សម្តេចតេជោ ៖ គ្មានការបង្ហូរឈាមជាមួយឡាវ ជារឿងដែល …
រាជាធានីភ្នំពេញ៖ ការចរចាដោយសន្តិវិធី ដើម្បីបញ្ជៀសការបង្ហូរឈាមតាមព្រំដែន គឺជាជម្រើសដ៏ត្រឹមត្រូវបំផុត។ នេះជាការលើកឡើងរបស់សម្តេចតេជោ ហ៊ុន សែន នាយករដ្ឋមន្ត្រីនៃ
រាជាធានីភ្នំពេញ៖ ការចរចាដោយសន្តិវិធី ដើម្បីបញ្ជៀសការបង្ហូរឈាមតាមព្រំដែន គឺជាជម្រើសដ៏ត្រឹមត្រូវបំផុត។ នេះជាការលើកឡើងរបស់សម្តេចតេជោ ហ៊ុន សែន នាយករដ្ឋមន្ត្រីនៃ
រាជាធានីភ្នំពេញ៖ ការចរចាដោយសន្តិវិធី ដើម្បីបញ្ជៀសការបង្ហូរឈាមតាមព្រំដែន គឺជាជម្រើសដ៏ត្រឹមត្រូវបំផុត។ នេះជាការលើកឡើងរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី១៥ ខែសីហា ឆ្នាំ២០១៧នេះ។
ការថ្លែងពីសារសំខាន់នៃការចរចាដោយសន្តិវិធីជាមួយឡាវ គឺត្រឹមមួយថ្ងៃ បន្ទាប់ពីព្រមានជាសាធារណៈថា នឹងចាប់ខ្លួនអ្នកណាក៏ដោយ ដែលដោយចោទប្រកាន់ថាដំណោះស្រាយដោយសន្តិវិធីជាមួយប្រទេសឡាវ ពាក់ព័ន្ធនឹងការបញ្ជួនកងទ័ពចូលដីខ្មែរខុសច្បាប់ជារឿងនយោបាយ ដែលបក្សកាន់អំណាចចំណេញសន្លឹកឆ្នោត។
សម្តេចតេជោ បានសរសេរសារក្នុងហ្វេសប៊ុកផ្លូវការរបស់សម្តេចនៅព្រឹកថ្ងៃទី១៥ ថា ៖ «ប្រជាពលរដ្ឋរស់នៅសុខសាន្ត ព្រោះយើងមានប្រមុខដឹកនាំដែលយល់ច្បាស់អំពីតម្លៃសន្តិភាពដែលតែងតែរួមសុខរួមទុក្ខជាមួយប្រជាពលរដ្ឋគ្រប់កាលៈទេសៈទាំងអស់។ ដំណោះស្រាយសន្តិភាពរបស់សម្តេចតេជោ ហ៊ុន សែន ជាមួយប្រទេសឡាវដោយគ្មានការបង្ហូរឈាមកាលពីពេលថ្មីៗនេះ គឺបានបង្ហាញច្បាស់នូវសុច្ឆន្ទៈដ៏ល្អរបស់កម្ពុជា»។
សម្តេចតេជោ សែន «បានចាត់ទុកការចរចាដោយសន្តិវិធី គឺជាដំណោះស្រាយដ៏ល្អបំផុត» ដែលរក្សាបាននូវចំណងមិត្តភាព និងសហប្រតិបត្តិការយូរអង្វែងសម្រាប់ប្រជាជាតិទាំងពីរ។ គុណធម៌ និងការទទួលខុសត្រូវប្រកបទស្សនៈវិស័យដឹកនាំច្បាស់លាស់នេះហើយដែលបានធ្វើឱ្យសម្តេចតេជោ ក្លាយជាមេដឹកនាំដ៏មានឥទ្ធិពលម្នាក់នៅក្នុងតំបន់។ សម្តេចក៏បានបង្ហាញការអរគុណកងកម្លាំងប្រដាប់អាវុធគ្រប់ប្រភេទ និងប្រជាពលរដ្ឋខ្មែរដែលបានគាំទ្រ និងចូលរួមក្នុងការថែរក្សាការពារសន្តិភាព ដើម្បីយើងទាំងអស់គ្នាកាន់តែមានឱកាសអភិវឌ្ឍន៍ប្រទេសជាតិឱ្យរីកចម្រើនទៅមុខ។
សូមបញ្ជាក់ថា ថ្មីៗនេះមានអ្នកវិភាគមួយចំនួនបានលើកឡើងថា យុទ្ធសាស្ត្ររបស់សម្តេចតេជោ ដែលបានទៅចរចាជាមួយនាយករដ្ឋមន្ត្រីឡាវ និងការចល័តទ័ពទៅព្រំដែន គឺជាអ្វីដែលគណបក្សប្រជាជនធ្លាប់បានធ្វើនៅឆ្នាំ២០០៨ ជាមួយថៃ ដែលនាំឲ្យបក្សកាន់អំណាចទទួលបានអាសន្នៈដល់ទៅ៩០ អាសន្នៈនៅរដ្ឋសភា៕
ចែករំលែកព័តមាននេះ