព័តមាននេះ