ឈើប្រណីតជាង50កំណាត់លាក់ទុកបម្រុងលោតឆត្រលក់ទៅវៀតណាម
ខេត្តរតនគិរី ៖ គំនរឈើប្រណីតចំរុះប្រភេទឈើសុក្រំ គគី និងកកោះ ប្រមាណជាង៥០កំណាត់ត្រូវបានកងរាជហត្ថស្រុកអូរយ៉ាដាវប្រទះ
ខេត្តរតនគិរី ៖ គំនរឈើប្រណីតចំរុះប្រភេទឈើសុក្រំ គគី និងកកោះ ប្រមាណជាង៥០កំណាត់ត្រូវបានកងរាជហត្ថស្រុកអូរយ៉ាដាវប្រទះឃើញនៅត្រង់ចំណុចមាត់អូរត្រាយ ស្ថិតនៅភូមិពាក់ ឃុំយ៉ាងទុង ស្រុកអូរយ៉ាដាវ ខេត្តរតនគិរី ។ ប្រតិបត្តិការណ៍ចុះបង្ក្រាប និងរឹបអូសឈើប្រណិតខាងលើនេះគឺធ្វើឡើងនៅវេលាម៉ោង១២និង៣០នាទីថ្ងៃទី១៤ ខែសីហា ឆ្នាំ២០១៧ ។
ស្ថិតនៅក្នុងភូមិ-ឃុំខាងលើដែលដឹកនាំដោយលោក សុខ មីន មេបញ្ជាការកងរាជអាវុធហត្ថស្រុកអូរយ៉ាដាវ និងមានការចូលរួមពីលោក ស៊ីម លីន អភិបាលរងស្រុកអូរយ៉ាដាវ និងជាប្រធានគណៈកម្មាការបង្ក្រាបបទល្មើសព្រៃឈើ ។ មានចំងាយពីភូមិពាក់ប្រមាណជាង២០០ម៉ែត្រប៉ុណ្ណោះដែលឈ្មួញមិនស្គាល់មុខដឹកជញ្ជូនទៅលាក់ទុកបម្រុងនាំចេញទៅលក់នៅប្រទេសវៀតណាម ។ កម្លាំងចម្រុះបានធ្វើការរឹបអូសឈើទាំងនោះមករក្សាទុកនៅសាលាស្រុកអូរយ៉ាដាវធ្វើកំណត់ហេតុប្រគល់ជូនជំនាញវាស់វែងចាត់ការតាមច្បាប់ព្រៃឈើ ៕
ចែករំលែកព័តមាននេះ