ខេត្តកំពត ៖ សេចក្តីរាយការណ៍បឋមឱ្យដឹងថា មានករណីឆេះទូអេធីអឹមរបស់ធនាគារមួយ ដោយខាតបង់អស់រាប់ម៉ឺនដុល្លារ បន្ទាប់ពីមានចោរមួយក្រុមធ្វើសកម្មភាពយកធុងហ្គាសមកផ្លុំប៉ុនប៉ងលួចប្រាក់ពីក្នុងទូអេធីអឹមនោះ ក៏ប៉ុន្តែសកម្មភាពពួកគេធ្វើមិនបានសំរេច ស្រាប់តែឆេះទូនោះតែម្ដង ។ ហេតុការណ៍នេះ កើតឡើងកាលពីវេលាម៉ោង០៣ទៀបថ្ងៃទី១៥ សីហា ស្ថិតលើផ្លូវចូលផ្សារក្ដាម ក្នុងភូមិថ្មី សង្កាត់ព្រៃធំ ក្រុងកែបខេត្តកែប ។
បើលោកវរសេនីទោ សូង ស៊ិន អធិការនគរបាលក្រុងបានឱ្យដឹងបន្ថែមថា ក្រុមមិនស្គាល់មុខនោះ បានធ្វើសកម្មភាពយកធុងហ្គាសមកផ្លុំដើម្បីយកប្រាក់ក្នុងទូអេធីអឹម ដែលកើតឡើងក្នុងចន្លោះម៉ោង៣យប់ទៀបភ្លឺថ្ងៃទី១៥ សីហា ។ ប៉ុន្តែមិនដឹងថា ផ្លុំហ្គាសនោះយ៉ាងម៉េចនោះទេ បានជាហ្គាសនោះត្រូវឆ្លងឆេះបែបនេះ និងឆេះប្រាក់ខ្ទេចខ្ទីតែម្តង ។
លោកបន្តថា បច្ចុប្បន្ន កម្លាំងនគរបាលកំពុងតែធ្វើការពិនិត្យយ៉ាងយកចិត្តទុកដាក់បំផុត ដើម្បីវែកមុខជនដៃដល់ ។ បើតាមអ្នកដែលមកចោមរោមមើល នៅតែអះអាងថា ក្រុមចោរពិតជាមានជំនាញ ព្រោះមុនធ្វើសកម្មភាពក្រុមចោ បានយកកំប៉ុងថ្នាំពណ៌ខ្មៅបាញ់កាម៉ារ៉ាសុវត្ថិភាពបាត់ទៀត ។
ចែករំលែកព័តមាននេះ