ប្រជាពលរដ្ឋមានការធុញទ្រាន់នឹងទីតាំងសត្តឃាត
ខេត្តព្រះសីហនុ ៖ ក្រុមប្រជាពលរដ្ឋជាច្រើនគ្រួសារ ដែលមានទីលំនៅជុំវិញទីសត្តឃាត ក្រុងព្រះសីហនុ ដែលមានទីតាំងស្ថិតក្នុងសង្កាត់លេខ៤
ខេត្តព្រះសីហនុ ៖ ក្រុមប្រជាពលរដ្ឋជាច្រើនគ្រួសារ ដែលមានទីលំនៅជុំវិញទីសត្តឃាត ក្រុងព្រះសីហនុ ដែលមានទីតាំងស្ថិតក្នុងសង្កាត់លេខ៤
ខេត្តព្រះសីហនុ ៖ ក្រុមប្រជាពលរដ្ឋជាច្រើនគ្រួសារ ដែលមានទីលំនៅជុំវិញទីសត្តឃាត ក្រុងព្រះសីហនុ ដែលមានទីតាំងស្ថិតក្នុងសង្កាត់លេខ៤ ក្រុងព្រះសីហនុ(ក្នុងមន្ទីរកសិកម្មខេត្ត)បានរិះគន់ទៅលើលោក កែ ផា ប្រធានមន្ទីរកសិកម្មដោយបានសម្តែងការខឹងសម្បា និងបានអាពាវនាវឲ្យអាជ្ញាធរពាក់ព័ន្ធ ជួយដោះស្រាយលើបញ្ហានេះផង ព្រោះនៅពេលកណ្តាលយប់ពួកគាត់មានការរំខានយ៉ាងខ្លាំង ដោយសារសំឡេងសត្វ ចេញពីទីសត្តឃាត។ លោក លី ជាប្រជាពលរដ្ឋម្នាក់ក្នុងចំណោមប្រជាពលរដ្ឋ ដែលមានលំនៅដ្ឋានក្បែរ ទីសត្តឃាត បានបញ្ចេញទស្សនៈថា សព្វថ្ងៃនេះពួកគាត់មានការលំបាករស់នៅយ៉ាងខ្លាំងនៅពេលពាក់កណ្តាលយប់ ខណៈពេលពួកគាត់លង់លក់ក្នុងដំណេកយ៉ាងស្កប់ស្កល់នោះ។
ប៉ុន្តែត្រូវបានរំខានដោយសារសំឡេងជ្រូក គោ ចេញពីទីសត្តឃាត ដោយក្រុមអ្នកសម្លាប់ជ្រូក គោ នោះ ពុំយល់ពីអារម្មណ៍របស់ពួកគាត់ឡើយ។ ប្រភពដដែលបានបន្តថា ចំពោះមុខរបរ របស់ក្រុមអ្នកកាប់ជ្រូក គោ ពួកគាត់ពុំបានឈ្នានីសនោះទេ ប៉ុន្តែដើម្បីផលប្រយោជន៍ខ្លួនឯង ធ្វើយ៉ាងណាកុំឲ្យប៉ះពាល់ដល់អ្នក ដទៃ ព្រោះពលរដ្ឋទាំងអស់សុទ្ធតែមានសិទ្ធិរស់នៅដូចៗគ្នា មានការងាររៀងៗខ្លួន។ ចុះបើខ្លួនអ្នកវិញ នៅពេលសម្រាន្តលង់លក់ ហើយមានអ្នកផ្សេងមករំខានដំណេក តើអ្នកមានអារម្មណ៍យ៉ាងណាដែរ។ លើសពីនេះទៀតទីសត្តឃាតនេះ ក៏បានបញ្ចេញនូវក្លិនស្អុយអសោចពីលាមកសត្វ ដែលបានបង្ហូរចូល អូរក្បែរនោះផងដែរ។ ហេតុនេះក្នុងនាមពលរដ្ឋទាំងអស់សូមអំពាវនាវដល់អាជ្ញាធរដែនដី គ្រប់ជាន់ថ្នាក់ មេត្តាជួយដោះស្រាយលើបញ្ហានេះផង ព្រោះពួកគាត់សុទ្ធតែជាអ្នកប្រកបរបរពេលថ្ងៃ ត្រូវការសម្រាក ពេលយប់។
តែបើពេលយប់ពុំបានសម្រាកបែបនេះ តើពួកគាត់រស់នៅម្តេចនឹងកើត សូមយល់ពីអារម្មណ៍មួយនេះផង។ ឆ្លើយតបទៅនឹងបញ្ហាទាំងនេះលោក កែ ផា ប្រធានមន្ទីកសិកម្មបានថ្លែងបញ្ជាក់ថា ចំពោះបញ្ហាទាំងនេះ លោកពុំអាចធ្វើអ្វីឲ្យហួសពីការសម្របសម្រួលជាមួយម្ចាស់អាជីវកម្ម កាប់ជ្រូក កាប់គោ ទេ ព្រោះទីតាំងនេះ មានពីយូរយាណាស់មកហើយ មិនត្រឹមតែប៉ុណ្ណោះទីតាំងនេះ គឺជាប់កិច្ចសន្យាវិនិយោគ រយៈពេលវែង១៥ឆ្នាំជាមួយអ្នកម៉ៅការអាជីវកម្មលើរបរសត្តឃាតនេះ ដូចនេះលោកពុំអាចធ្វើអ្វីនោះទេ។ តែលោកនឹងព្យាយាមសម្រួលជាមួយម្ចាស់អាជីវកម្ម ឲ្យធ្វើយ៉ាងណាមានលក្ខណៈស្ងាត់ស្ងៀមជាងមុន៕
ចែករំលែកព័តមាននេះ