ល្បឿនរថយន្តដឹកគ្រញូងលោតឆត្រព្រលះអ្នកជិះម៉ូតូស្លា.ប់2នាក់(មានវីដេអូ)
ខេត្តកំពង់ធំ ៖ ឧប្បត្តិហេតុនេះបានកើតឡើងកាលពីវេលាម៉ោង៨និង២០នាទីយប់ថ្ងៃទី១៤ ខែសីហា ឆ្នាំ២០១៧
ខេត្តកំពង់ធំ ៖ ឧប្បត្តិហេតុនេះបានកើតឡើងកាលពីវេលាម៉ោង៨និង២០នាទីយប់ថ្ងៃទី១៤ ខែសីហា ឆ្នាំ២០១៧
ខេត្តកំពង់ធំ ៖ ឧប្បត្តិហេតុនេះបានកើតឡើងកាលពីវេលាម៉ោង៨និង២០នាទីយប់ថ្ងៃទី១៤ ខែសីហា ឆ្នាំ២០១៧ នៅលើកំណាត់ផ្លូវជាតិលេខ៦ ផ្លូវវាងក្រុងស្ទឹងសែនស្ថិតក្នុងភូមិព្រៃតាហ៊ូ សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ ។
លោកវរសេនីយ៍ទោ ញ៉ែម ឈុនលី អធិការនគរបាលក្រុងបានប្រាប់ កោះសន្តិភាព ថាបើយោងតាមប្រភពព័ត៌មានពីកន្លែងកើតហេតុប្រាប់ថា នៅមុនពេលកើតហេតុគេឃើញរថយន្តម៉ាកឡិចស៊ីស៤៧០ ពណ៌ខ្មៅឆ្នូតទឹកប្រាក់ ពាក់ស្លាកលេខ ភ្នំពេញ ២I-០៧៣០ បើកបរក្នុងល្បឿនយ៉ាងលឿនក្នុងទិសដៅពីខាងខេត្តសៀមរាបទៅភ្នំពេញ លុះមកដលចំណុចកើតហេតុខាងលើរថយន្តក៏បានបុកម៉ូតូសេ១២៥ ពណ៌ខ្មៅ ស៊េរីឆ្នាំ២០១៣ ពាក់ស្លាកលេខ កំពង់ធំ ១E-៤៧៣៤ យ៉ាងពេញទំហឹងអូសម៉ូតូប្រហែល២០០ម៉ែត្រ ខណៈជនរងគ្រោះជិះម៉ូតូឌុបគ្នាឆ្លងថ្នល់បណ្តាលឲ្យមនុស្សម្នាក់ស្លាប់ភ្លាមៗនៅនឹងកន្លែងកើតហេតុ និងម្នាក់ទៀតស្លាប់នៅពេលបញ្ជូនទៅសង្គ្រោះនៅមន្ទីរពេទ្យ៥១៥ បន្ទាប់ពីបង្កហេតុរួចអ្នកបើកបររថយន្តរត់គេចខ្លួនបាត់ទាំងយប់បន្សល់ជនរងគ្រោះស្លាប់យ៉ាងអាណោចអាធម៌នៅលើដងផ្លូវ ។
ជនរងគ្រោះទី១អ្នកបើកម៉ូតូឈ្មោះ នឿន នេត ភេទប្រុស អាយុ១៧ឆ្នាំ រស់នៅភូមិពាមគ្រែង ឃុំក្តីដូង ស្រុកកំពង់ស្វាយ (ស្លាប់នៅនឹងកន្លែងកើតហេតុ) និងទី២អ្នករួមដំណើរជាមួយឈ្មោះ សុន ប៊ុនស៊ើប ភេទប្រុស អាយុ១៨ឆ្នាំ រស់នៅភូមិបូពឹង ឃុំកំពង់គោ ស្រុកកំពង់ស្វាយ (ស្លាប់នៅពេលបញ្ជូនទៅមន្ទីរពេទ្យ) ។
ក្រោយពេលកើតហេតុលោក អ៊ិត សុធា ព្រះរាជអាជ្ញាអមសាលាដំបូងខេត្ត និងលោកឧត្តមសេនីយ៍ត្រី អ៊ុក កុសល ស្នងការនគរបាលខេត្តបានចុះទៅដល់កន្លែងកើតហេតុបញ្ជាឲ្យសមត្ថកិច្ចស្ទូករថយន្តដឹកគ្រញូង និងម៉ូតូជនរងគ្រោះទៅរក្សាទុកនៅផ្នែករដ្ឋបាលព្រៃឈើស្ទោង ។ លុះព្រឹកឡើងថ្ងៃ១៥ ខែសីហា ឆ្នាំ២០១៧ នេះសមត្ថកិច្ចជំនាញបានធ្វើការវាស់វែងឈើគ្រញូងនៅក្នុងរថយន្តមានចំនួន១២៨ដុំ ស្មើនឹង១.២១១ម៉ែត្រគូប ដើម្បីចាត់ការតាមផ្លូវច្បាប់ ចំណែករថយន្ត និងម៉ូតូត្រូវបានប្រគល់ឲ្យខាងនគរបាលចរាចរណ៍យកទៅរក្សាទុក ៕
ចែករំលែកព័តមាននេះ