ពិធីប្រកាសផ្ទេរចូលកាន់មុខតំណែងប្រធានពន្ធនាគារ
ខេត្តរតនគិរី ៖ រសៀលថ្ងៃទី១៤ ខែសីហា ឆ្នាំ២០១៧ នៅសាលប្រជុំសាលាខេត្តរតនគីរី មានរៀបចំពិធីប្រកាសផ្ទេរចូលកាន់មុខតំណែងប្រធានពន្ធនាគារខេត្ត នៃអគ្គនាយកដ្ឋានពន្ធនាគារ ក្រសួងមហាផ្ទៃ ។
ខេត្តរតនគិរី ៖ រសៀលថ្ងៃទី១៤ ខែសីហា ឆ្នាំ២០១៧ នៅសាលប្រជុំសាលាខេត្តរតនគីរី មានរៀបចំពិធីប្រកាសផ្ទេរចូលកាន់មុខតំណែងប្រធានពន្ធនាគារខេត្ត នៃអគ្គនាយកដ្ឋានពន្ធនាគារ ក្រសួងមហាផ្ទៃ ។
ពិធីនេះប្រព្រឹត្តទៅក្រោមអធិបតីភាព ឯកឧត្តម អគារនុរក្សថ្នាក់១ សត្តិបណ្ឌិត ចាន់ គឹមសេង អគ្គនាយក នៃអគ្គនាយកដ្ឋានពន្ធនាគារ ក្រសួងមហាផ្ទៃ និងឯកឧត្តម ញ៉ែម សំអឿន អភិបាលរងខេត្ត តំណាងឯកឧត្តម ថង សាវុន អភិបាលខេត្ត ។
យោងតាមប្រកាសរបស់ក្រសួងមហាផ្ទៃ ស្តីពីកាតផ្ទេរភារកិច្ច និងតែងតាំងមន្ត្រីរាជការ សម្រេចត្រូវបានផ្ទេរភារកិច្ច លោកឧត្តមអគារនុរក្សថ្នាក់លេខ៣ អ៊ុក គឹមជន ពីប្រធានមណ្ឌលអប់រំកែប្រែទី៤ ឲ្យទៅកាន់មុខតំណែងជាប្រធានពន្ធនាគារខេត្តរតនគិរី ។ ផ្ទេរភារកិច្ច លោកឧត្តមអគ្គរនុរក្សថ្នាក់លេខ៣ ទីន សុវណ្ណនី ពីប្រធានពន្ធនាគារខេត្តរតនគិរី ឲ្យមកកាន់មុខតំណែងជាអនុប្រធាននាយកដ្ឋានសន្តិសុខពន្ធនាគារ នៃអគ្គនាយកដ្ឋានពន្ធនាគារក្រសួងមហាផ្ទៃ ។
លោកឧត្តមអគារនុរក្ស អ៊ុក គឹមជុន ដែលទើបប្រកាសចូលកាន់មុខតំណែងជាប្រធានពន្ធនាគារខេត្តរតនគិរី បាបប្តេជ្ញាថា ការទទួលបានមុខតំណែងថ្មីនាពេលនេះ គឺជាឱកាសឲ្យលោកបានរៀនសូត្រដកស្រង់បទពិសោធការងារល្អៗ សម្រាប់បង្កើនសមត្ថភាពផង និងចូលរួមចំណេកចំណេះដឹង និងបទពិសោធការងារដែលខ្លួនធ្លាប់មានកន្លងមក ផ្តល់ជូនថ្នាក់ដឹកនាំ និងមន្ត្រីពន្ធនាគារនៅក្នុងរូបភាព ដើម្បីរួមគ្នាអនុវត្តឲ្យបានជោកជ័យ នូវភារកិច្ច ដែលថ្នាក់ដឹកនាំអគ្គនាយកពន្ធនាគារ និងក្រសួងមហាផ្ទៃរ ប្រគល់ជូន ។
លោក អ៊ុក គឹមជុន ប្តេជ្ញា គោរពអនុវត្តឲ្យបានត្រឹមត្រូវតាមបទវិន័យ និងក្រមសីលធម៌មន្ត្រីពន្ធនាគារ ចូលរូមសហការអនុវត្តតួនាទីភារកិច្ច បង្កើនសាមគ្គីភាពផ្ទៃក្នុងអង្គភាពពន្ធនាគារ និងជាមួយអង្គភាពពាក់ព័ន្ធ ដើម្បីធានាសន្តិសុខ សវត្ថិភាព ដើម្បីអនុវត្តការអប់រំស្តានីតិសម្បទាជនជាប់ឃុំ និងលើកស្ទួយការអភិវឌ្ឍន៍អង្គភាព ស្របតាមគោលការរបស់ក្រសួងមហាផ្ទៃ អគ្គនាយកដ្ឋានពន្ធនាគារ និងគណៈអភិបាលខេត្ត ។
ឯកឧត្តម ញ៉ែម សំអឿន អភិបាលរងខេត្ត និងឯកឧត្តម ចាន់ គឹមសេង បានលើកឡើងថា ការផ្ទេរចូលកាន់តំណែងប្រធានពន្ធនាគារខេត្តរតនគីរីនាពេលនេះ គឺមានលក្ខណៈសមស្រប ហើយការផ្លាស់ប្តូរផ្ទេរ ឬសម្រួលភារកិច្ចរបស់មន្ត្រីរាជការ គឺជាកិច្ចការដែលមានចែងក្នុងច្បាប់ លិខិតបទដ្ឋានគតិយុត្ត និងមានគោលបំណងដើម្បីផ្លាស់ប្តូរចែករំលែកដកស្រង់បទពិសោធការងារ ពីកន្លែងការងារមួយទៅកន្លែងការងារមួយ ឬពីមន្ត្រីម្នាក់ទៅមន្ត្រីម្នាក់ ធ្វើយ៉ាងណាធានាការគ្រប់គ្រងស្ថាប័ននីមួយៗ ប្រកបដោយសក្តានុពល និងប្រសិទ្ធិភាពកាន់តែប្រសើរបន្ថែមទៀត ។
ឯកឧត្តម ញ៉ែម សំអឿន និងឯកឧត្តម ចាន់ គឹមសេង បានផ្តាំផ្ញើដល់ប្រធានពន្ធនាគារខេត្តរតនគីរី ដែលចូលកាន់តំណែងថ្មី ត្រូវខិតខំរៀនសូត្រ អនុវត្តតាមគំរូល្អៗរបស់ថ្នាក់ដឹកនាំពន្ធនាគារមុនៗ ដើម្បីបន្តដឹកនាំគ្រប់គ្រងអង្គភាពអោយមានសន្តិសុខ សុវត្ថិភាព និងអនុវត្តការងារអប់រំស្តានីតិសម្បទាជនជាប់ឃុំកែប្រែខ្លួនបានជាពលរដ្ឋល្អ ក្នុងសង្គម ជាពិសេសត្រូវមានការច្នៃប្រឌិតជួយអភិវឌ្ឍន៍ កសាងអង្គភាពឲ្យកាន់តែរីកចម្រើនថែមទៀត ដើម្បីរួមចំណែកសម្រេចឲ្យបានគោលដៅផែនការយុទ្ធសាស្ត្ររបស់អគ្គនាយកដ្ឋានពន្ធនាគារក្រសួងមហាផ្ទៃ ៕
ចែករំលែកព័តមាននេះ