បុកបង្គោលសញ្ញាសម្គាល់ផ្លូវកោង ស្លា.ប់ម្នាក់របួសធ្ងន់ម្នាក់
ខេត្តបន្ទាយមានជ័យ ៖ នៅថ្ងៃទី១៣ សីហា ២០១៧ វេលាម៉ោង៥ និង១៥នាទីល្ងាច មានករណីគ្រោះថ្នាក់ចរាចរណ៍មួយកើតឡើង លើកំណាត់ផ្លូវលេខ១៥៦D មង្គលបូរី-ព្រះនេត្រព្រះ
ខេត្តបន្ទាយមានជ័យ ៖ នៅថ្ងៃទី១៣ សីហា ២០១៧ វេលាម៉ោង៥ និង១៥នាទីល្ងាច មានករណីគ្រោះថ្នាក់ចរាចរណ៍មួយកើតឡើង លើកំណាត់ផ្លូវលេខ១៥៦D មង្គលបូរី-ព្រះនេត្រព្រះ ត្រង់ចំណុចផ្លូវកោងមុខផ្ទះឈ្មោះ សំ យឿន ស្ថិតនៅភូមិស្រេះលិច ឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ បង្កឡើងដោយម៉ូតូបុកនឹងបង្គោល សញ្ញាផ្លូវកោង។ មុនដំបូងមានម៉ូតូ១គ្រឿង ម៉ាកហុងដាឌ្រីម ពណ៌ខ្មៅពាក់ស្លាកលេខ បន្ទាយមានជ័យ 2Q-8772 បើកបរដោយឈ្មោះ ភិច អ៊ាន ភេទប្រុស អាយុ២៤ឆ្នាំ នៅភូមិប៉ុស្តិ៍ចាស់ ឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ។
អ្នករួមដំណើរដោយឈ្មោះ ណាន នុត ភេទប្រុស អាយុ២៤ឆ្នាំ នៅភូមិជាមួយបើកបរមកពីទិសខាងលិច ទៅទិសខាងកើត ពេលមកដល់ចំណុចកើតហេតុខាងលើជាចំណុចផ្លូវកោង បានរេចង្កូតទៅបុកនឹងបង្គោលសញ្ញាផ្លូវកោងពេញមួយទំហឹងកើតមានគ្រោះថ្នាក់តែម្តង។ អ្នកបើកបរម៉ូតូឈ្មោះ ភិច អ៊ាន រងរបួសធ្ងន់បញ្ជូនទៅសង្គោះនៅមន្ទីរពេទ្យបង្អែកស្រុកព្រះនេត្រព្រះ។ អ្នករួមដំណើរឈ្មោះ ណាន នុត ស្លាប់នៅនឹងកន្លែងកើតហេតុ៕
ចែករំលែកព័តមាននេះ