ជំងឺថប់បារម្ភមានច្រើនជាងគេចំណោមជំងឺផ្លូវចិត្ត
ការថប់បារម្ភជាញយដង ក្នុងពេលវេលាណាមួយនៃជីវិតរស់នៅរបស់អ្នក ដូចជាសមាជិកណាម្នាក់ក្នុងគ្រួសារមានជំងឺ ឬក៏អ្នកត្រៀមខ្លួនបង្តើតមុខជំនួញអ្វីមួយ ប៉ុន្តែទាំងនេះ គ្រាន់តែ
ការថប់បារម្ភជាញយដង ក្នុងពេលវេលាណាមួយនៃជីវិតរស់នៅរបស់អ្នក ដូចជាសមាជិកណាម្នាក់ក្នុងគ្រួសារមានជំងឺ ឬក៏អ្នកត្រៀមខ្លួនបង្តើតមុខជំនួញអ្វីមួយ ប៉ុន្តែទាំងនេះ គ្រាន់តែ
ការថប់បារម្ភជាញយដង ក្នុងពេលវេលាណាមួយនៃជីវិតរស់នៅរបស់អ្នក ដូចជាសមាជិកណាម្នាក់ក្នុងគ្រួសារមានជំងឺ ឬក៏អ្នកត្រៀមខ្លួនបង្តើតមុខជំនួញអ្វីមួយ ប៉ុន្តែទាំងនេះ គ្រាន់តែជាលក្ខណៈធម្មតាប៉ុណ្ណោះ ។
លោកសាស្ត្រាចារ្យវេជ្ជបណ្ឌិតយឹម សុបុត្រា ឯកទេសវិកលវិទ្យានៃមន្ទីរសម្រាកព្យាបាលផ្លូវចិត្តសាន់រ៉ាយ ឱ្យដឹងថា ជំងឺថប់បារម្ភមានសភាពខ្លាំងក្លាជាងនេះទៅទៀតមានរយៈពេលយូរ និងប៉ះពាល់ដល់តួនាទី មុខងារ និងជីវិត ប្រចាំថ្ងៃរបស់អ្នក ។ មូលហេតុដែលនាំឲ្យមានជំងឺថប់បារម្ភ អាចបណ្តាលមកពីការទទួលបទពិសោធន៍អាក្រក់ម្តងហើយម្តងទៀត ពីអតីតកាលដូចជា ការគំរាមសម្លាប់ ភ្លើងឆេះផ្ទះ សង្គ្រាម ការបែកបាក់ ករណីខ្លះមូលហេតុពុំមានលក្ខណៈច្បាស់លាស់ ។ ជំងឺនេះកើតមានច្រើនជាងគេបង្អស់ ក្នុងចំណោមជំងឺផ្លូវចិត្តឯទៀត និងច្រើនតែកើតមានលើស្ត្រីភេទជាងបុរស ។
លោកសាស្ត្រាចារ្យបន្តថាចំពោះរោគសញ្ញានៃជំងឺថប់បារម្ភនេះមានដូចជា៖
១-រោគសញ្ញាស្តែងមាននៅលើរាងកាយ៖
បេះដូងដើរញាប់, ចង្វាក់ដង្ហើម ខ្លីៗ, វិលមុខ, ស្រវាំងភ្នែក, រោយកញ្ចឹងក, ស្ងួតមាត់, បែកញើសហួសប្រមាណ, ត្រជាក់ចុងដៃ ជើង, រសេះរសោះ, អស់កំលាំងល្ហិតល្ហៃ,ចុកចាប់ តឹងណែនសាច់ដុំ, ចង្អោរ ក្អួត,នោមញឹក,ឧស្សាហ៍កោសខ្យល់,ស្រឺត,ពិបាកគេង គេងមិនលក់ ។
២-រោគសញ្ញាស្តែងលើផ្លូវចិត្ត៖
ព្រួយបារម្ភ ,ភ័យខ្លាចគ្មានហេតុផល, ភ័យខ្លាចស្លាប់ដោយគាំងបេះដូង, អន្ទះសាពិបាកក្នុងការរង់ចាំ, ពិបាកក្នុងការផ្ចង់អារម្មណ៍, មិនហ៊ានធ្វើដំណើរ ឬនៅតែឯង ។
លោកសាស្ត្រាចារ្យបញ្ជាក់ថា ការព្យាបាលជំងឺថប់បារម្ភនេះគឺមាន៤ដំណាក់កាលដូចជា៖
-ការព្យាបាលតាមបែបចិត្តសាស្ត្រ ។
-ការព្យាបាលដោយឱសថប្រឆាំងនឹងជំងឺថប់បារម្ភ ។
-ការសម្រាកកាយចិត្ត ។
-ការកម្សាន្តនៅទីកន្លែង ឬការធ្វើសកម្មភាពដែលអ្នកពេញចិត្ត ។
ដើម្បីការការពារជំងឺថប់បារម្ភនេះលោកអ្នកត្រូវ៖
-ប្រើប្រាស់បំណិនជីវិតក្នុងការដោះស្រាយ គេច កែប្រែ និងសម្របទៅនឹងស្ថានភាពតានតឹងក្នុងចិត្តដែលជួបប្រទះស្ទើរតែរាល់ថ្ងៃ ក្នុងជីវិតរស់នៅ ។
-បញ្ឈប់ការសេពគ្រឿងញៀន និងគ្រឿងញៀន ។
-អនុវត្តតាមវេជ្ជបញ្ជាដោយពិសាថ្នាំឱ្យបានទៀងទាត់ ។
-ផ្តល់ព័ត៌មានដល់គ្រូពេទ្យជាបន្ទាន់ក្នុងករណីថ្នាំមានផលវិបាក ។
– អ្នកជំងឺ និងក្រុមគ្រួសារអ្នកជំងឺត្រូវសហការជាមួយគ្រូពេទ្យដើម្បីរៀនសូត្រអំពីថាអ្វីទៅជាជំងឺថប់បារម្ភ ? ការស្វែងរកការប្រឹក្សានិងការព្យាបាលពីអ្នកជំនាញតាំងពីដំបូងវាមានសារសំខាន់បំផុត ៕
ចែករំលែកព័តមាននេះ