រាជធានីភ្នំពេញ ៖ បុរសជាជនសង្ស័យម្នាក់ ក្នុងចំណោមបក្ខពួកគ្នាពីរនាក់ ត្រូវបានប្រជាពលរដ្ឋដេញចាប់បាន នាំគ្នាចោមរោមវាយម្នាក់មួយដៃមួយជើង បែកមុខបែកមាត់ហូរឈាមស្រោចពេញខ្លួន ខណៈដែលរូបគេ និងបក្ខពួកធ្វើសកម្មភាពលួចយកម៉ូតូម៉ាកនិចមួយគ្រឿង បានហើយនាំគ្នាបណ្តើរចេញបានជាង១០០ម៉ែត្រ ម្ចាស់គេឃើញទាន់ និងស្រែកថា <<ចោរៗ>> ។
រាជធានីភ្នំពេញ ៖ បុរសជាជនសង្ស័យម្នាក់ ក្នុងចំណោមបក្ខពួកគ្នាពីរនាក់ ត្រូវបានប្រជាពលរដ្ឋដេញចាប់បាន នាំគ្នាចោមរោមវាយម្នាក់មួយដៃមួយជើង បែកមុខបែកមាត់ហូរឈាមស្រោចពេញខ្លួន ខណៈដែលរូបគេ និងបក្ខពួកធ្វើសកម្មភាពលួចយកម៉ូតូម៉ាកនិចមួយគ្រឿង បានហើយនាំគ្នាបណ្តើរចេញបានជាង១០០ម៉ែត្រ ម្ចាស់គេឃើញទាន់ និងស្រែកថា <<ចោរៗ>> ។
ហេតុការណ៍នេះ បានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង០៦និង៣០នាទីព្រឹក ថ្ងៃទី១៥ ខែសីហា ឆ្នាំ២០១៧ នៅចំណុចផ្លូវលេខ៩០កែងនិងផ្លូវលេខ៤៧ ក្នុងសង្កាត់ស្រះចក ខណ្ឌដូនពេញ ។
តាមប្រភពព័ត៌មានពីនគរបាល បានប្រាប់ឱ្យដឹងថា ៖ បុរសជនសង្ស័យ ដែលបានឃាត់ខ្លួនមានឈ្មោះ ងួន ចាន់ថន អាយុ២៨ឆ្នាំ មុខរបរមិនពិតប្រាកដ ស្នាក់នៅផ្ទះជួល ក្នុងសង្កាត់ទួលសង្កែ ខណ្ឌឬស្សីកែវ រាជធានីភ្នំពេញ ។
ជនរងគ្រោះមានឈ្មោះ ឡេង សុខុម អាយុ១៩ឆ្នាំ មុខរបរបុគ្គលិកភោជនីយដ្ឋាន ស្នាក់នៅចំណុចកើតហេតុខាងលើ ។ មុនពេលកើតហេតុ នារីរងគ្រោះ បានចតម៉ូតូម៉ាកនិច ពណ៌ស (បិទស្កុតព៌ណខៀវ) ពាក់ស្លាកលេខ ភ្នំពេញ ១BQ-៩៤៦៣ មួយគ្រឿង ដោយចាក់សោ.កត្រឹមត្រូវ ទុកនៅខាងមុខផ្ទះរបស់ខ្លួន ពេលនោះក៏ស្រាប់តែបានឮសំឡេង ដោយមានការសង្ស័យ នាងក៏បានរត់ចេញពីក្នុងផ្ទះមករកមើលមិនឃើញម៉ូតូរបស់ខ្លួន ។
តាមប្រភពដដែល ក៏បានប្រាប់បន្តទៀតថា ពេលនោះនាងក៏បានរត់ចេញមកក្រៅក៏ស្រាប់តែបានប្រទះឃើញបុរសជាជនសង្ស័យចំនួន២នាក់ កំពុងតែនាំគ្នាបណ្តើរម៉ូតូរបស់នាងយកទៅបានជាង១០០ម៉ែត្រទៅហើយ នាងក៏រត់ដេញតាម និងស្រែកថា <<ចោរៗ>> ធ្វើឲ្យមានការភ្ញាក់ផ្អើលកើតឡើងទៅដល់ក្រុមប្រជាពលរដ្ឋ ដែលនៅក្បែរខាងនាំគ្នាជួយដេញចាប់បានម្នាក់ វាយបែកមុខបែកមាត់ហូរឈាមស្រោចពេញខ្លួន ទើបប្រគល់ឲ្យកម្លាំងមានសម្ថកិច្ច និងម្នាក់ទៀតរត់គេចខ្លួនបាត់ស្រមោល ។
ក្រោយពេលកើតហេតុ កម្លាំងមានសម្ថកិច្ច ក៏បានប្រគល់ម៉ូតូមួយគ្រឿងខាលលើទៅឱ្យនារីរងគ្រោះវិញ ចំណែកឯបុរសជាជនសង្ស័យ រួមទាំងឧបករណ៍កាច់.កម៉ូតូចំនួនមួយ ត្រូវបាននាំខ្លួនយកទៅកាន់នគរបាលប៉ុស្តិ៍ស្រះចក ដើម្បីធ្វើការសាកសួរ និងកំណត់ហេតុបញ្ជូនទៅកាន់អធិការដ្ឋាននគរបាលខណ្ឌដូនពេញ ចាត់ការទៅតាមផ្លូវច្បាប់ជាបន្តទៅទៀត ៕
ចែករំលែកព័តមាននេះ